E-Paper
హైదరాబాద్ యూనివర్సిటీ జాబ్ నోటిఫికేషన్.. పూర్తి వివరాలు ఇవే!
యూనివర్సిటీ ఆఫ్ హైదరాబాద్ జాబ్ నోటిఫికేషన్ విడుదల చేసింది. అర్హులైన అభ్యర్థులు 2026 సెప్టెంబర్ 21వ తేదీ వరకు దరఖాస్తు చేసుకోవాలి.
Prefer HTon Google
ఉన్నత విద్య అభ్యసించి పరిశోధనల వైపు వెళ్లాలనుకునే అభ్యర్థులకు హైదరాబాద్ కేంద్రీయ విశ్వవిద్యాలయం(UoH) ఒక మంచి అవకాశాన్ని అందించింది. స్కూల్ ఆఫ్ లైఫ్ సైన్సెస్ పరిధిలోని డిపార్ట్మెంట్ ఆఫ్ బయోకెమిస్ట్రీలో తాత్కాలిక ప్రాతిపదికన ప్రాజెక్ట్ అసోసియేట్ పోస్టు భర్తీకి ప్రకటన విడుదల చేసింది. అనూరాధా రీసెర్చ్ ఫౌండేషన్ నిధులతో చేపడుతున్న "ఫ్యాటీ లివర్ మరియు మెటబాలిక్ డిజార్డర్స్ను అరికట్టే గుగ్గుల్స్టెరాన్ ఆధారిత నానో ఫార్ములేషన్" ప్రాజెక్టులో పనిచేయడానికి అర్హులైన భారతీయ పౌరుల నుండి దరఖాస్తులను కోరుతున్నారు.
ప్రాజెక్ట్ అసోసియేట్-1 నెలవారీ వేతనం రూ. 30,000గా ఉంటుంది. ఏడాది పాటు ఉంటుంది. అభ్యర్థి ప్రతిభ, ప్రాజెక్టు గడువు ఆధారంగా కాలపరిమితిని పొడిగించే అవకాశం ఉంటుంది. గుర్తింపు పొందిన యూనివర్సిటీ నుండి బయోకెమిస్ట్రీ, బయోటెక్నాలజీ, బయోలాజికల్ సైన్సెస్ లేదా లైఫ్ సైన్సెస్ విభాగంలో ఎం.ఎస్సీ పూర్తి చేసి ఉండాలి.
నానో ఫార్ములేషన్స్, యానిమల్ స్టడీస్పై ప్రయోగాత్మక అనుభవం ఉన్నవారికి ప్రాధాన్యం ఇస్తారు. 0 నుండి 1 సంవత్సరం అనుభవంగా నోటిఫికేషన్లో పేర్కొన్నారు. అభ్యర్థుల గరిష్ట వయస్సు 35 సంవత్సరాలు మించకూడదు. ఈ నియామకం పూర్తిగా తాత్కాలికమైనది. యూనివర్సిటీలో శాశ్వత ప్రాతిపదికన ఉద్యోగాన్ని క్లెయిమ్ చేయడానికి ఎలాంటి హక్కు ఉండదు.
దరఖాస్తుదారులు రాత పరీక్ష, ఇంటర్వ్యూ లేదా ఉద్యోగంలో చేరే సమయంలో హాజరయ్యేందుకు ఎలాంటి ప్రయాణ భత్యాలు చెల్లించరు. దరఖాస్తు ఫారంతో పాటు అవసరమైన విద్యార్హతలు, అనుభవ పత్రాల జిరాక్స్లను తప్పనిసరిగా జతపరచాలి. కేవలం ఎంపిక చేసిన అర్హులైన అభ్యర్థులకు మాత్రమే ఈమెయిల్ లేదా లేఖ ద్వారా వివరాలను తెలియజేస్తారు.
ఆసక్తి కలిగిన అభ్యర్థులు తమ బయోడేటాతో పాటు సంబంధిత సర్టిఫికెట్ల కాపీలను జతచేసి, దరఖాస్తు ఫారంలో పూర్తి చేసి పోస్ట్ ద్వారా పంపాల్సి ఉంటుంది.
దరఖాస్తులు పంపాల్సిన చిరునామా
ప్రొఫెసర్ అజయ్ డబ్ల్యూ. టుమానె, రూమ్ నెం: F-47, డిపార్ట్మెంట్ ఆఫ్ బయోకెమిస్ట్రీ, స్కూల్ ఆఫ్ లైఫ్ సైన్సెస్, యూనివర్సిటీ ఆఫ్ హైదరాబాద్, గచ్చిబౌలి,హైదరాబాద్ - 500046, తెలంగాణ. (ఈమెయిల్: ajaytumaney@uohyd.ac.in). దరఖాస్తు సమర్పణకు చివరి తేదీ 21 సెప్టెంబరు 2026 (సాయంత్రం 5:30 గంటల వరకు)కు ఉంటుంది.
