రాష్ట్రంలో రాబోయే ఐదు రోజుల పాటు వాతావరణం మారనుంది. రాష్ట్రంలోని పలు జిల్లాల్లో తేలికపాటి నుంచి ఒక మోస్తరు వర్షాలు కురిసే అవకాశం ఉంది. ఈ మేరకు హైదరాబాద్ వాతావరణ కేంద్రం వివరాలను పేర్కొంది. కొన్ని జిల్లాల్లో ఉరుములు, మెరుపులతో పాటు గంటకు 30 నుంచి 40 కిలోమీటర్ల వేగంతో ఈదురు ఈదురు గాలులు వీచే అవకాశముంది.
ఈ జిల్లాలకు ఎల్లో హెచ్చరికలు…
ఆగస్టు 3 మధ్యాహ్నం 1:00 గంటల నుంచి ఆగస్టు 4 ఉదయం 8:30 గంటల వరకు ఉరుములు, మెరుపులు మరియు ఈదురు గాలులతో కూడిన వర్షాలు పడే అవకాశం ఉంది. ఆదిలాబాద్, కొమురంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్ మరియు హనుమకొండ జిల్లాలకు ఎల్లో హెచ్చరికలు జారీ అయ్యాయి.
- ఆగస్టు 3 నుంచి 4 : పైన పేర్కొన్న జిల్లాల్లో ఉరుములు, మెరుపులతో పాటు గంటకు 30-40 కి.మీ వేగంతో బలమైన గాలులు వీస్తాయి. రాష్ట్రంలోని మిగిలిన అన్ని జిల్లాల్లో కూడా బలమైన ఉపరితల గాలులు వీచే సూచనలు ఉన్నాయి.
- ఆగస్టు 4 నుంచి 5 : రాష్ట్రవ్యాప్తంగా తేలికపాటి నుంచి మోస్తరు వర్షాలు పడే అవకాశం ఉంది. అన్ని జిల్లాల్లో అక్కడక్కడ గంటకు 30-40 కి.మీ వేగంతో బలమైన ఉపరితల గాలులు వీస్తాయి.
- ఆగస్టు 5 నుంచి 6 : తేలికపాటి నుంచి మోస్తరు వర్షాలతో పాటు అన్ని జిల్లాల్లో బలమైన ఈదురు గాలులు వీచే అవకాశం ఉంది.
- ఆగస్టు 6 నుంచి 7 : రాష్ట్రంలో అక్కడక్కడ తేలికపాటి నుంచి ఒక మోస్తరు వర్షాలు కురుస్తాయి. బలమైన గాలులు కొనసాగుతాయి.
- ఆగస్టు 7 నుంచి 8 : తెలంగాణవ్యాప్తంగా తేలికపాటి నుంచి మోస్తరు వర్షాలు కురిసే అవకాశం ఉంది.
ఈదురుగాలులు, ఉరుములు పడే సూచనలు ఉన్నందున ప్రజలు, రైతులు అప్రమత్తంగా ఉండాలని వాతావరణ శాఖ అధికారులు విజ్ఞప్తి చేశారు. చెట్ల కింద, విద్యుత్ స్తంభాల వద్ద నిలబడవద్దని సూచించారు.
{{/usCountry}}ఈదురుగాలులు, ఉరుములు పడే సూచనలు ఉన్నందున ప్రజలు, రైతులు అప్రమత్తంగా ఉండాలని వాతావరణ శాఖ అధికారులు విజ్ఞప్తి చేశారు. చెట్ల కింద, విద్యుత్ స్తంభాల వద్ద నిలబడవద్దని సూచించారు.
{{/usCountry}}