TGSRTC : హైదరాబాద్-బెంగళూరు రూట్‌లో టీజీఎస్ఆర్టీసీ కొత్త స్టాప్‌లు ఇవి.. పూర్తి లిస్ట్

TGSRTC Bengaluru Hyderabad Route Stops : బెంగళూరు-హైదరాబాద్ ప్రయాణికులకు తెలంగాణ ఆర్టీసీ గుడ్‌న్యూస్ చెప్పింది. బోర్డింగ్, అలైటింగ్ పాయింట్లను పెంచింది. ఈ నిర్ణయం ప్రయాణికులకు ఎంతగానో ఉపయోగకరంగా ఉండనుంది.

బెంగళూరు - హైదరాబాద్ మధ్య ప్రయాణించే ప్రయాణికులకు తెలంగాణ రాష్ట్ర రోడ్డు రవాణా సంస్థ(TGSRTC) శుభవార్త చెప్పింది. ప్రయాణికుల సౌకర్యాన్ని మరింత పెంపొందించేందుకు రెండు నగరాల మధ్య నడిచే అన్ని ఏసీ స్లీపర్, నాన్-ఏసీ బస్సులకు బోర్డింగ్ (బస్ ఎక్కే పాయింట్) , అలైటింగ్ (బస్ దిగే పాయింట్) పాయింట్లను భారీగా పెంచినట్లు టీజీఎస్‌ఆర్టీసీ ప్రకటించింది. ప్రయాణికులు తమకు నచ్చిన, ఉండే ప్రాంతానికి దగ్గరలోని ప్రాంతాల నుంచే సులభంగా బస్సులు ఎక్కేందుకు, దిగేందుకు వీలుగా రూట్లను కింది విధంగా క్రమబద్ధీకరించారు.

బెంగళూరులో బోర్డింగ్, అలైటింగ్ పాయింట్లు

టీజీఎస్ఆర్టీసీ బెంగళూరు-హైదరాబాద్ బస్ స్టాప్‌లు

పీనియా రూట్ : పీనియా (Peenya), యశ్వంతపూర్ మెట్రో స్టేషన్, కెంపెగౌడ బస్ స్టేషన్ (మెజెస్టిక్), హెబ్బల్, ఎస్టీమ్ మాల్, ఎలాహంక, బెంగళూరు ఎయిర్ పోర్ట్ టోల్ ప్లాజా, దేవనహళ్లి బైపాస్

చందాపూర్ రూట్ : చందాపూర్, బొమ్మసంద్ర, ఎలక్ట్రానిక్ సిటీ, బొమ్మనహళ్లి మెట్రో స్టేషన్, మడివాళ, కెంపెగౌడ బస్ స్టేషన్, హెబ్బల్ అండ్ ఎస్టీమ్ మాల్, ఎలాహంక, బెంగళూరు ఎయిర్ పోర్ట్ టోల్ ప్లాజా, దేవనహళ్లి బైపాస్.

మార్తహళ్లి రూట్ : వర్తూర్ జంక్షన్, మార్తహళ్లి, దొమ్లూరు బ్రిడ్జి, కెంపెగౌడ బస్ స్టేషన్, హెబ్బల్ అండ్ ఎస్టీమ్ మాల్, ఎలాహంక, బెంగళూరు ఎయిర్ పోర్ట్ టోల్ ప్లాజా, దేవనహళ్లి బైపాస్.

హైదరాబాద్‌లో బోర్డింగ్, అలైటింగ్ పాయింట్లు

బెంగళూరు నుంచి హైదరాబాద్ వచ్చే అన్ని సర్వీసుల ప్రయాణికుల కోసం నగరంలోని ప్రధాన మార్గాల్లో కింది విధంగా స్టాప్‌లు అందుబాటులో ఉంటాయి.

పటాన్‌చెరు రూట్ : పటాన్‌చెరు నుండి ఎంజీబీఎస్, ఆరాంఘర్, శంషాబాద్ వరకు ఉన్న అన్ని ప్రధాన స్టేజీలలో..

జేబీఎస్ రూట్: జేబీఎస్ నుండి ఎంజీబీఎస్, ఆరాంఘర్, శంషాబాద్ వరకు ఉన్న అన్ని ప్రధాన స్టేజీలలో..

టీజీఎస్‌ఆర్టీసీ అందిస్తున్న ఈ అద్భుతమైన సదవకాశాన్ని బెంగళూరు - హైదరాబాద్ మధ్య ప్రయాణించే ప్రయాణికులందరూ వినియోగించుకోవాలని సంస్థ కోరుతోంది. మీ ఇంటికి దగ్గరలోనే బోర్డింగ్ పాయింట్లను ఎంచుకుని, సురక్షితమైన, సుఖవంతమైన ప్రయాణాన్ని ఆస్వాదించాలని తెలిపింది.

ప్రయాణికులు తమ టికెట్లను బుక్ చేసుకోవడానికి టీజీఎస్ ఆర్టీసీ అధికారిక వెబ్‌సైట్ www.tgsrtcbus.in ను సందర్శించవచ్చు.