శ్రీకాకుళం జిల్లా కాశీబుగ్గలో వెంకటేశ్వరస్వామి ఆలయంలో తొక్కిసలాట జరిగి 9 మంది మరణించారు. రెయిలింగ్ ఊడిపడి ఈ ఘటన జరిగింది. ఇందులో 8 మంది మహిళలు, 12 ఏళ్ల బాలుడు ఉన్నారు. చాలా మంది గాయాలపాలై ఆసుపత్రుల్లో చికిత్స పొందుతున్నారు. ఘటన జరిగిన వెంటనే మంత్రి నారా లోకేశ్ స్పందించారు. ఆ తర్వాత ఘటన స్థలానికి వెళ్లారు. మృతుల కుటుంబాలకు రూ.15 లక్షల చొప్పున సాయం అందిస్తామని లోకేశ్ వెల్లడించారు. క్షతగాత్రులకు రూ.3 లక్షల చొప్పున సాయం చేస్తామన్నారు.
ఘటన జరిగిన తర్వాత మంత్రి నారా లోకేశ్ బయలుదేరి కాశీబుగ్గ వచ్చారు. ఘటన స్థలంతోపాటుగా పలాస ఆసుపత్రిలో చికిత్స పొందుతున్న క్షతగాత్రులను పరామర్శించారు. అనంతరం మీడియాతో మాట్లాడారు.
94 ఏళ్ల వృద్ధుడు సొంత ఖర్చులో వెంకటేశ్వరస్వామి ఆలయం నిర్మించారని లోకేశ్ అన్నారు. ఇంత మంది భక్తులు వస్తారని ఎవరూ ఊహించలేదన్నారు. బారికేట్లు ఏర్పాటు చేసినా రద్దీ కారణంగా సరిపోలేదని తెలిపారు. విషయం తెలిసిన వెంటనే.. మంత్రి, ఎమ్మెల్యేలు, అధికారులను అప్రమత్తం చేశామన్నారు. ఇలాంటి ఘటనలు మళ్లీ జరగకుండా చర్యలు తీసుకుంటామని చెప్పారు. ఈ ఘటనపై సీఎం చంద్రబాబు ఎప్పటికప్పుడు ఆరా తీస్తున్నారన్నారు.
'ప్రజలకు దేవుడిని దగ్గర చేయాలనే ఉద్దేశంతో ఈ ఆలయం నిర్మించారు. తొక్కిసలాట ఘటన మీద ఆలయ నిర్వాహకులు, సిబ్బందిని విచారణ చేస్తాం. పలాస ఆసుపత్రిలో చికిత్స తీసుకుంటున్న 16 మందికి ప్రాణాపాయం లేదు. తీవ్రగాయాలైన వారికి మెరుగైన చికిత్స అందిస్తాం.' అని లోకేశ్ తెలిపారు.
మరోవైపు ఈ ఘటనపై ఆలయ నిర్వాహకుడు హరిముకుంద్పండా స్పందించారు. సాధారణంగా ఆలయానికి రెండు వేల మంది భక్తులు వస్తుంటారని తెలిపారు. ఇంత పెద్ద సంఖ్యలో భక్తులు వస్తారని ఊహించలేదన్నారు. ఇంత మంది వస్తారని తెలియక పోలీసులకు సమాచారం ఇవ్వలేదన్నారు. హరిముకుంద్ పండాతో కలెక్టర్, ఎస్పీ మాట్లాడారు. బాధితులు చికిత్స పొందుతున్న ఆసుపత్రికి వెళ్లారు.
కాశీబుగ్గ ఆలయం ఘటనలోని క్షతగాత్రుల్లో పలువురి పరిస్థితి విషమంగా ఉంది. ఈ ఘటనకు సంబంధించి బాధితులకు సమాచారం అందించడానికి అధికారులు శ్రీకాకుళం కలెక్టరేట్లో కంట్రోల్ రూమ్ ఏర్పాటు చేశారు. సమాచారం కోసం 08942240557కు ఫోన్ చేసి తెలుసుకోవచ్చు.
{{/usCountry}}కాశీబుగ్గ ఆలయం ఘటనలోని క్షతగాత్రుల్లో పలువురి పరిస్థితి విషమంగా ఉంది. ఈ ఘటనకు సంబంధించి బాధితులకు సమాచారం అందించడానికి అధికారులు శ్రీకాకుళం కలెక్టరేట్లో కంట్రోల్ రూమ్ ఏర్పాటు చేశారు. సమాచారం కోసం 08942240557కు ఫోన్ చేసి తెలుసుకోవచ్చు.
{{/usCountry}}