దక్షిణ మధ్య రైల్వే(South Central Railway) తమ పెన్షనర్లకు అత్యంత ఉపశమనం కలిగించే వార్తను అందించింది. పెన్షన్ పొందడానికి ఏటా దాఖలు చేయాల్సిన లైఫ్ సర్టిఫికేట్(జీవిత ధృవీకరణ పత్రాలు) ప్రక్రియను మరింత సరళతరం చేస్తూ డిజిటల్ లైఫ్ సర్టిఫికేట్ ప్రచారం 5.0ను ప్రారంభించనున్నట్లు ప్రకటించింది. నవంబర్ 1 నుంచి 30 వరకు నెల రోజుల పాటు తమ పరిధి అంతటా ఈ ప్రత్యేక ప్రచార కార్యక్రమాన్ని నిర్వహించనున్నట్లు రైల్వే అధికారులు వెల్లడించారు.
ఈ డిజిటల్ సౌకర్యం ద్వారా పెన్షనర్లు, ముఖ్యంగా వయోవృద్ధులు, ఆరోగ్య సమస్యల కారణంగా బయటకు వెళ్లలేని వారు బ్యాంకులు లేదా పెన్షన్ ఆఫీసుల చుట్టూ తిరగాల్సిన అవసరం లేకుండా తమ ఇంట్లో నుంచే స్మార్ట్‌ఫోన్ ద్వారా సర్టిఫికేట్ సమర్పించవచ్చు.
ఆధార్ ఆధారిత బయోమెట్రిక్ అథెంటికేషన్, ముఖ గుర్తింపు ద్వారా లైఫ్ సర్టిఫికేట్ సమర్పణను సౌత్ సెంట్రల్ రైల్వే అత్యంత సులభతరం చేసింది. దీని కోసం పెన్షనర్లు తమ ఆండ్రాయిడ్ స్మార్ట్‌ఫోన్లలో గూగుల్ ప్లే స్టోర్ నుంచి యాప్‌లను డౌన్లోడ్ చేసుకోవాల్సి ఉంటుంది. Aadhaar Face RD UIDAI అభివృద్ధి చేసిన యాప్, కేంద్ర ప్రభుత్వం అందించే Jeevan Pramaan App డౌన్లోడ్ చేసుకోవాలి.
స్మార్ట్‌ఫోన్ ద్వారా అథెంటికేషన్ పూర్తి చేసిన తర్వాత, పెన్షనర్లు కింది వివరాలను జాగ్రత్తగా నమోదు చేయాల్సి ఉంటుంది. ఆధార్ కార్డులో ఉన్న విధంగా పెన్షనర్ పేరు, పెన్షన్ రకం, పెన్షన్ పేమెంట్ ఆర్డర్ సంఖ్య, పెన్షన్ ఖాతా సంఖ్య, మంజూరు చేసిన అధికార సంస్థ, పెన్షన్ అందించే సంస్థ/బ్యాంకు వివరాలను నమోదు చేయాలి.
ఈ వివరాలన్నీ నమోదు చేసి, డిక్లరేషన్ను అంగీకరించిన వెంటనే యాప్ ద్వారా డిజిటల్ లైఫ్ సర్టిఫికేట్ జనరేట్ అవుతుంది. అథెంటికేషన్ పూర్తయిన తర్వాత ప్రయాణికులు/పెన్షనర్ల రిజిస్టర్డ్ మొబైల్ నంబర్కు జీవన్ ప్రమాణ్ ఐడీతో కూడిన ఎస్ఎంఎస్, సర్టిఫికేట్ డౌన్లోడ్ చేసుకునే లింక్ వస్తుంది.
{{/usCountry}}ఈ వివరాలన్నీ నమోదు చేసి, డిక్లరేషన్ను అంగీకరించిన వెంటనే యాప్ ద్వారా డిజిటల్ లైఫ్ సర్టిఫికేట్ జనరేట్ అవుతుంది. అథెంటికేషన్ పూర్తయిన తర్వాత ప్రయాణికులు/పెన్షనర్ల రిజిస్టర్డ్ మొబైల్ నంబర్కు జీవన్ ప్రమాణ్ ఐడీతో కూడిన ఎస్ఎంఎస్, సర్టిఫికేట్ డౌన్లోడ్ చేసుకునే లింక్ వస్తుంది.
{{/usCountry}}సాధారణంగా ప్రతి ఏటా నవంబర్ నెలలో పెన్షనర్లు తమ జీవిత ధృవీకరణ సర్టిఫికేట్‌ను సమర్పించాల్సి ఉంటుంది. గతంలో బ్యాంకులు, ట్రెజరీ కార్యాలయాలు లేదా రైల్వే పెన్షన్ ఆఫీసుల వద్ద గంటల తరబడి క్యూలో నిలబడాల్సి వచ్చేది. కానీ ఈ డిజిటల్ ప్రచారం ద్వారా సీనియర్ సిటిజన్లు, నడవలేని స్థితిలో ఉన్నవారు తమ నివాసం నుంచే నిమిషాల వ్యవధిలో ఈ ప్రక్రియను పూర్తి చేసుకోవచ్చు. రైల్వే పెన్షనర్లందరూ ఈ అవకాశాన్ని ఉపయోగించుకుని నవంబర్ 30 లోపు తమ డిజిటల్ లైఫ్ సర్టిఫికేట్‌ను సమర్పించాలి.