Ration Card Face Authentication : వేలిముద్రలకు బదులుగా ఫేస్ అథెంటికేషన్ ద్వారా రేషన్!

Ration Card Face Authentication : సాధారణంగా వేలిముద్రల ద్వారానే రేషన్ సరుకులు తీసుకుంటాం. కానీ ఫేస్ అథెంటికేషన్ కూడా పూర్తిస్థాయిలో తీసుకువచ్చేందుకు ప్రయత్నాలు జరుగుతున్నాయి.

రేషన్ పంపిణీకి వేలిముద్రలను ఉపయోగించడం సాధ్యం కానప్పుడు.. రేషన్ కోసం ముఖ ధృవీకరణ(ఫేస్ అథెంటికేషన్) అందుబాటులో ఉంటుంది. దీని ద్వారా ముఖ గుర్తింపు ద్వారా రేషన్లను పొందవచ్చు. కానీ ఈ సదుపాయం అప్డేట్ చేసిన సాంకేతిక వ్యవస్థలు ఉన్న దుకాణాలలో మాత్రమే అందుబాటులో ఉంటుంది. ఏపీ, తెలంగాణలోని అన్ని రేషన్ దుకాణాల్లో ఈ విధానాన్ని తీసుకువచ్చేందుకు ప్రయత్నాలు చేస్తున్నట్టుగా తెలుస్తోంది.

రేషన్

చాలా సార్లు రేషన్ తీసుకునేటప్పుడు వేలిముద్రలు సరిపోలకపోవడం వల్ల సమస్యలు తలెత్తుతాయి. మీరు కూడా ఈ సమస్యను చాలాసార్లే ఎదుర్కొని ఉంటారు. అయితే ఫేస్ అథెంటికేషన్ విధానం అనేది అన్ని రేషన్ దుకాణాల్లో అందుబాటులోకి తీసుకురావాలని ప్రభుత్వం భావిస్తున్నట్టుగా తెలుస్తోంది. అలా వస్తే ఇకపై మీరు రేషన్ తీసుకునే ప్రతిసారీ మీ వేలిముద్రను ఉపయోగించాల్సిన అవసరం లేదు. ప్రభుత్వం రేషన్ పంపిణీ వ్యవస్థలో ముఖ ధృవీకరణను అన్ని చోట్ల ప్రవేశపెడితే ఇది చాలా ఉపయోగకరంగా ఉంటుంది. ఈ విధానంతో బయోమెట్రిక్ ధృవీకరణ కష్టంగా ఉన్నప్పుడు, కేవలం మీ ముఖం ద్వారానే(ఐరిస్) మిమ్మల్ని గుర్తించవచ్చు.

రేషన్ పంపిణీ ప్రక్రియను సులభతరం చేయడం, అలాగే సాంకేతిక లోపాలు లేదా ఇతర కారణాల వల్ల యంత్రంలో వేలిముద్రలు నమోదు కాని వారు ఎదుర్కొంటున్న అసౌకర్యాన్ని తగ్గించడం దీని ప్రధాన ఉద్దేశ్యం. అయితే, అవసరమైన సాంకేతిక వ్యవస్థలను అప్డేట్ చేసిన రేషన్ దుకాణాలలో మాత్రమే ఈ సౌకర్యం అందుబాటులో ఉంటుందని గుర్తుంచుకోవాలి.

రేషన్ దుకాణంలో రేషన్ తీసుకునే సమయంలో ఈ-పాస్ యంత్రంపై మీ బొటనవేలు లేదా చూపుడు వేలు ఉంచి మీ గుర్తింపును ధృవీకరించుకోవాల్సి ఉండేది. అయితే నెట్‌వర్క్ సమస్యలు, యంత్రంలో సాంకేతిక లోపాలు లేదా అస్పష్టమైన వేలిముద్రల కారణంగా ధృవీకరణకు చాలా ఇబ్బందులు వస్తుంటాయి. కొత్త ఫేస్ రికగ్నిషన్ వ్యవస్థ ఈ సమస్యను పరిష్కరించడమే లక్ష్యంగా పెట్టుకుంది.

రేషన్ తీసుకునేటప్పుడు, మునుపటిలాగే ఈ-పాస్ మెషీన్‌లో బయోమెట్రిక్ ధృవీకరణ జరుగుతుంది. వేలిముద్ర సరిపోలకపోతే, ముఖ ధృవీకరణ ఎంపికను ఉపయోగించవచ్చు. ఈ-పాస్ యంత్రంలో అమర్చిన కెమెరా ద్వారా లబ్ధిదారుని ముఖం స్కాన్ చేస్తారు. దీని తర్వాత గుర్తింపును ఆధార్ డేటాబేస్‌లో ఉన్న సమాచారంతో సరిపోల్చడం జరుగుతుంది. ధృవీకరణ పూర్తయిన తర్వాత, లబ్ధిదారునికి రేషన్ ఇవ్వవచ్చు.

రేషన్ కార్డు ఫేస్ రికగ్నిషన్ అనేది చాలా మంది వృద్ధులకు ఉపయోగకరంగా ఉంటుంది. వయసు పైబడుతూ ఉంటే.. వేలిముద్రలు ఈ-పాస్ యంత్రం దగ్గర రాకా చాలా మంది ఇబ్బందులు ఎదుర్కొంటున్నారు. అదేవిధంగా నిరంతరం శారీరక శ్రమ చేసే వ్యక్తులు కూడా చర్మం, వేలిముద్రల నష్టాన్ని ఎదుర్కోవచ్చు. ఇది తరచుగా వేలిముద్రల గుర్తింపును కష్టతరం చేస్తుంది. అటువంటి వ్యక్తులకు ఫేస్ రికగ్నిషన్ ద్వారా రేషన్ పంపిణీ ప్రక్రియను సులభతరం చేస్తుంది. అన్ని అనుకున్నట్టుగా జరిగితే తెలంగాణ, ఆంధ్రప్రదేశ్‌లోని అన్ని రేషన్ దుకాణాల్లో రేషన్ కార్డు ఫేస్ అథెంటికేషన్‌ను తీసుకువచ్చే అవకాశం ఉంది.