సింగరేణి కాలరీస్ కంపెనీ లిమిటెడ్(SCCL) ప్రస్తుత ఆర్థిక సంవత్సరంలో సెప్టెంబర్ 30తో ముగిసిన కాలంలో బొగ్గు రవాణాలో గణనీయమైన వృద్ధిని నమోదు చేసింది. ఈ కాలంలో వినియోగదారులకు, థర్మల్ విద్యుత్ కేంద్రాలకు భారీ మొత్తంలో బొగ్గును సరఫరా చేసింది.
గత ఏడాది ఇదే కాలంలో 287.6 లక్షల టన్నుల బొగ్గును రవాణా చేయగా, ప్రస్తుత ఆర్థిక సంవత్సరంలోని మొదటి ఆరు నెలల్లో SCCL 299.4 లక్షల టన్నుల బొగ్గును రవాణా చేసి 4 శాతం వృద్ధిని సాధించింది. రాష్ట్ర ఇంధన అవసరాలను తీర్చడంపై తనకున్న నిబద్ధతను చాటుతూ.. SCCL తెలంగాణలోని థర్మల్ విద్యుత్ కేంద్రాలకు 198.2 లక్షల టన్నుల బొగ్గును సరఫరా చేసింది. ఇది గత ఏడాది ఇదే కాలంలో సరఫరా చేసిన 159.1 లక్షల టన్నులతో పోలిస్తే 24.58 శాతం ఎక్కువ.
విద్యుత్ కేంద్రాల విషయానికొస్తే.. కొత్తగూడెం థర్మల్ విద్యుత్ కేంద్రానికి బొగ్గు సరఫరా 26.4 లక్షల టన్నుల నుండి 39.8 లక్షల టన్నులకు పెరిగింది(50.76% వృద్ధి). యాదాద్రి థర్మల్ విద్యుత్ కేంద్రానికి సరఫరా 21.5 లక్షల టన్నుల నుండి 33.9 లక్షల టన్నులకు (57.67% పెరుగుదల) పెరగగా, భద్రాద్రి థర్మల్ విద్యుత్ కేంద్రానికి 24.4 లక్షల టన్నుల బొగ్గు అందింది (గత ఏడాది 19.5 లక్షల టన్నులతో పోలిస్తే 25.13% పెరుగుదల).
సింగరేణి థర్మల్ విద్యుత్ కేంద్రానికి బొగ్గు రవాణా 26.6 లక్షల టన్నులుగా నమోదైంది. ఇది 27.27 శాతం వృద్ధిని సూచిస్తుంది. NTPC తెలంగాణకు సరఫరా 19.4 లక్షల టన్నుల నుండి 25.3 లక్షల టన్నులకు పెరిగింది. అయితే NTPC రామగుండానికి బొగ్గు సరఫరా మాత్రం స్వల్పంగా తగ్గి, గత ఏడాది ఇదే కాలంలోని 43.5 లక్షల టన్నుల నుండి 42.7 లక్షల టన్నులకు చేరింది.
ఎల్ నినో పరిస్థితులు, తెలంగాణలో నిరంతరాయ విద్యుత్ ఉత్పత్తిని కొనసాగించాల్సిన అవసరాన్ని దృష్టిలో ఉంచుకుని తీసుకున్న ప్రత్యేక చర్యల వల్లే ఈ అదనపు సరఫరా సాధ్యమైందని సింగరేణి సంస్థ పేర్కొంది. రాష్ట్ర, కేంద్ర ప్రభుత్వాల ఆదేశాల మేరకు.. బొగ్గు ఉత్పత్తి, రవాణాను పెంచడానికి సంస్థ విద్యుత్ రంగ సంస్థలతో సమన్వయం చేసుకుని పనిచేసింది. SCCL ఛైర్మన్, మేనేజింగ్ డైరెక్టర్ డాక్టర్ బుద్ధప్రకాష్ జ్యోతి, ఏరియా జనరల్ మేనేజర్లతో కలిసి ఉత్పత్తి, రవాణా లక్ష్యాలను ప్రతిరోజూ సమీక్షిస్తుండగా, థర్మల్ పవర్ స్టేషన్లకు బొగ్గు రవాణాను పర్యవేక్షించేందుకు ఐదుగురు సీనియర్ అధికారులను నియమించారు.
తెలంగాణ విద్యుత్ అవసరాలను తీర్చడాన్ని కేవలం వాణిజ్యపరమైన అంశాలకు అతీతంగా ఒక బాధ్యతగా సింగరేణి సంస్థ భావిస్తోంది. 620 లక్షల టన్నుల బొగ్గు ఉత్పత్తి, 650 లక్షల టన్నుల బొగ్గు రవాణా అనే తమ వార్షిక లక్ష్యాలను సాధించేందుకు ప్రణాళికాబద్ధంగా పనిచేస్తోందని మేనేజింగ్ డైరెక్టర్ తెలిపారు.
{{/usCountry}}తెలంగాణ విద్యుత్ అవసరాలను తీర్చడాన్ని కేవలం వాణిజ్యపరమైన అంశాలకు అతీతంగా ఒక బాధ్యతగా సింగరేణి సంస్థ భావిస్తోంది. 620 లక్షల టన్నుల బొగ్గు ఉత్పత్తి, 650 లక్షల టన్నుల బొగ్గు రవాణా అనే తమ వార్షిక లక్ష్యాలను సాధించేందుకు ప్రణాళికాబద్ధంగా పనిచేస్తోందని మేనేజింగ్ డైరెక్టర్ తెలిపారు.
{{/usCountry}}