పదో తరగతి విద్యార్థులకు బిగ్ అప్డేట్.. పరీక్ష ఫీజు షెడ్యూల్ విడుదల.. ఇవిగో వివరాలు

తెలంగాణలో పదో తరగతి ఫైనల్ పరీక్షల ఫీజు షెడ్యూల్ విడుదలైంది. ఈ మేరకు డైరెక్టర్ స్కూల్ ఎడ్యుకేషన్ వివరాలను పంచుకుంది.

తెలంగాణలో పదో తరగతి విద్యార్థులకు పరీక్ష ఫీజు షెడ్యూల్ ను డైరెక్టర్ స్కూల్ ఎడ్యుకేషన్ విడుదల చేసింది. చెల్లింపులు అక్టోబర్ 30 నుండి ప్రారంభమవుతాయి. నిర్దేశించిన గడువు తర్వాత రూ. 50, రూ. 200, రూ. 500 చొప్పున ఆలస్య రుసుములు వర్తిస్తాయి. షెడ్యూల్ పొడిగింపునకు అనుమతి లేదని నోటిఫికేషన్లో పేర్కొన్నారు.

తెలంగాణ పదో తరగతి పరీక్ష ఫీజు షెడ్యూల్ విడుదల

పదో తరగతి రెగ్యూలర్ విద్యార్థులు, ఇది వరకు ఫెయిల్ అయిన విద్యార్థులకు పదో తరగతి పబ్లిక్ పరీక్షల మార్చి 2026 ఫీజు చెల్లింపు షెడ్యూల్‌ను విడుదలైంది. అక్టోబర్ 30 నుండి చెల్లించవచ్చు. విద్యార్థులు నవంబర్ 13 వరకు ఆలస్య రుసుము లేకుండా సంబంధిత పాఠశాల హెచ్ఎంలకు ఫీజు చెల్లించాలి. రూ. 50 ఆలస్య రుసుముతో నవంబర్ 15, 29 మధ్య చెల్లింపు చేయవచ్చు.

ఇంకా డిసెంబర్ 11 నుంచి 29 వరకు వరుసగా రూ. 200, రూ. 500 ఆలస్య రుసుముతో రుసుము కూడా అంగీకరిస్తారు. ఈ షెడ్యూల్ SSC, OSSC, ఒకేషనల్ పరీక్షలకు హాజరు కావాలనుకునే విద్యార్థులకు వర్తిస్తుందని నోటిఫికేషన్లో పేర్కొన్నారు. అన్ని సబ్జెక్టులకు రుసుము రూ.125, మూడు సబ్జెక్టుల వరకు రూ.110. రెగ్యులర్ పరీక్ష రుసుముతో పాటు వృత్తి విద్యా అభ్యర్థులు రూ.60 చెల్లించాలి. పరీక్ష రుసుము చెల్లించడానికి గడువు తేదీలు ఎట్టి పరిస్థితుల్లోనూ పొడిగింపు ఉండదు.

విద్యార్థులు కట్టిన ఫీజును పాఠశాల హెచ్ఎంలు నవంబర్ 14 వరకు ట్రెజరీకి అందించాలి. ఆన్లైన్లో దరఖాస్తుల సమర్పణకు హెచ్ఎంలకు నవంబర్ 18 వరకు గడువు ఇచ్చారు. ఈ మేరకు డీఈవోలకు డేటా సమర్పించాల్సి ఉంటుంది.