Own House : తెలంగాణలో ఎంత శాతం మందికి సొంత ఇల్లు లేదో తెలుసా?

Own House : ప్రభుత్వాలు పేదలకు సొంత ఇల్లుకు సంబంధించి పథకాలు అమలు చేస్తున్నాయి. అయినప్పటికీ చాలా మంది ఇంకా సొంత ఇల్లు లేకుండానే ఉన్నారు. తెలంగాణలో అనేక మందికి సొంత ఇల్లు లేదు.

ఇటీవలి ఒక సర్వే ప్రకారం తెలంగాణలోని సుమారు 38.4 శాతం కుటుంబాలకు సొంత ఇల్లు లేదు. ప్రాథమిక సౌకర్యాల లభ్యత విషయంలో షెడ్యూల్డ్ తెగలు (ఎస్టీలు), షెడ్యూల్డ్ కులాలు (ఎస్సీలు), వెనుకబడిన తరగతులు (బీసీలు) గణనీయంగా వెనుకబడి ఉన్నాయి.

సొంత ఇల్లు

ఇతర కులాలు (ఓసీలు), BC-C వర్గాల వారు తక్కువ సమస్యలను ఎదుర్కొంటున్నప్పటికీ, ఈ వర్గాలకు చెందిన వారిలో ఎక్కువ శాతం మంది అద్దె ఇళ్లలోనే నివసిస్తున్నారు. సొంత ఇళ్లు లేని వర్గాలలో ముస్లింలు 60 శాతం, ఓసీలు 50 శాతం వాటాను కలిగి ఉన్నారు. దీనికి భిన్నంగా ఎస్టీలు (72 శాతం), BC-D వర్గాల వారు (70.3 శాతం) అధిక శాతం మంది సొంత ఇళ్లలోనే నివసిస్తున్నారు.

సుమారు 24 శాతం కుటుంబాలు కేవలం ఒకే గది ఉన్న ఇళ్లలో నివసిస్తున్నాయి. వీరిలో 30.6 శాతం ఎస్సీ కుటుంబాలు, 34 శాతం ఎస్టీ కుటుంబాలు ఉన్నాయి.

ఇక సుమారు 23.3 శాతం కుటుంబాలకు తాగునీటి కనెక్షన్లు లేవు. వీరిలో 5.8 శాతం మందికి నీటి సదుపాయమే పూర్తిగా అందుబాటులో లేదు. ఈ వాటాలో 11.1 శాతం ఎస్టీలు, 8.2 శాతం ఎస్సీలు, 4.8 శాతం బీసీలు, 3.9 శాతం ఓసీలు ఉన్నారు.

నీటి సమస్యలు ఎదుర్కొంటున్న కుటుంబాలలో సుమారు 32 శాతం మంది ఎస్టీ వర్గాలకు చెందినవారే. దాదాపు 9.4 శాతం కుటుంబాలు తాగునీటి కోసం ప్రభుత్వ కుళాయిలపై ఆధారపడుతున్నాయి. ఈ విభాగంలో ఎస్సీ, ఎస్టీ కుటుంబాల వాటా 12 శాతంగా ఉంది.

సుమారు 13.4 శాతం కుటుంబాలకు వ్యక్తిగత మరుగుదొడ్లు లేవు. ఎస్టీలలో (32 శాతం), ఎస్సీలలో (18.4 శాతం) ఈ నిష్పత్తి ఎక్కువగా ఉండగా, ఇతర వర్గాలలో ఇది తక్కువగా ఉంది. సుమారు 8 శాతం కుటుంబాలకు ఎల్పీజీ (వంట గ్యాస్) సదుపాయం అందుబాటులో లేదు. వీరిలో 15.7 శాతం ఎస్టీలు, 9.7 శాతం ఎస్సీలు, 6.8 శాతం బీసీలు, 5.7 శాతం ఓసీలు ఉన్నారు.