రాష్ట్రంలోని విశ్వవిద్యాలయాలు, డిగ్రీ కళాశాలల్లో అసిస్టెంట్ ప్రొఫెసర్లు, లెక్చరర్ ఉద్యోగాలకు అర్హత సాధించేందుకు ఉద్దేశించిన 'తెలంగాణ రాష్ట్ర అర్హత పరీక్ష' (TG SET 2026) దరఖాస్తు ప్రక్రియ కొనసాగుతోంది. ఈ క్రమంలో నోటిఫికేషన్తో పాటు అభ్యర్థులకు అత్యంత కీలకమైన పరీక్ష సిలబస్ వివరాలు కూడా అందుబాటులోకి వచ్చాయి. మొత్తం 29 సబ్జెక్టులకు సంబంధించిన సమగ్ర సిలబస్ కాపీలు అందుబాటులో ఉన్నాయి.
టీజీ సెట్ 2026 - ఇలా డౌన్లోడ్ చేసుకోండి :
- మొదటగా టీజీ సెట్ అధికారిక పోర్టల్ https://telanganaset.org/ ను సందర్శించాలి.
- హోమ్పేజీలో కనిపించే Syllabus అనే విభాగంపై క్లిక్ చేయాలి.
- అక్కడ ముందుగా పేపర్ – I (General Paper) అని కనిపిస్తుంది. దాని పక్కనే ఉండే Download బటన్పై క్లిక్ చేస్తే పేపర్-1 జనరల్ సిలబస్ డౌన్లోడ్ అవుతుంది.
- ఆ తర్వాత క్రింద పేపర్ – II (సబ్జెక్టులు) జాబితా కనిపిస్తుంది.
- అందులో అందుబాటులో ఉన్న 29 సబ్జెక్టుల పేర్లలో మీరు ఎంచుకున్న సబ్జెక్ట్ ఎదురుగా ఉన్న డౌన్లోడ్ ఆప్షన్ను ఎంచుకుని సిలబస్ కాపీని పొంది, ప్రింట్ తీసుకోవచ్చు.
పరీక్షా విధానం – మార్కుల కేటాయింపు
- పేపర్–1 : ఇది అందరికీ ఉమ్మడిగా ఉండే జనరల్ పేపర్. ఇందులో ఆబ్జెక్టివ్ తరహాలో 50 ప్రశ్నలు ఇస్తారు. ప్రతి సరైన సమాధానానికి 2 మార్కులు ఉంటాయి. అభ్యర్థుల బోధనా నైపుణ్యం (Teaching Aptitude), పరిశోధనా దృక్పథం (Research Aptitude), తార్కిక ఆలోచనా సామర్థ్యం (Logical Reasoning), గ్రహణశక్తి, భిన్నమైన ఆలోచనల దృక్పథాన్ని పరిశీలించే విధంగా ఈ ప్రశ్నలు రూపుదిద్దుకుంటాయి.
- పేపర్–2 : ఇది అభ్యర్థి ఎంచుకున్న సంబంధిత సబ్జెక్టుపై ఉంటుంది. ఇందులో ఆబ్జెక్టివ్ తరహాలోనే 100 ప్రశ్నలు అడుగుతారు. ప్రతి సరైన సమాధానానికి 2 మార్కుల చొప్పున మొత్తం 200 మార్కులు ఉంటాయి.
{{^htLoading}} {{/htLoading}}
అభ్యర్థులు ఎలాంటి అదనపు ఆలస్య రుసుము (Late Fee) లేకుండా ఆగస్టు 30వ తేదీ వరకు ఆన్లైన్లో దరఖాస్తు చేసుకోవచ్చు. ఒకవేళ నిర్ణీత గడువులోగా దరఖాస్తు చేయలేని వారికి వివిధ విడతల్లో ఆలస్య రుసుముతో అవకాశం కల్పించారు:
- రూ. 1500 ఆలస్య రుసుముతో: ఆగస్టు 31 నుంచి సెప్టెంబర్ 5వ తేదీ వరకు దరఖాస్తు చేయవచ్చు.
- రూ. 2000 ఆలస్య రుసుముతో: సెప్టెంబర్ 6 నుంచి సెప్టెంబర్ 10వ తేదీ వరకు అవకాశం ఉంటుంది.
- రూ. 3000 ఆలస్య రుసుముతో: సెప్టెంబర్ 11, 12 తేదీల్లో చివరి అవకాశం కల్పించారు.
- దరఖాస్తు సవరణ (Edit Option): దరఖాస్తులో ఏవైనా తప్పులుంటే దిద్దుకోవడానికి సెప్టెంబర్ 13 నుంచి 15వ తేదీ వరకు ఎడిట్ ఆప్షన్ అందుబాటులో ఉంటుంది.
- హాల్ టికెట్ల డౌన్లోడ్ : సెప్టెంబర్ 22వ తేదీ నుంచి అభ్యర్థులు వెబ్సైట్ ద్వారా తమ హాల్ టికెట్లను పొందవచ్చు.
- పరీక్షల నిర్వహణ: సెప్టెంబర్ చివరి వారంలో ఈ అర్హత పరీక్షలను ఆన్లైన్లో నిర్వహిస్తారు.
- అధికారిక వెబ్సైట్: https://telanganaset.org/
Advertisement
{{/htLoading}}{{#usCountry}}