TG CPGET Counselling : టీజీ సీపీగెట్ తొలి విడత సీట్ల కేటాయింపు పూర్తి - అలాట్ మెంట్ లింక్, రిపోర్టింగ్ తేదీలివే

TG CPGET Seat Allotment : తెలంగాణ సీపీగెట్ తొలి విడత సీట్ల కేటాయింపు పూర్తయింది. 17,586 మందికి పీజీ సీట్లు లభించగా… ఇందులో అత్యధికంగా అమ్మాయిలే ఉన్నారు. ఈ నెల 21వ తేదీ వరకు రిపోర్టింగ్ కు అవకాశం ఉంది.

TG CPGET Seat Allotment :రాష్ట్రంలోని విశ్వవిద్యాలయాల్లో పీజీ కోర్సుల్లో ప్రవేశాల కోసం నిర్వహించిన సీపీగెట్ (TG CPGET) తొలి విడత సీట్ల కేటాయింపు ప్రక్రియ పూర్తయింది. ఎంఏ, ఎంకాం, ఎంఎస్‌సీ వంటి వివిధ పీజీ కోర్సుల్లో ప్రవేశాలకు గాను మొత్తం 17,586 మంది అభ్యర్థులకు గురువారం రాత్రి అధికారులు సీట్లను కేటాయించారు.

టీజీ సీపీగెట్ కౌన్సెలింగ్

రాష్ట్ర వ్యాప్తంగా కన్వీనర్ కోటా కింద మొత్తం 47,237 పీజీ సీట్లు అందుబాటులో ఉన్నాయి. అయితే తొలి విడత కౌన్సెలింగ్‌లో సగం సీట్లు కూడా భర్తీ కాలేదు. అధికారులు వెల్లడించిన గణాంకాల ప్రకారం కేవలం 37 శాతం సీట్లు మాత్రమే భర్తీ అయ్యాయి.

ఈ విడత సీట్లు సాధించిన వారిలో అభ్యర్థుల సంఖ్యను పరిశీలిస్తే అమ్మాయిలకే ఎక్కువ సీట్లు దక్కాయి. మొత్తం సీట్లు పొందినవారి సంఖ్య 17,586గా ఉంటే ఇందులో అమ్మాయిలు 13,125 మంది ఉన్నారు.

రిపోర్టింగ్ తేదీ ఇదే…

సీపీగెట్ తొలి విడతలో సీట్లు పొందిన విద్యార్థులు ఈ నెల 21వ తేదీలోపు రిపోర్టింగ్ పూర్తి చేసుకోవాలి. అభ్యర్థులు ఆన్‌లైన్ ద్వారా నిర్ణీత ఫీజు చెల్లించి, సంబంధిత కాలేజీల్లో లేదా పోర్టల్‌లో సెల్ఫ్ రిపోర్టింగ్ చేయాల్సి ఉంటుంది. గడువులోగా ఫీజు చెల్లించి సెల్ఫ్ రిపోర్టింగ్ పూర్తి చేయని వారి సీటును రద్దు చేస్తామని కన్వీనర్ స్పష్టం చేశారు.

అలాట్ మెంట్ డౌన్లోడ్ ఇలా….

1. ముందుగా https://cpgetadmissions.com/new/ వెబ్ సైట్ లోకి వెళ్లాలి.
2. అలాట్ మెంట్ లాగిన్ లింక్ పై క్లిక్ చేయాలి.
3. ఇక్కడ హాల్ టికెట్ నెంబర్, ర్యాంక్. మొబైల్ నెంబర్, పుట్టిన తేదీ వివరాలను నమోదు చేయాలి.
4. సబ్మిట్ చేస్తే మీ అలాట్ మెంట్ డిటేయిల్స్ కనిపిస్తాయి.
5. ప్రింట్ లేదా డౌన్లోడ్ ఆప్షన్ ద్వారా అలాట్ మెంట్ కాపీని పొందొచ్చు.