TG DOST 3rd Phase Seat Allotment 2026 : రాష్ట్రంలోని ప్రభుత్వ, ప్రైవేటు డిగ్రీ కళాశాలల్లో ప్రవేశాల కోసం నిర్వహించిన దోస్త్ (DOST) మూడో విడత సీట్ల కేటాయింపు ప్రక్రియ పూర్తయింది. ఉన్నత విద్యామండలి గురువారం ఈ విడత సీట్లను అధికారికంగా విడుదల చేసింది.
ఈ విడత కౌన్సిలింగ్లో మొత్తం 93,516 మంది విద్యార్థులు డిగ్రీ సీట్లను సొంతం చేసుకున్నారు. ఇందులో ఎప్పటిలాగే కామర్స్ కోర్సులకే విద్యార్థులు అత్యధిక ప్రాధాన్యత ఇచ్చారు. కామర్స్ విభాగంలో అత్యధికంగా 37,510 మంది సీట్లు సాధించగా, ఆ తర్వాత స్థానంలో ఫిజికల్ సైన్సెస్ నిలిచింది. ఫిజికల్ సైన్సెస్ కోర్సుల్లో 21,942 మంది విద్యార్థులు సీట్లు దక్కించుకున్నారు.
దోస్త్ మూడో విడతలో సీట్ల కోసం రాష్ట్రవ్యాప్తంగా మొత్తం 1,07,284 మంది విద్యార్థులు వెబ్ ఆప్షన్లు నమోదు చేసుకున్నారు. అయితే, అందుబాటులో ఉన్న సీట్లు, విద్యార్థుల మెరిట్, రిజర్వేషన్ల ఆధారంగా అధికారులు 93,516 మందికి సీట్లను కేటాయించారు. సరైన వెబ్ ఆప్షన్లు ఇవ్వకపోవడం లేదా డిమాండ్ ఎక్కువగా ఉన్న కోర్సులను మాత్రమే ఎంచుకోవడం వంటి కారణాల వల్ల ఈ విడతలో 13,768 మంది విద్యార్థులకు సీట్లు లభించలేదు. సీట్లు రాని విద్యార్థులు ఆందోళన చెందకుండా తదుపరి కౌన్సిలింగ్ ప్రక్రియపై దృష్టి పెట్టాల్సి ఉంటుంది.
రిపోర్టింగ్ తేదీలు….
మూడో విడతలో సీట్లు పొందిన విద్యార్థులు ఆన్లైన్ సెల్ఫ్ రిపోర్టింగ్ చేయడం తప్పనిసరి. విద్యార్థులు ఈ నెల 26 నుంచి జూలై 2వ తేదీ లోపు దోస్త్ అధికారిక వెబ్సైట్ ద్వారా ఆన్లైన్లో సెల్ఫ్ రిపోర్టింగ్ ప్రక్రియను పూర్తి చేయాలి.
మరోవైపు….. మూడు విడతల్లో ఆన్లైన్ సెల్ఫ్ రిపోర్టింగ్ పూర్తి చేసిన విద్యార్థులంతా తమ ప్రవేశాలను ఖరారు చేసుకోవడానికి కాలేజీల్లో నేరుగా రిపోర్ట్ చేయాల్సి ఉంటుంది. అభ్యర్థులు ఈ నెల 27 నుండి జూలై 4వ తేదీ లోపు తమకు సీటు వచ్చిన సంబంధిత కళాశాలలకు ఒరిజినల్ సర్టిఫికేట్లతో హాజరై ప్రవేశాన్ని ధ్రువీకరించుకోవాలి. నిర్ణీత గడువులోగా కళాశాలల్లో రిపోర్ట్ చేయని వారి సీట్లు రద్దవుతాయి.
దోస్త్ మూడో విడత సీట్ల కేటాయింపు - అలాట్ మెంట్ ఇలా:
- సీటు పొందిన విద్యార్థులు తమ వివరాలను తెలుసుకోవడానికి దోస్త్ అధికారిక వెబ్సైట్ను సందర్శించాల్సి ఉంటుంది.
- విద్యార్థులు మొదటగా https://dost.cgg.gov.in వెబ్సైట్లోకి లాగిన్ అవ్వాలి.
- మీ దోస్త్ ఐడీ వివరాలతో లాగిన్ కావాలి.
- మీకు సీటు ఖరారు అయితే అలాట్మెంట్ లెటర్ డిస్ ప్లే అవుతుంది.
- ప్రింట్ లేదా డౌన్లోడ్ ఆప్షన్ ద్వారా అలాట్ మెంట్ కాపీని పొందొచ్చు.
- అడ్మిషన్ ప్రక్రియలో అలాట్ మెంట్ కాపీ ఎంతో కీలకం. కాబట్టి జాగ్రత్తగా ఉంచుకోవాలి.
మరోవైపు….. మూడు విడతల్లో ఆన్లైన్ సెల్ఫ్ రిపోర్టింగ్ పూర్తి చేసిన విద్యార్థులంతా తమ ప్రవేశాలను ఖరారు చేసుకోవడానికి కాలేజీల్లో నేరుగా రిపోర్ట్ చేయాల్సి ఉంటుంది. అభ్యర్థులు ఈ నెల 27 నుండి జూలై 4వ తేదీ లోపు తమకు సీటు వచ్చిన సంబంధిత కళాశాలలకు ఒరిజినల్ సర్టిఫికేట్లతో హాజరై ప్రవేశాన్ని ధ్రువీకరించుకోవాలి. నిర్ణీత గడువులోగా కళాశాలల్లో రిపోర్ట్ చేయని వారి సీట్లు రద్దవుతాయి.
దోస్త్ మూడో విడత సీట్ల కేటాయింపు - అలాట్ మెంట్ ఇలా:
- సీటు పొందిన విద్యార్థులు తమ వివరాలను తెలుసుకోవడానికి దోస్త్ అధికారిక వెబ్సైట్ను సందర్శించాల్సి ఉంటుంది.
- విద్యార్థులు మొదటగా https://dost.cgg.gov.in వెబ్సైట్లోకి లాగిన్ అవ్వాలి.
- మీ దోస్త్ ఐడీ వివరాలతో లాగిన్ కావాలి.
- మీకు సీటు ఖరారు అయితే అలాట్మెంట్ లెటర్ డిస్ ప్లే అవుతుంది.
- ప్రింట్ లేదా డౌన్లోడ్ ఆప్షన్ ద్వారా అలాట్ మెంట్ కాపీని పొందొచ్చు.
- అడ్మిషన్ ప్రక్రియలో అలాట్ మెంట్ కాపీ ఎంతో కీలకం. కాబట్టి జాగ్రత్తగా ఉంచుకోవాలి.