TG ECET 2026 Seat Allotment : టీజీ ఈసెట్ - 2026కు సంబంధించి కీలక అప్డేట్ వచ్చేసింది. ఇంజినీరింగ్, ఫార్మసీ కోర్సుల్లో నేరుగా రెండో ఏడాదిలో (లేటరల్ ఎంట్రీ) ప్రవేశాల కోసం నిర్వహించిన ఫస్ట్ ఫేజ్ కౌన్సెలింగ్ సీట్లను కేటాయించారు. అధికారిక వెబ్ సైట్ నుంచి అలాట్ మెంట్ అర్డర్ కాపీని డౌన్లోడ్ చేసుకోవాలని అధికారులు సూచించారు.
రాష్ట్రవ్యాప్తంగా బీటెక్ కోర్సుల్లో మొత్తం 13,610 సీట్లు అందుబాటులో ఉండగా.. మొదటి విడతలో 8,799 మంది విద్యార్థులకు సీట్లు లభించాయి. అంటే మొత్తం సీట్లలో సుమారు 65 శాతం సీట్లు భర్తీ అయ్యాయి. మిగిలిన 35 శాతం సీట్లను తదుపరి విడత కౌన్సెలింగ్లో భర్తీ చేయనున్నారు.
ఇక బీఫార్మసీ కోర్సుల్లో చూస్తే…. విద్యార్థుల నుంచి ఆదరణ చాలా తక్కువగా కనిపించింది. రాష్ట్రంలో మొత్తం 1,280 బీఫార్మసీ సీట్లు అందుబాటులో ఉంటే, కేవలం 30 సీట్లు మాత్రమే భర్తీ అయ్యాయని ప్రవేశాల కమిటీ కన్వీనర్ శ్రీదేవసేన పేర్కొన్నారు.
అలాట్ మెంట్ డౌన్లోడ్ ఇలా…
- అభ్యర్థులు ముందుగా https://tgecet.nic.in/default.aspx వెబ్ సైట్ లోకి వెళ్లాలి.
- హోం పేజీలోని క్యాండెట్ లాగిన్ పై క్లిక్ చేయాలి.
- మీ వివరాలతో లాగిన్ అయిన తర్వాత…. అలాట్ మెంట్ ఆప్షన్ కనిపిస్తుంది.
- దీనిపై క్లిక్ చేస్తే మీకు ఏ కాలేజీలో సీటు దక్కిందో డిస్ ప్లే అవుతుంది.
- ప్రింట్ లేదా డౌన్లోడ్ ఆప్షన్ ద్వారా ఈ కాపీని పొందొచ్చు.
- అడ్మిషన్ ప్రక్రియలో అలాట్ మెంట్ కాపీ తప్పనిసరి.
రిపోర్టింగ్ తేదీలు…
మొదటి విడతలో సీట్లు పొందిన విద్యార్థులు తప్పనిసరిగా రిపోర్టింగ్ చేయాల్సి ఉంటుంది. సీటు వచ్చిన అభ్యర్థులు జూన్ 27వ తేదీ లోపు ఆన్లైన్ ద్వారా ఫీజు చెల్లించాలి. వెబ్సైట్ లోనే సెల్ఫ్ రిపోర్టింగ్ చేయాలని అధికారులు సూచించారు.
{{/usCountry}}మొదటి విడతలో సీట్లు పొందిన విద్యార్థులు తప్పనిసరిగా రిపోర్టింగ్ చేయాల్సి ఉంటుంది. సీటు వచ్చిన అభ్యర్థులు జూన్ 27వ తేదీ లోపు ఆన్లైన్ ద్వారా ఫీజు చెల్లించాలి. వెబ్సైట్ లోనే సెల్ఫ్ రిపోర్టింగ్ చేయాలని అధికారులు సూచించారు.
{{/usCountry}}నిర్దేశిత గడువులోగా ఫీజు చెల్లించని వారి సీట్లు రద్దవుతాయని అధికారులు స్పష్టం చేశారు. అభ్యర్థులు తమ అలాట్మెంట్ ఆర్డర్, ఫీజు రశీదులను జాగ్రత్తగా ఉంచుకోవాల్సి ఉంటుంది.