TG EdCET 2026 Counseling Schedule : రాష్ట్రంలోని బీఈడీ కోర్సుల్లో ప్రవేశాల కోసం నిర్వహించిన 'టీజీ ఎడ్సెట్-2026' ఆన్లైన్ వెబ్ కౌన్సెలింగ్ రెండో విడత కౌన్సెలింగ్ షెడ్యూల్ విడుదలైంది. ప్రస్తుతం రిజిస్ట్రేషన్లు జరుగుతున్నాయి. ఈ గడువు సెప్టెంబర్ 3వ తేదీతో ముగుస్తుంది.
{{^htLoading}} {{/htLoading}}
మొదటి విడత కౌన్సెలింగ్లో పాల్గొనని విద్యార్థులకు, అలాగే సీటు లభించని అభ్యర్థులకు ఈ విడత చివరి అవకాశమని అధికారులు తెలిపారు. విద్యార్థులు నిర్దేశిత తేదీల్లోగా సర్టిఫికేట్ల పరిశీలన నమోదు ప్రక్రియను పూర్తి చేసుకోవాలని సూచించారు.
ముఖ్య తేదీలు :
- మొదటి విడతలో రిజిస్ట్రేషన్ చేసుకోని అభ్యర్థులు ఆగస్టు 29, 2026 నుంచి సెప్టెంబర్ 3, 2026 వరకు ఆన్లైన్ విధానంలో నమోదు చేసుకుని, ఫీజు చెల్లించి, ఒరిజినల్ సర్టిఫికెట్లను అప్లోడ్ చేయాల్సి ఉంటుంది.
- ధృవీకరణ పూర్తయిన అర్హుల జాబితాను సెప్టెంబర్ 5, 2026న వెబ్సైట్లో ప్రదర్శిస్తారు. సర్టిఫికేట్ల దరఖాస్తులో ఏవైనా సవరణలు ఉంటే ఈ-మెయిల్ ద్వారా సంప్రదించవచ్చు.
- అర్హత సాధించిన అభ్యర్థులు సెప్టెంబర్ 6, 2026 నుంచి సెప్టెంబర్ 8, 2026 వరకు తమకు నచ్చిన కళాశాలల కోసం వెబ్ ఆప్షన్లను నమోదు చేసుకోవచ్చు.
- నమోదు చేసుకున్న వెబ్ ఆప్షన్లలో మార్పులు చేర్పులు చేసుకునేందుకు సెప్టెంబర్ 9, 2026న అవకాశం కల్పించారు.
- కళాశాలల వారీగా తాత్కాలికంగా ఎంపికైన అభ్యర్థుల సీట్ల కేటాయింపు జాబితాను సెప్టెంబర్ 12, 2026న అధికారిక వెబ్సైట్లో అందుబాటులో ఉంచుతారు.
- సీటు పొందిన విద్యార్థులు తమ ఒరిజినల్ సర్టిఫికేట్లు, ట్యూషన్ ఫీజు చెల్లింపు రసీదుతో సెప్టెంబర్ 15, 2026 నుంచి సెప్టెంబర్ 19, 2026 లోపు కేటాయించిన కళాశాలల్లో నేరుగా రిపోర్టింగ్ చేయాలి.
- అధికారిక వెబ్ సైట్ - https://edcet.tgche.ac.in/
టీజీ ఎడ్ సెట్ ర్యాంక్ కార్డు డౌన్లోడ్ ఇలా….
- మొదటగా అధికారిక కన్వీనర్ వెబ్సైట్ https://edcet.tgche.ac.in/ ను సందర్శించాలి.
- హోంపేజీలో కనిపించే 'Download Rank Card' లింక్పై క్లిక్ చేయాలి.
- మీ ఎడ్సెట్ హాల్ టికెట్ నంబర్, పుట్టిన తేదీ ఎంటర్ చేయాలి.
- స్క్రీన్పై కనిపించే మీ ర్యాంక్ కార్డును ప్రింట్ తీసుకుని, భవిష్యత్తు కౌన్సెలింగ్ అవసరాల కోసం భద్రపరుచుకోవాలి.
{{^htLoading}} {{/htLoading}}
Advertisement
{{/htLoading}}{{#usCountry}}