రాష్ట్రంలోని న్యాయ కళాశాలల్లో ప్రవేశాల కోసం నిర్వహించిన టీజీ లాసెట్ (TG LAWCET) 2026 ఫైనల్ ఫేజ్ వెబ్ కౌన్సెలింగ్ ప్రక్రియ తుది దశకు చేరుకుంది. తుది విడత కౌన్సెలింగ్కు సంబంధించి వెబ్ ఆప్షన్ల నమోదు ప్రక్రియ నేటి నుంచి ప్రారంభమైంది. న్యాయ విద్యను అభ్యసించాలనుకునే అర్హులైన అభ్యర్థులు…. తమకు ఇష్టమైన కళాశాలల ప్రాధాన్యత ప్రకారం వెబ్ ఆప్షన్లను నమోదు చేసుకోవచ్చు.
అభ్యర్థులు సెప్టెంబర్ 19 నుంచి సెప్టెంబర్ 21వ తేదీ వరకు వెబ్సైట్లో కళాశాలల ఆప్షన్లను ఎంచుకునే వెసులుబాటు ఉంది. ఒకవేళ ఆప్షన్లలో ఏవైనా మార్పులు లేదా చేర్పులు చేయాలనుకుంటే, సెప్టెంబర్ 21వ తేదీన మాత్రమే ఆప్షన్లను సవరించుకునే (ఎడిట్) అవకాశాన్ని కల్పించారు. అభ్యర్థులు తమ ప్రాధాన్యతలను జాగ్రత్తగా పరిశీలించి ఆప్షన్లు లాక్ చేసుకోవాల్సి ఉంటుందని అధికారులు సూచిస్తున్నారు.
సీట్ల కేటాయింపు ఎప్పుడంటే..?
అభ్యర్థులు ఎంచుకున్న వెబ్ ఆప్షన్లు, ఎంట్రెన్స్ టెస్టులో సాధించిన ర్యాంక్ , కేటగిరీ రిజర్వేషన్ల ఆధారంగా సెప్టెంబర్ 25న తాత్కాలికంగా సీట్లు పొందిన విద్యార్థుల జాబితాను (Provisional Allotment List) అధికారిక వెబ్సైట్లో విడుదల చేస్తారు. ఫైనల్ ఫేజ్లో సీటు సాధించిన విద్యార్థులు ట్యూషన్ ఫీజు చెల్లించిన రశీదు, తమ ఒరిజినల్ సర్టిఫికేట్లతో సహా సంబంధిత కళాశాలల్లో సెప్టెంబర్ 29వ తేదీ నాటికి నేరుగా హాజరై రిపోర్ట్ చేయాల్సి ఉంటుంది.
గతంలో నిర్వహించిన మొదటి, రెండవ విడత (ఫేజ్-1, ఫేజ్-2) కౌన్సెలింగ్లలో సీట్లు పొంది కూడా కళాశాలల్లో చేరని అభ్యర్థులకు… అలాగే సీటు వచ్చిన తర్వాత తమ ప్రవేశాలను రద్దు చేసుకున్న విద్యార్థులకు ఈ ఫైనల్ ఫేజ్ వెబ్ ఆప్షన్లు ఎంచుకునే అర్హత లేదని లాసెట్ కన్వీనర్ స్పష్టమైన ఆదేశాలు జారీ చేశారు.
అభ్యర్థులు కౌన్సెలింగ్కు సంబంధించిన పూర్తి వివరాలు, వెబ్ ఆప్షన్ల నమోదు మరియు సీట్ల కేటాయింపు సమాచారం కోసం నిరంతరం అధికారిక వెబ్సైట్ https://lawcetadm.tgche.ac.in/ ను పరిశీలించాలని సూచించారు.
వెబ్ ఆప్షన్లు ఎంచుకోవటం ఎలా..?
- అభ్యర్థులు మొదటగా తెలంగాణ లాసెట్ అధికారిక వెబ్సైట్ https://lawcet.tgche.ac.in/ ను సందర్శించాలి.
- హోంపేజీలో కనిపించే వెబ్ ఆప్షన్ల లింక్ పై క్లిక్ చేయాలి.
- ఆ తర్వాత మీ లాసెట్ హాల్ టికెట్ నంబర్ తో పాటు మీ పాస్ వివరాలను నమోదు చేయాలి.
- కాలేజీల లిస్ట్ డిస్ ప్లే అవుతుంది. ప్రాధాన్యత క్రమంలో వీటిని ఎంచుకోవాల్సి ఉంటుంది.
- చివరగా సబ్మిట్ ఆప్షన్ పై క్లిక్ చేస్తే మీ ప్రాసెస్ పూర్తవుతుంది.
అభ్యర్థులు కౌన్సెలింగ్కు సంబంధించిన పూర్తి వివరాలు, వెబ్ ఆప్షన్ల నమోదు మరియు సీట్ల కేటాయింపు సమాచారం కోసం నిరంతరం అధికారిక వెబ్సైట్ https://lawcetadm.tgche.ac.in/ ను పరిశీలించాలని సూచించారు.
వెబ్ ఆప్షన్లు ఎంచుకోవటం ఎలా..?
- అభ్యర్థులు మొదటగా తెలంగాణ లాసెట్ అధికారిక వెబ్సైట్ https://lawcet.tgche.ac.in/ ను సందర్శించాలి.
- హోంపేజీలో కనిపించే వెబ్ ఆప్షన్ల లింక్ పై క్లిక్ చేయాలి.
- ఆ తర్వాత మీ లాసెట్ హాల్ టికెట్ నంబర్ తో పాటు మీ పాస్ వివరాలను నమోదు చేయాలి.
- కాలేజీల లిస్ట్ డిస్ ప్లే అవుతుంది. ప్రాధాన్యత క్రమంలో వీటిని ఎంచుకోవాల్సి ఉంటుంది.
- చివరగా సబ్మిట్ ఆప్షన్ పై క్లిక్ చేస్తే మీ ప్రాసెస్ పూర్తవుతుంది.