TG POLYCET Key Results 2026 :తెలంగాణలో పాలిటెక్నిక్ డిప్లొమా కోర్సుల్లో ప్రవేశాల కోసం నిర్వహించిన టిజీ పాలిసెట్ (TG POLYCET-2026) రాసిన విద్యార్థులకు కీలక అప్డేట్ వచ్చేసింది. రాష్ట్ర సాంకేతిక విద్యామండలి (SBTET) పరీక్షకు సంబంధించిన ప్రాథమిక సమాధానాల కీ (Preliminary Key)ని అధికారిక వెబ్సైట్లో అందుబాటులో ఉంచింది. పరీక్ష రాసిన అభ్యర్థులు తాము రాసిన సమాధానాలను ఈ కీతో సరిచూసుకోవచ్చు.
ఈ పరీక్ష ద్వారా రాష్ట్రవ్యాప్తంగా ఉన్న ప్రభుత్వ, ప్రైవేట్ పాలిటెక్నిక్ కాలేజీల్లోని ఇంజినీరింగ్, నాన్-ఇంజనీరింగ్ డిప్లొమా కోర్సులతో పాటు ప్రొఫెసర్ జయశంకర్ అగ్రి యూనివర్సిటీ, వెటర్నరీ, హార్టికల్చరల్ యూనివర్సిటీల పరిధిలోని డిప్లొమా కోర్సుల్లో ప్రవేశాలు కల్పిస్తారు.
టీజీ పాలిసెట్ ప్రిలిమినరీ కీ - ఇలా డౌన్లోడ్ చేసుకోండి:
- ముందుగా https://www.polycet.sbtet.telangana.gov.in/ వెబ్ సైట్ లోకి వెళ్లాలి.
- హోం పేజీలో కనిపించే ప్రాథమిక కీ లింక్ పై క్లిక్ చేయాలి.
- ఇక్కడ నేరుగా పీడీఎఫ్ డిస్ ప్లే అవుతుంది. ఇక్కడ నాలుగు సెట్ల ప్రాథమిక కీలు ఉంటాయి.
- ప్రింట్ లేదా డౌన్లోడ్ ఆప్షన్ ద్వారా కాపీని పొందొచ్చు.
త్వరలోనే పాలిసెట్ ఫలితాలు
టీజీ పాలిసెట్ - 2026 ప్రాథమిక కీ విడుదల కావడంతో ఇక ఫలితాల విడుదలపై అధికారులు కసరత్తు చేస్తున్నారు. ఇప్పటికే అభ్యంతరాలను కూడా స్వీకరించారు. వీటిని పరిశీలించిన తర్వాత తుది ఫలితాలను ప్రకటిస్తారు. ప్రాథమిక సమాచారం ప్రకారం… మే 26 లేదా 27 తేదీల్లో విడుదల చేసే అవకాశం ఉంది. ఈ తేదీలు మిస్ అయితే… మే చివరి కల్లా అయినా రిజల్ట్స్ ప్రకటిస్తారు. టీజీ పాలిసెట్ లో విద్యార్థులు సాధించే ర్యాంకుల ఆధారంగానే సీట్ల కేటాయింపు ఉంటుంది. కౌన్సెలింగ్ షెడ్యూల్ ప్రకటించి…. సీట్ల భర్తీని పూర్తి చేస్తారు.