TGPSC : తెలంగాణ ఫారెస్ట్ బీట్ ఆఫీసర్ ఉద్యోగాలు.. 1,393 పోస్టుల భర్తీకి కసరత్తు!

TGPSC FBO Recruitment 2026 : తెలంగాణ ఫారెస్ట్ బీట్ ఆఫీసర్ ఉద్యోగాలకు త్వరలో నోటిఫికేషన్ రానుంది. 1,393 పోస్టుల భర్తీకి ప్రభుత్వం కసరత్తు చేస్తోంది.

తెలంగాణ రాష్ట్రంలో నిరుద్యోగులకు త్వరలో గుడ్‌న్యూస్ రానుంది. అటవీ శాఖలో ఖాళీగా ఉన్న 1,393 ఫారెస్ట్ బీట్ ఆఫీసర్ (FBO) పోస్టుల భర్తీకి తెలంగాణ రాష్ట్ర పబ్లిక్ సర్వీస్ కమిషన్ (TGPSC) త్వరలోనే అధికారిక నోటిఫికేషన్ విడుదల చేయనుంది. ఇంటర్మీడియట్ విద్యార్హతతో ప్రభుత్వ ఉద్యోగం సాధించాలనుకునే అభ్యర్థులకు ఇది మంచి అవకాశం.

టీజీపీఎస్సీ

దరఖాస్తు ప్రక్రియ, పరీక్షా విధానం, శారీరక ప్రమాణాలకు సంబంధించిన సమగ్ర వివరాలు అధికారిక వెబ్‌సైట్ www.tspsc.gov.in లో త్వరలోనే అందుబాటులో ఉంచనున్నారు. నోటిఫికేషన్ వచ్చాక దరఖాస్తులు ఆన్‌లైన్ ద్వారా చేసుకోవాలి. విద్యార్హత ఇంటర్మీడియట్ ఉంటుంది. కంప్యూటర్ ఆధారిత పరీక్ష, శారీరక సామర్థ్య పరీక్ష ఆధారంగా ఎంపిక చేస్తారు.

రాత పరీక్షలో ఆబ్జెక్టివ్ తరహా ప్రశ్నలు ఉంటాయి. ఒకే రోజు రెండు పేపర్లు నిర్వహిస్తారు. పురుషులు 4 గంటల సమయంలో 25 కిలోమీటర్ల దూరం నడవాలి. మహిళలు 4 గంటల సమయంలో 16 కిలోమీటర్ల దూరం నడవాలి. టీజీపీఎస్సీ నిర్వహించే ఫిట్‌నెస్ పరీక్షల్లో అర్హత సాధించాలి. నోటిఫికేషన్ వచ్చిన తర్వాత ఎలా అప్లై చేయాలి?

టీజీపీఎస్సీ (TGPSC) అధికారిక వెబ్‌సైట్ www.tspsc.gov.in సందర్శించాలి.

ఫారెస్ట్ బీట్ ఆఫీసర్ (FBO) ఆన్‌లైన్ అప్లికేషన్ లింక్‌పై క్లిక్ చేయాలి.

ఓటీపీఆర్‌ (OTPR) నమోదు చేసుకోని వారు మొబైల్ నంబర్, ఈమెయిల్‌తో రిజిస్ట్రేషన్ పూర్తి చేయాలి.

వ్యక్తిగత, విద్యా వివరాలను నమోదు చేసి, ఫోటో, సంతకం స్కాన్ చేసి అప్‌లోడ్ చేయాలి.

ఆన్‌లైన్ ద్వారా దరఖాస్తు రుసుము చెల్లించి, ఫారమ్‌ను సమర్పించాలి.

భవిష్యత్తు అవసరాల కోసం దరఖాస్తు కాపీని ప్రింట్ తీసి సేవ్ చేసుకోవాలి.

నియామక ప్రక్రియలో కంప్యూటర్ ఆధారిత పరీక్ష, దాని తర్వాత శారీరక ప్రమాణాల పరీక్ష, శారీరక సామర్థ్య పరీక్ష ఉంటాయి. దరఖాస్తు చేసుకోవాలనుకునే అభ్యర్థులు ఆన్‌లైన్ దరఖాస్తును సమర్పించే ముందు అర్హత ప్రమాణాలు, ఖాళీల వివరాలు, దరఖాస్తు రుసుము, జీతం, పరీక్షా విధానం, ఇతర ముఖ్యమైన సమాచారాన్ని తనిఖీ చేసుకోవాలి.

టీజీపీఎస్సీ దరఖాస్తు ఫీజును వెల్లడిస్తుంది. దరఖాస్తు రుసుమును డెబిట్ కార్డ్, క్రెడిట్ కార్డ్, నెట్ బ్యాంకింగ్, యూపీఐ లేదా అందుబాటులో ఉన్న ఇతర చెల్లింపు పద్ధతుల ద్వారా ఆన్‌లైన్‌లో చెల్లించవచ్చు. నోటిఫికేషన్ కోసం https://www.tgpsc.gov.in/ వెబ్‌సైట్‌ను ఎప్పటికప్పుడు చూడండి.