వాహనదారులకు అలర్ట్.. వాహన్ పోర్టల్‌లో మొబైల్ నంబర్ వెంటనే అప్‌డేట్ చేసుకోండి!

వాహనదారులకు హైదరాబాద్ పోలీసులు కీలక అప్డేట్ ఇచ్చారు. వాహన్ పోర్టల్‌లో మెుబైల్ నంబర్, ఈ-మెయిల్ అప్డేట్ చేసుకోవాలని తెలిపారు.

మీ వాహనానికి సంబంధించిన ట్రాఫిక్ ఉల్లంఘన ఈ-చలానాలు(E-Challan), ఇతర కీలక సమాచారాన్ని ఎస్ఎంఎస్, వాట్సాప్, ఈ-మెయిల్ ద్వారా నేరుగా సకాలంలో తెలుసుకోవడానికి రవాణా శాఖ కీలక సూచన చేసింది. వెంటనే వాహన్(VAHAN) పోర్టల్‌‌లో మీ ప్రస్తుత మొబైల్ నంబర్, ఈ-మెయిల్ ఐడీలను అప్‌డేట్ చేసుకోవాలని స్పష్టం చేసింది.

వాహన్ పోర్టల్‌ నుంచి అప్డేట్

కాంటాక్ట్ వివరాల అప్‌డేట్ ఎందుకు తప్పనిసరి?

చాలామంది వాహనం కొనుగోలు చేసినప్పుడు ఇచ్చిన పాత నంబర్లను మార్చకపోవడం వల్ల చలానాల సమాచారం అందడం లేదు. కాంటాక్ట్ వివరాలను అప్‌డేట్ చేసుకోవడం ద్వారా సమాచారాన్ని ఎప్పటికప్పుడు తెలుసుకోవడమే కాకుండా, నోటిఫికేషన్లు అందకపోవడం వల్ల పడే భారీ జరిమానాల భారం నుంచి తప్పుకోవచ్చు.

ప్రభుత్వ నిబంధనల ప్రకారం.. 'వాహన్' పోర్టల్‌లో నమోదైన మొబైల్ నంబర్ లేదా ఈ-మెయిల్ ఐడీకి పంపిన చలానాలను వాహన యజమానికి అధికారికంగా చేరినట్లుగానే పరిగణిస్తారు. నాకు మెసేజ్ రాలేదు అని చెప్పే అవకాశం ఇకపై ఉండదు. వాహనదారులు తమ వివరాలను అధికారిక వెబ్‌సైట్ ద్వారా సులభంగా, వేగంగా అప్‌డేట్ చేసుకోవచ్చు.

అప్డేట్ చేసుకోవడం ఎలా?

స్టెప్ 1: మొదట అధికారిక వెబ్‌సైట్ vahan.parivahan.gov.in ను సందర్శించండి లేదా ఇచ్చిన క్యూఆర్ (QR) కోడ్‌ను స్కాన్ చేయండి(హైదరాబాద్ ట్రాఫిక్ పోలీసులు క్యూఆర్ కోడ్ ఎక్స్‌లో పోస్ట్ చేశారు).

స్టెప్ 2: హోంపేజీలో 'Online Services' మెనూపై క్లిక్ చేసి, 'Vehicle Related Services' ఆప్షన్ ఎంచుకోండి.

స్టెప్ 3: మీ రాష్ట్రాన్ని ఎంచుకుని, ఆర్టీఓ ఎంటర్ చేయాలి, తర్వాత వాహన రిజిస్ట్రేషన్ నంబర్ నమోదు చేయండి.

స్టెప్ 4: అనంతరం 'Services' సెక్షన్‌లోకి వెళ్లి 'Update Mobile Number' పై క్లిక్ చేయండి.

స్టెప్ 5: మీ వాహన చాసిస్ నంబర్, ఇంజిన్ నంబర్, రిజిస్ట్రేషన్ తేదీ వివరాలను నమోదు చేసి, ఆధార్ ఓటీపీ ద్వారా మీ కొత్త మొబైల్ నంబర్‌ను సురక్షితంగా లింక్ చేసుకోండి.

అప్‌డేట్ చేసుకోకపోతే వచ్చే నష్టాలు

మీ నంబర్‌పై ఇతరులు ట్రాఫిక్ ఉల్లంఘనలకు పాల్పడితే మీకు సమాచారం అందదు. సకాలంలో చలానా చెల్లించకపోతే నేరుగా కోర్టు సమన్లు వచ్చే ప్రమాదం ఉంది. పెండింగ్ చలానాలు ఉంటే వాహనం ఫిట్‌నెస్ సర్టిఫికేట్, ఎన్‌ఓసీ, లేదా యాజమాన్య బదిలీ ప్రక్రియలు నిలిచిపోతాయి.

మీ వాహన ట్రాఫిక్ ఉల్లంఘన ఈ-చలానాలతో పాటు ఇతర కీలక సమాచారాన్ని ఎస్ఎంఎస్, వాట్సాప్, ఈ-మెయిల్ ద్వారా నేరుగా, సకాలంలో తెలుసుకోవడానికి.. వెంటనే 'వాహన్' (VAHAN) పోర్టల్‌లో మీ మొబైల్ నంబర్, ఈ-మెయిల్ ఐడీలను అప్‌డేట్ చేసుకోండి.

కాంటాక్ట్ వివరాలను అప్ డేట్ చేసుకోవడం ద్వారా సమాచారాన్ని ఎప్పటికప్పుడు తెలుసుకోవడమే కాకుండా, నోటిఫికేషన్లు అందకపోవడం వల్ల పడే జరిమానాల భారం నుంచి తప్పుకోవచ్చు. ప్రభుత్వ నిబంధనల ప్రకారం.. 'వాహన్' పోర్టల్‌లో నమోదైన మొబైల్ నంబర్ లేదా ఈ-మెయిల్ ఐడీకి పంపిన చలానాలను వాహన యజమానికి అధికారికంగా చేరినట్లుగానే పరిగణిస్తారు.