ఏడడుగుల బంధంతో ఒకటైన ఆలుమగల జీవితం ఒక్క అక్రమ సంబంధం మోజుతో ఘోరానికి దారితీసింది. వ్యవసాయం చేసుకొని జీవిస్తున్న ఒక అమాయక రైతు.. భార్య క్రూరత్వానికి బలైపోయాడు. జయశంకర్ భూపాలపల్లి జిల్లా భూపాలపల్లి మండలం పరిధిలోని గొల్లబుద్ధారం తండాలో చోటుచేసుకున్న ఈ దారుణ ఘటన స్థానికంగా తీవ్ర విషాదాన్ని నింపింది. ఈ ఘటనకు సంబంధించి పూర్తి వివరాల్లోకి వెళ్తే..
గొల్లబుద్ధారం తండాకు చెందిన అజ్మీర చందు (40), పావనిలకు 2014లో వివాహమైంది. సాఫీగా సాగిన వీరి దాంపత్య జీవితం, కష్టపడి వ్యవసాయం చేసుకుంటూ జీవనం సాగిస్తున్న ఆ కుటుంబంలో హఠాత్తుగా కలతలు మొదలయ్యాయి. పావనికి దరావత్ సంతోష్ అనే వ్యక్తితో ఏర్పడిన పరిచయం వివాహేతర సంబంధానికి దారితీసింది.
కట్టుకున్న భర్త కష్టపడి ఇల్లు గడుపుతుంటే.. పావని మాత్రం పరాయి వ్యక్తి వ్యామోహంలో మునిగిపోయింది. ఈ విషయం తెలుసుకున్న భర్త చందు పలుమార్లు ఆమెను పద్ధతి మార్చుకోవాలని చెప్పాడు. ఇంట్లో తరచూ గొడవలు జరిగాయి. భార్య.. తన వివాహేతర సంబంధానికి భర్తే అడ్డంగా ఉన్నాడని భావించి కఠిన నిర్ణయం తీసుకుంది.
తన భర్తను శాశ్వతంగా అడ్డుతొలగించుకోవాలనే క్రూర ఆలోచనతో పావని, ప్రియుడు సంతోష్‌తో కలిసి పథకం వేసింది. గురువారం రాత్రి చందు నిద్రిస్తున్న సమయంలో సంతోష్‌ను ఇంటికి పిలిపించుకుంది. ఇద్దరూ కలిసి పడుకున్న చందుపై దాడి చేసి దారుణంగా హత్య చేశారు.
హత్య అనంతరం నేరం బయటపడకుండా ఉండేందుకు మృతదేహాన్ని ఒక సంచిలో మూటకట్టి బండిపై తరలించి సమీపంలోని గ్రామం దగ్గర రోడ్డు పక్కన పడేసి పరారయ్యారు. ఉదయాన్నే అటుగా వెళ్తున్న ప్రయాణికులు మూటలో ఉన్న మృతదేహాన్ని గమనించి భయాందోళనకు గురై వెంటనే పోలీసులకు సమాచారం అందించారు. సమాచారం అందుకున్న భూపాలపల్లి సీఐ శ్రీనివాస్, పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు.
కష్టపడి వ్యవసాయం చేసుకుంటూ బతికే చందు ఇలా భార్య చేతిలోనే దారుణంగా హత్యకు గురికావడంతో తండావాసులు శోకసంద్రంలో మునిగిపోయారు. తప్పు చేసిన భార్యను సరిదిద్దుకోవాలని చూశాడే తప్ప, ఆమె ఈ స్థాయిలో ఆలోచిస్తుందని ఊహించలేకపోయాడు అని స్థానికులు కన్నీటిపర్యంతమయ్యారు.
{{/usCountry}}కష్టపడి వ్యవసాయం చేసుకుంటూ బతికే చందు ఇలా భార్య చేతిలోనే దారుణంగా హత్యకు గురికావడంతో తండావాసులు శోకసంద్రంలో మునిగిపోయారు. తప్పు చేసిన భార్యను సరిదిద్దుకోవాలని చూశాడే తప్ప, ఆమె ఈ స్థాయిలో ఆలోచిస్తుందని ఊహించలేకపోయాడు అని స్థానికులు కన్నీటిపర్యంతమయ్యారు.
{{/usCountry}}ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. పరారీలో ఉన్న నిందితులు పావని, దరావత్ సంతోష్‌లను పోలీసులు అదుపులోకి తీసుకుని విచారిస్తున్నారు. నేరానికి ఉపయోగించిన ఆధారాలను సేకరించి, నిందితులపై చట్టరీత్యా కఠిన చర్యలు తీసుకుంటామని సీఐ తెలిపారు.