ఆంధ్రా యూనివర్సిటీ నుంచి అప్డేట్.. అధ్యాపక పోస్టుల భర్తీకి నోటిఫికేషన్ విడుదల

ఆంధ్రా విశ్వవిద్యాలయం తన అనుబంధ కళాశాలలు, పాఠశాలలలో 2026-27 విద్యా సంవత్సరానికి తాత్కాలిక బోధనా ఏర్పాట్ల కోసం అర్హులైన అభ్యర్థుల నుండి దరఖాస్తులను ఆహ్వానిస్తోంది. ఈ మేరకు ఒక ప్రకటనను జారీ చేసింది.

ఆంధ్రప్రదేశ్ ఉన్నత విద్యా రంగంలో ప్రముఖ విద్యాసంస్థ అయిన విశాఖపట్నంలోని ఆంధ్రా యూనివర్సిటీ (AU) నిరుద్యోగ అభ్యర్థులకు తీపి కబురు అందించింది. 2026-27 విద్యా సంవత్సరానికి గాను వర్సిటీ పరిధిలోని వివిధ అనుబంధ కళాశాలలు, పాఠశాలల్లో తాత్కాలిక ప్రాతిపదికన అధ్యాపక పోస్టుల భర్తీకి అర్హులైన అభ్యర్థుల నుంచి దరఖాస్తులను ఆహ్వానిస్తూ అధికారిక నోటిఫికేషన్ విడుదల చేసింది.

ఆంధ్రా యూనివర్సిటీలో ఖాళీలు

ఈ నోటిఫికేషన్ ప్రకారం.. ఈ నియామకాలు పూర్తిగా సెమిస్టర్ ప్రాతిపదికన ఉంటాయి. యూనివర్సిటీలోని వివిధ అకడమిక్ విభాగాల్లో బోధనా పనులను నిర్వహించడానికి ఈ తాత్కాలిక ఏర్పాట్లు చేస్తున్నారు.

ఈ కాలేజీల్లో ఖాళీల భర్తీ

ఆంధ్రా యూనివర్సిటీ పరిధిలోని క్రింది ప్రముఖ కళాశాలల్లో ఈ తాత్కాలిక అధ్యాపక పోస్టులను భర్తీ చేయనున్నారు:

ఏయూ కాలేజ్ ఆఫ్ ఆర్ట్స్ అండ్ కామర్స్

ఏయూ కాలేజ్ ఆఫ్ సైన్స్ అండ్ టెక్నాలజీ

ఏయూ కాలేజ్ ఆఫ్ ఇంజనీరింగ్ - అటానమస్

ఏయూ కాలేజ్ ఆఫ్ ఇంజనీరింగ్ - ఉమెన్

ఏయూ కాలేజ్ ఆఫ్ ఫార్మాస్యూటికల్ సైన్సెస్

డాక్టర్ బి.ఆర్. అంబేద్కర్ కాలేజ్ ఆఫ్ లా

ఏయూ స్కూల్ ఆఫ్ ఇంటర్నేషనల్ బిజినెస్

ఈ పోస్టులు కేవలం తాత్కాలిక ప్రాతిపదికన మాత్రమే భర్తీ అవుతున్నాయి. భవిష్యత్తులో రెగ్యులర్ పోస్టులుగా కొనసాగించడానికి ఎటువంటి హక్కులు ఉండవని వర్సిటీ వర్గాలు స్పష్టం చేశాయి.

ఈ పోస్టులకు దరఖాస్తు చేసుకోవడానికి కావలసిన విద్యార్హతలు, సబ్జెక్టుల వారీగా ఖాళీల వివరాలు, దరఖాస్తు రుసుము, ఎంపిక ప్రక్రియ (ఇంటర్వ్యూ షెడ్యూల్) గురించిన పూర్తి వివరాలను ఆంధ్రా యూనివర్సిటీ అధికారిక వెబ్‌సైట్ andhrauniversity.edu.in లో అందుబాటులో ఉంచారు. ఆసక్తి, అర్హత కలిగిన అభ్యర్థులు నిర్ణీత గడువులోగా తమ దరఖాస్తులను సమర్పించాల్సి ఉంటుంది. ఉన్నత విద్యా రంగంలో, ముఖ్యంగా ప్రతిష్టాత్మకమైన ఏయూలో బోధనా అనుభవం సంపాదించాలనుకునే అభ్యర్థులకు ఇది ఒక సువర్ణావకాశంగా చెప్పవచ్చు.

ఈ లింక్ క్లిక్ చేసి అప్లై చేయండి.