ఆచార్య ఎన్.జీ.రంగా అగ్రికల్చర్ యూనివర్సిటీ నోటిఫికేషన్.. నేరుగా ఇంటర్వ్యూ ద్వారా పోస్ట్ భర్తీ!

ఆచార్య ఎన్జీ రంగా యూనివర్సిటీ పరిధిలోని రిజినల్ అగ్రికల్చరల్ రిసెర్చ్ స్టేషన్ గుంటూరులో రిసెర్చ్ అసోసియేట్ పోస్టుల భర్తీకి ఇంటర్వ్యూ ఉంది. ఆసక్తి ఉన్న అభ్యర్థులు ఆగస్టు 6వ తేదీన ఇంటర్వ్యూకు హాజరుకావాలి.

గుంటూరు జిల్లాలోని ఆచార్య ఎన్.జీ.రంగా వ్యవసాయ విశ్వవిద్యాలయం(ANGRAU) పరిధిలోని ప్రాంతీయ వ్యవసాయ పరిశోధనా స్థానం (RARS) కీలక ఉద్యోగ ప్రకటన విడుదల చేసింది. కాటన్ బయోటెక్నాలజీ (NSP) ప్రాజెక్ట్‌లో తాత్కాలిక ప్రాతిపదికన పనిచేయడానికి రిసెర్చ్ అసోసియేట్ పోస్టు భర్తీకి వాక్-ఇన్-ఇంటర్వ్యూ నిర్వహిస్తున్నట్లు అసోసియేట్ డైరెక్టర్ ఆఫ్ రిసెర్చ్ డాక్టర్ ఎన్.వి.వి.ఎస్.దుర్గాప్రసాద్ తెలిపారు.

ఆచార్య ఎన్జీ రంగా అగ్రికల్చర్ యూనివర్సిటీ జాబ్స్

రిసెర్చ్ అసోసియేట్ (జెనెటిక్స్ అండ్ ప్లాంట్ బ్రీడింగ్ / అగ్రికల్చరల్ బయోటెక్నాలజీ) 1 పోస్టుకు నోటిఫికేషన్ విడుదల చేశారు. చేరిన నాటి నుంచి 11 నెలల పాటు (ఒప్పంద ప్రాతిపదికన) పని చేయాలి. సంబంధిత విభాగంలో (Genetics & Plant Breeding / Agri. Biotechnology) Ph.D చేసి ఉండాలి. సంబంధిత రిసెర్చ్ లేదా టీచింగ్‌లో కనీసం 3 ఏళ్ల అనుభవం ఉన్న M.Sc (Ag.) అభ్యర్థులు కూడా అర్హులు. నెట్ కూడా క్వాలిఫై అయి ఉండాలి.

డిగ్రీలు తప్పనిసరిగా ICAR గుర్తింపు పొందిన విశ్వవిద్యాలయాల నుంచి పొంది ఉండాలి. పురుషులకు గరిష్టంగా 40 ఏళ్లు, మహిళలకు 45 ఏళ్ల వరకు సడలింపు ఉంటుంది. నిబంధనల ప్రకారం బీసీ, ఎస్సీ, ఎస్టీ అభ్యర్థులకు వయోపరిమితిలో ఉపశమనం ఉంటుంది.

M.Sc (Ag.) పూర్తి చేసిన వారికి నెలకు రూ. 61,000 ప్లస్ హెచ్ఆర్ఏ చెల్లిస్తారు. Ph.D ఉన్న అభ్యర్థులకు నెలకు రూ. 67,000 ప్లస్ హెచ్ఆర్ఏ చెల్లిస్తారు. అర్హత, ఆసక్తి ఉన్న అభ్యర్థులు ఎలాంటి ముందస్తు దరఖాస్తులు లేకుండా ఇంటర్వ్యూకు హాజరుకావచ్చు. ఇంటర్వ్యూ తేదీ 06 ఆగస్టు 2026 సమయం: ఉదయం 10:30 గంటలకు ప్రాంతీయ వ్యవసాయ పరిశోధనా స్థానం (RARS), లామ్, గుంటూరులో ఉంటుంది.

అభ్యర్థులు తమ బయోడేటాతో పాటు అన్ని విద్యార్హత సర్టిఫికేట్ల ఒరిజినల్స్, రెండు సెట్ల జిరాక్స్ కాపీలు, ఇటీవలి పాస్‌పోర్ట్ సైజ్ ఫోటోలతో నేరుగా ఇంటర్వ్యూకు హాజరుకావాలి. ఎలాంటి టీఏ/డీఏలు ఇవ్వరు.