AP DEECET Application 2026 : రాష్ట్రంలోని ప్రభుత్వ, ప్రైవేట్ డైట్ (DIET) కళాశాలల్లో రెండేళ్ల డిప్లొమా ఇన్ ఎలిమెంటరీ ఎడ్యుకేషన్ (D.El.Ed) కోర్సుల్లో ప్రవేశాల కోసం నిర్వహించే డీఈఈసెట్ (DEECET-2026) దరఖాస్తు గడువును మరోసారి పొడిగించారు. ఈ నెల 30వ వరకు దరఖాస్తు చేసుకోవచ్చని డీఈఈసెట్ కన్వీనర్ లింగేశ్వర్ రెడ్డి ఒక ప్రకటనలో అధికారికంగా వెల్లడించారు.
గతంలో పొడిగించిన గడువు ఈ నెల 26తో ముగియాల్సి ఉంది. అయితే.... రాష్ట్రవ్యాప్తంగా అనేకమంది విద్యార్థులు దరఖాస్తు ప్రక్రియలో ఎదురవుతున్న సాంకేతిక ఇబ్బందులను అధికారుల దృష్టికి తీసుకెళ్లారు. గడువు పొడిగించాలని వచ్చిన విజ్ఞప్తుల మేరకు విద్యాశాఖ సానుకూలంగా స్పందించింది. అభ్యర్థుల ప్రయోజనాలను దృష్టిలో ఉంచుకుని ఏప్రిల్ 30 వరకు ఆన్లైన్ దరఖాస్తులకు అవకాశం కల్పించారు.
ఇంటర్మీడియట్ పూర్తి చేసి ఉపాధ్యాయ శిక్షణ పొందాలనుకునే అభ్యర్థులు ఈ అవకాశాన్ని సద్వినియోగం చేసుకోవాలని అధికారులు సూచిస్తున్నారు. నిర్ణీత ఫీజు చెల్లించి అధికారిక వెబ్సైట్ ద్వారా తమ వివరాలను నమోదు చేసుకోవాల్సి ఉంటుంది. గడువు ముగిసిన తర్వాత ఎట్టి పరిస్థితుల్లోనూ దరఖాస్తులను స్వీకరించబోమని కన్వీనర్ స్పష్టం చేశారు. హాల్ టికెట్ల విడుదల మరియు పరీక్షా తేదీల్లో మార్పులు ఉంటే త్వరలోనే అధికారికంగా వెల్లడించనున్నారు.
ప్రాథమిక పాఠశాలల్లో (1 నుంచి 5వ తరగతి వరకు) ఉపాధ్యాయులుగా సేవలందించేందుకు ఈ రెండేళ్ల డిప్లొమా కోర్సు అత్యంత కీలకం. డీఈఈసెట్లో సాధించే ర్యాంకు ఆధారంగానే ప్రభుత్వ డైట్ కళాశాలల్లో సీట్ల కేటాయింపు జరుగుతుంది. రాష్ట్రవ్యాప్తంగా ఉన్న వేలాది సీట్ల కోసం ఈ పోటీ పరీక్ష నిర్వహించనున్నారు.
ఏపీ డీఈఈసెట్ 2026 అప్లికేషన్ ఫీజు కింద రూ. 1000 చెల్లించాలి. దరఖాస్తు చేసుకునే అభ్యర్థులు ఇంటర్ లేదా తత్సమాన పరీక్షల్లో కనీసం 50 శాతం మార్కులతో ఉత్తీర్ణులై ఉండాలి. ఎస్సీ, ఎస్టీ, పీహెచ్సీ అభ్యర్థులకు 45 శాతం ఉంటే సరిపోతుంది. 2026 సెప్టెంబర్ నాటికి 17 ఏళ్లు నిండి ఉండాలి. ఎలాంటి గరిష్ట వయో పరిమితి లేదు.
ఏపీ డీఈఈసెట్ 2026 - దరఖాస్తు విధానం:
- అభ్యర్థులు https://apdeecet.apcfss.in/ వెబ్ సైట్ లోకి వెళ్లాలి.
- హోం పేజీలోని పేమెంట్ లింక్ పై క్లిక్ చేసి ఫీజు చెల్లించాలి.
- ఆ తర్వాత అప్లికేషన్ ఫామ్ లింక్ పై క్లిక్ చేసి ప్రాసెస్ చేయాలి.
- అభ్యర్థి వివరాలతో లాగిన్ కావాలి. ఆ తర్వాత దరఖాస్తు ఫారమ్ పూర్తి చేయాలి.
- అభ్యర్థి ఫొటో, సంతకం కూడా అప్ లోడ్ చేయాల్సి ఉంటుంది.
- చివరగా సబ్మిట్ పై క్లిక్ చేసి రిజిస్ట్రేషన్ ప్రాసెస్ పూర్తి చేసుకోవచ్చు.
- ప్రింట్ లేదా డౌన్లోడ్ ఆప్షన్ పై నొక్కి కాపీని పొందొచ్చు.
ఏపీ డీఈఈసెట్ 2026 అప్లికేషన్ ఫీజు కింద రూ. 1000 చెల్లించాలి. దరఖాస్తు చేసుకునే అభ్యర్థులు ఇంటర్ లేదా తత్సమాన పరీక్షల్లో కనీసం 50 శాతం మార్కులతో ఉత్తీర్ణులై ఉండాలి. ఎస్సీ, ఎస్టీ, పీహెచ్సీ అభ్యర్థులకు 45 శాతం ఉంటే సరిపోతుంది. 2026 సెప్టెంబర్ నాటికి 17 ఏళ్లు నిండి ఉండాలి. ఎలాంటి గరిష్ట వయో పరిమితి లేదు.
ఏపీ డీఈఈసెట్ 2026 - దరఖాస్తు విధానం:
- అభ్యర్థులు https://apdeecet.apcfss.in/ వెబ్ సైట్ లోకి వెళ్లాలి.
- హోం పేజీలోని పేమెంట్ లింక్ పై క్లిక్ చేసి ఫీజు చెల్లించాలి.
- ఆ తర్వాత అప్లికేషన్ ఫామ్ లింక్ పై క్లిక్ చేసి ప్రాసెస్ చేయాలి.
- అభ్యర్థి వివరాలతో లాగిన్ కావాలి. ఆ తర్వాత దరఖాస్తు ఫారమ్ పూర్తి చేయాలి.
- అభ్యర్థి ఫొటో, సంతకం కూడా అప్ లోడ్ చేయాల్సి ఉంటుంది.
- చివరగా సబ్మిట్ పై క్లిక్ చేసి రిజిస్ట్రేషన్ ప్రాసెస్ పూర్తి చేసుకోవచ్చు.
- ప్రింట్ లేదా డౌన్లోడ్ ఆప్షన్ పై నొక్కి కాపీని పొందొచ్చు.
ఏపీ డీఈఈసెట్ పరీక్షను మొత్తం 100 మార్కులకు నిర్వహిస్తారు. ప్రశ్నాపత్రం తెలుగు, ఉర్దూ, తమిళం, ఇంగ్లీష్ మాధ్యమాల్లో ఇస్తారు. దరఖాస్తు చేసుకునే సమయంలో అభ్యర్థి… ఆప్షన్ ఎంచుకోవాలి. ఇతర వివరాల కోసం హెల్ప్ లైన్ నంబర్ 7995869743ను సంప్రదించవచ్చు.