E-Paper
గాదె సాయికృష్ణ కస్టడీ డెత్ కేసు : విచారణ సీబీఐకి అప్పగింత - ఏపీ హైకోర్టు ఆదేశాలు
Gade Sai Krishna custodial death Case : విజయవాడ కృష్ణలంక పోలీస్ స్టేషన్‌లో గాదె సాయికృష్ణ (25 అనుమానాస్పద మృతి కేసులో ఏపీ హైకోర్టు కీలక తీర్పు వెలువరించింది. ఈ కేసు విచారణను సీబీఐకి అప్పగిస్తూ ఆదేశాలు జారీ చేసింది.
Prefer HTon Google
Gade Sai Krishna custodial death Case : విజయవాడ కృష్ణలంక పోలీస్ స్టేషన్ పరిధిలో తీవ్ర కలకలం రేపిన గాదె సాయికృష్ణ కస్టడీ డెత్ కేసులో ఆంధ్రప్రదేశ్ ఉన్నత న్యాయస్థానం (హైకోర్టు) శుక్రవారం కీలకమైన తీర్పును వెలువరించింది. ఈ కేసు సమగ్ర విచారణ బాధ్యతను కేంద్ర దర్యాప్తు సంస్థ (సిబిఐ)కి అప్పగిస్తూ సంచలన ఉత్తర్వులు జారీ చేసింది.
అసలేం జరిగింది….?
విజయవాడ కృష్ణలంక పోలీస్ స్టేషన్‌లో 25 ఏళ్ల యువకుడు గాదె సాయికృష్ణ అనుమానాస్పద స్థితిలో మృతి చెందడం, అనంతరం ఆయ న అదృశ్యమయ్యారనే ఆరోపణలు రావడంతో రాష్ట్రవ్యాప్తంగా పెద్ద ఎత్తున సంచలనం సృష్టించింది. తీవ్ర ఒత్తిడి, ఆరోపణల నడుమ ఈ ఘటనపై పూర్తి స్థాయిలో దర్యాప్తు జరిపేందుకు ఆంధ్రప్రదేశ్ ప్రభుత్వం 2026 జూన్ 21న ప్రత్యేక దర్యాప్తు బృందాన్ని (సిట్ - SIT) ఏర్పాటు చేసింది.
కేసును వేగవంతం చేసిన సిట్ అధికారులు, ఈ వ్యవహారానికి సంబంధించి తమ దర్యాప్తును పూర్తి చేసి 2026 సెప్టెంబర్ నెలలో న్యాయస్థానంలో ఛార్జ్‌షీట్ దాఖలు చేశారు.
అయితే ఈ ఘటనలో నిజా నిజాలు పూర్తిగా వెలుగులోకి రావాలని, స్వతంత్ర సంస్థ ద్వారా సమగ్ర విచారణ జరగాలని భావించిన ఏపీ హైకోర్టు…. ఈ కేసును సీబీఐకి బదిలీ చేసింది. కస్టడీ మరణం వెనుక ఉన్న అసలు కారణాలు, అధికారుల పాత్రను సమగ్రంగా వెలికితీయాలని కేంద్ర ఏజెన్సీని ఆదేశించింది. ఉన్నత న్యాయస్థానం ఇచ్చిన ఈ తీర్పుపై బాధితుని కుటుంబ సభ్యులు, ప్రజా సంఘాలు హర్షం వ్యక్తం చేస్తున్నాయి.
