ఏపీ టెట్ ఫలితాల కోసం చాలా మంది అభ్యర్థులు ఎదురుచూస్తున్నారు. అయితే ఇప్పటికే ప్రాథమిక ఫలితాలు రాగా… తుది కీలతో పాటు ఫలితాలు రావాల్సి ఉంది. ఇప్పటికే తుది ఫలితాలకు సంబంధించిన కసరత్తు పూర్తి కావొచ్చింది.
ప్రాథమిక సమాచారం మేరకు… ఈ నెల 14వ తేదీ లోపే టెట్ పరీక్షలకు సంబంధించిన కీ (Key) తో పాటు తుది ఫలితాలను కూడా వెల్లడించేందుకు అధికారులు సర్వం సిద్ధం చేశారు. టెట్ పరీక్షల మూల్యాంకనం, మార్కుల కేటాయింపు, డేటా ప్రాసెసింగ్కు సంబంధించిన అన్ని రకాల పనులు ఇప్పటికే పూర్తయ్యాయి.
కేవలం సాంకేతిక అంశాలను సరిచూసుకోవడం, ఫలితాల ప్రకటనలో ఎలాంటి అవాంతరాలు రాకుండా చూసుకోవడం వంటి తుది పరిశీలన పాయింట్లు మాత్రమే మిగిలి ఉన్నట్లు సమాచారం. ఈ సాంకేతిక పరిశీలన కూడా ఒకట్రెండు రోజుల్లో ముగిసే అవకాశం ఉంది. అంతా సవ్యంగా ఉందనుకుంటే… 14వ తేదీ లోపే కీ, ఫలితాలను అధికారిక వెబ్సైట్లో అందుబాటులో ఉంచనున్నారు.
ఈసారి రాష్ట్రవ్యాప్తంగా నిర్వహించిన టెట్ పరీక్షలకు పెద్ద సంఖ్యలో డిఎడ్, బిఎడ్ అభ్యర్థులు హాజరయ్యారు. ఉపాధ్యాయ ఉద్యోగాల భర్తీలో (DSC) టెట్ మార్కులకు వేటేజ్ ఉండటంతో ఈ ఫలితాలపై సర్వత్రా తీవ్ర ఆసక్తి నెలకొంది. ఫలితాలు వెలువడిన వెంటనే అభ్యర్థులు తమ హాల్ టికెట్ నంబరు, పుట్టిన తేదీ వివరాలను నమోదు చేసి రిజల్ట్స్ను డౌన్లోడ్ చేసుకోవచ్చు.
ఏపీ టెట్ ఆన్సర్ కీ, ఫలితాలు చెక్ చేసుకోవటం ఇలా..
- ముందుగా అభ్యర్థులు అధికారిక వెబ్సైట్ https://tet2dsc.apcfss.in / ను సందర్శించాలి.
- హోమ్పేజీలో కనిపించే 'ఏపీ టెట్ ఆన్సర్ కీ / ఫలితాలు' అనే లింక్పై క్లిక్ చేయాలి.
- స్క్రీన్పై సబ్జెక్టుల వారీగా వివరాలు ప్రత్యక్షమవుతాయి.
- మీ సబ్జెక్ట్ను ఎంచుకుని, చివర్లో ఉండే డౌన్లోడ్ ఆప్షన్పై క్లిక్ చేస్తే ఆన్సర్ కీ కాపీ పొందుపరచబడుతుంది.
- ఫైనల్ కీతో పాటు ఫలితాల రోజున మీ హాల్ టికెట్ నంబర్ నమోదు చేసి నేరుగా ఫలితాలను కూడా ఇదే వెబ్సైట్లో చెక్ చేసుకోవచ్చు.
- తుది ఫలితాల కోసం వ్యక్తిగత లాగిన్ వివరాలతో లాగిన్ అయ్యాక… మీ ఫలితాలు డిస్ ప్లే అవుతాయి.
- ప్రింట్ లేదా డౌన్లోడ్ ఆప్షన్ ద్వారా రిజల్ట్ కాపీని పొందొచ్చు.