ఆంధ్రప్రదేశ్‌లో స్థానిక సంస్థల ఎన్నికల నడుమ అత్యంత కీలకమైన పరిణామం చోటుచేసుకుంది. రాష్ట్రంలో మున్సిపల్ ఎన్నికలను తాత్కాలికంగా నిలిపివేస్తున్నట్టుగా ఎస్ఈసీ ప్రకటించింది. ఈ మేరకు సంచలన నిర్ణయం తీసుకుంది.
ఎన్నికల నిర్వహణపై రాష్ట్ర ఎన్నికల కమిషనర్ అనిల్ చంద్ర పునేఠా వివిధ జిల్లాల కలెక్టర్లు, ఎస్పీలు, ఎన్నికల అధికారులతో అత్యవసర వీడియో కాన్ఫరెన్స్ నిర్వహించి కీలక మార్గదర్శకాలు జారీ చేశారు.
రాష్ట్రంలోని పల్నాడు, రాయలసీమ జిల్లాల్లోని కొన్ని ప్రాంతాల్లో నామినేషన్ల ఘట్టం రణరంగాన్ని తలపించడం, ఘర్షణలు చోటుచేసుకోవడంతో మెుదట 19 స్థానిక సంస్థల ఎన్నికలపై అనిశ్చితి నెలకొంది. ఈ 19 పురపాలికలకు సంబంధించి జిల్లా కలెక్టర్లు, సూపరింటెండెంట్ ఆఫ్ పోలీస్ ఇచ్చే సమగ్ర క్షేత్రస్థాయి నివేదికల ఆధారంగానే తదుపరి నిర్ణయం తీసుకోనున్నట్లు ఎస్ఈసీ స్పష్టం చేసింది.
ఇందులో తిరుపతి, కడప, పులివెందుల, రాజంపేట, ప్రొద్దుటూరు, రాయచోటి, బద్వేల్‌, జమ్మలమడుగు, మైదుకూరు, కమలాపురం, ఎర్రగుంట్ల, పుంగనూరు, పిడుగురాళ్ల, గురజాల, దాచేపల్లి, కనిగిరి, దర్శి, గుత్తి, తాడిపత్రి ఉన్నాయి.
ఈ జిల్లాల పరిధిలోని కలెక్టర్లు, పోలీసు అధికారుల నుంచి తుది నివేదికలు వచ్చిన తర్వాతే ఈ ప్రాంతాల్లో పోలింగ్ సజావుగా సాగేందుకు అనుకూలమైన పరిస్థితులు ఉన్నాయో లేదో సమీక్షించి నిర్ణయించాలనుకుంది. పోటీ చేసే అభ్యర్థులపై దాడులు, బెదిరింపులు జరుగుతున్నాయనే ఫిర్యాదులపై రాష్ట్ర ఎన్నికల కమిషనర్ అనిల్ చంద్ర పునేఠా తీవ్రంగా స్పందించారు. శాంతిభద్రతల పరిరక్షణ విషయంలో రాజీపడేది లేదని అధికారులకు చెప్పారు. అయితే ఆ తర్వాత కాసేపటికే 100 మున్సిపాలిటీల్లో ఎన్నికలను తాత్కాలికంగా వాయిదా వేస్తున్నట్టుగా రాష్ట్ర ఎన్నికల సంఘం ప్రకటించింది.
అభ్యర్థుల తుది జాబితా ప్రకటన ఈ నెల 25వ తేదీ వరకు వాయిదా వేయాలని సుప్రీం కోర్టు ఆదేశించింది. దీంతో పోలీంగ్ తేదీల్లో మార్పులు రానున్నాయి. ఈ నెల 28వ తేదీన పోలింగ్ నిర్వహించాల్సి ఉంది. అవసరమైన ప్రాంతాల్లో 29న రీపోలింగ్, 30న ఓట్ల లెక్కింపు చేపట్టాలి. ఇప్పుడు పోలీంగ్ తేదీ మూడు నాలుగు రోజులు వాయిదా పడే అవకాశం ఉంది. అయితే ఎంపీటీసీ, జడ్పీటీసీ ఎన్నికలు కూడా ఉన్నాయి. వాటిని దృష్టిలో పెట్టుకుని పోలింగ్ తేదీలను మార్చాల్సి ఉంటుంది.
{{/usCountry}}అభ్యర్థుల తుది జాబితా ప్రకటన ఈ నెల 25వ తేదీ వరకు వాయిదా వేయాలని సుప్రీం కోర్టు ఆదేశించింది. దీంతో పోలీంగ్ తేదీల్లో మార్పులు రానున్నాయి. ఈ నెల 28వ తేదీన పోలింగ్ నిర్వహించాల్సి ఉంది. అవసరమైన ప్రాంతాల్లో 29న రీపోలింగ్, 30న ఓట్ల లెక్కింపు చేపట్టాలి. ఇప్పుడు పోలీంగ్ తేదీ మూడు నాలుగు రోజులు వాయిదా పడే అవకాశం ఉంది. అయితే ఎంపీటీసీ, జడ్పీటీసీ ఎన్నికలు కూడా ఉన్నాయి. వాటిని దృష్టిలో పెట్టుకుని పోలింగ్ తేదీలను మార్చాల్సి ఉంటుంది.
{{/usCountry}}ఎంపీటీసీ, జడ్పీటీసీ అభ్యర్థులు స్వేచ్ఛగా, ప్రశాంతమైన వాతావరణంలో జరగాలని ఎస్ఈసీ అన్నారు. సమస్యాత్మక ప్రాంతాల్లో పోటీ చేసే అభ్యర్థులకు, ముఖ్యంగా ప్రతిపక్ష, స్వతంత్ర అభ్యర్థులకు తగిన రక్షణ కల్పించాలని పోలీసు రంగానికి స్పష్టమైన ఆదేశాలు ఇచ్చారు. ఎన్నికల ప్రక్రియ అంతా అత్యంత పారదర్శకంగా, శాంతియుతంగా పూర్తయ్యేలా కలెక్టర్లు, ఎస్పీలు నిరంతరం పర్యవేక్షణ చేయాలని స్పష్టం చేశారు.
ఏపీ స్థానిక పోరులో నామినేషన్ల నాటి నుంచి వాతావరణం వేడెక్కిన నేపథ్యంలో ఎస్ఈసీ తీసుకున్న ఈ నిర్ణయం రాష్ట్ర రాజకీయాల్లో సంచలనంగా మారింది. మున్సిపల్ ఎన్నికలకు తాత్కాలిక బ్రేక్ పడటం.. ఏం జరుగుతుందా అనేది ఆసక్తిగా మారింది.