ఆంధ్రప్రదేశ్ ఆర్థిక, పారిశ్రామిక ప్రగతికి ఊతమిచ్చేలా మరో అంతర్జాతీయ వేదిక సిద్ధమవుతోంది. విశాఖపట్నం వేదికగా 31వ కాన్ఫెడరేషన్ ఆఫ్ ఇండియన్ ఇండస్ట్రీ (సీఐఐ) భాగస్వామ్య సదస్సు - 2026ను నిర్వహించేందుకు విస్తృత ఏర్పాట్లు జరుగుతున్నాయి. నవంబర్ 12, 13 తేదీల్లో రెండు రోజుల పాటు ఈ ప్రతిష్టాత్మక అంతర్జాతీయ సదస్సు జరగనుంది. ప్రపంచవ్యాప్తంగా 58 దేశాల నుంచి పారిశ్రామికవేత్తలు, అంతర్జాతీయ నిపుణులు, వివిధ దేశాల ప్రభుత్వ ప్రతినిధులు ఈ వేదికపైకి రానున్నారు.
కేంద్ర విదేశీ వాణిజ్యం, పారిశ్రామిక ప్రోత్సాహక శాఖ (DPIIT), భారత పరిశ్రమల సమాఖ్య (CII) సంయుక్తంగా నిర్వహిస్తున్న ఈ సదస్సుకు ఆంధ్రప్రదేశ్ ప్రభుత్వం ఆతిథ్యమిస్తోంది. ప్రపంచ ఆర్థిక రంగానికి, భారత్ వ్యాపార ప్రగతికి మధ్య వారధిగా నిలిచే ఈ సిఐఐ పార్ట్‌నర్‌షిప్ సమ్మిట్‌ను 1995 నుంచి క్రమం తప్పకుండా నిర్వహిస్తున్నారు. ఈ ఏడాది విశాఖలో నిర్వహిస్తుండటంతో రాష్ట్రంలోకి భారీగా పెట్టుబడులు తరలివచ్చే అవకాశముందని వాణిజ్య వర్గాలు భావిస్తున్నాయి.
ఈ ప్రతిష్టాత్మక సమ్మేళనంలో విదేశాల నుంచి 16 మంది మంత్రులు, 40 మంది అంతర్జాతీయస్థాయి వ్యక్తులు పాల్గొననున్నారు. కేంద్ర హోంమంత్రి అమిత్ షా, భారత ఉపరాష్ట్రపతి సి.పి. రాధాకృష్ణన్, కేంద్ర వాణిజ్య, పరిశ్రమల శాఖ మంత్రి పీయూష్ గోయల్ వంటి పలువురు ప్రముఖులు ఈ కార్యక్రమంలో ప్రసంగించే తాత్కాలిక జాబితాలో ఉన్నారు.
అంతర్జాతీయ పారిశ్రామిక వేదికల నుంచి వరల్డ్ ఇంటెలెక్చువల్ ప్రాపర్టీ ఆర్గనైజేషన్ (డబ్ల్యూఐపీఓ) ప్రతినిధి డారెన్ టాంగ్, వరల్డ్ ఎకనామిక్ ఫోరమ్ (డబ్ల్యూఈఎఫ్) ప్రతినిధి రాబర్టో బోకా, భారత్‌లో యూరోపియన్ యూనియన్ (EU) మరియు జపాన్ దేశాల రాయబారులు ప్రత్యేక ఆహ్వానితులుగా హాజరుకానున్నారు.
చర్చించబోయే కీలక అంశాలు:
రెండు రోజుల పాటు జరిగే ఈ భాగస్వామ్య సదస్సులో అంతర్జాతీయ వ్యాపారాలు, పరస్పర పెట్టుబడులు, అంతర్జాతీయ విలువ గొలుసులు (గ్లోబల్ వాల్యూ చైన్స్), జియో-ఎకనామిక్స్, ప్రపంచ దేశాల మధ్య సహకారం, సాంకేతికత, నూతన ఆవిష్కరణలు మరియు భవిష్యత్తు రంగాలు (ఫ్యూచర్ ఇండస్ట్రీ) వంటి విభిన్నమైన మరియు కీలక అంశాలపై చర్చలు నిర్వహించనున్నారు.
{{/usCountry}}రెండు రోజుల పాటు జరిగే ఈ భాగస్వామ్య సదస్సులో అంతర్జాతీయ వ్యాపారాలు, పరస్పర పెట్టుబడులు, అంతర్జాతీయ విలువ గొలుసులు (గ్లోబల్ వాల్యూ చైన్స్), జియో-ఎకనామిక్స్, ప్రపంచ దేశాల మధ్య సహకారం, సాంకేతికత, నూతన ఆవిష్కరణలు మరియు భవిష్యత్తు రంగాలు (ఫ్యూచర్ ఇండస్ట్రీ) వంటి విభిన్నమైన మరియు కీలక అంశాలపై చర్చలు నిర్వహించనున్నారు.
{{/usCountry}}సదస్సు చివరి రోజు జరిగే ముగింపు సమావేశంలో భారత ఉపరాష్ట్రపతి, ఆంధ్రప్రదేశ్ ముఖ్యమంత్రి చంద్రబాబు , రాష్ట్ర గవర్నర్ ఎస్. అబ్దుల్ నజీర్ పాల్గొని ఈ అంతర్జాతీయ సమావేశాన్ని ముగించనున్నారు.
సదస్సు ఏర్పాట్లపై సీఎస్ సమీక్ష…
అంతర్జాతీయ స్థాయి సదస్సు కావడం, అనేక దేశాల మంత్రులు, పారిశ్రామిక వేత్తలు తరలివస్తుండటంతో ఏర్పాట్లలో ఎలాంటి లోటుపాట్లు ఉండకూడదని ప్రభుత్వం ఆదేశించింది. ఈ నేపథ్యంలో సదస్సు నిర్వహణ, భద్రత, రవాణా, వసతి తదితర ఏర్పాట్లను ఆంధ్రప్రదేశ్ ప్రభుత్వ ప్రధాన కార్యదర్శి జి. సాయిప్రసాద్ అమరావతిలో సమీక్షించారు. కట్టుదిట్టమైన భద్రతతో పాటు అంతర్జాతీయ ప్రతినిధులకు ఎలాంటి ఇబ్బందులు కలగకుండా ఏర్పాట్లు పూర్తి చేయాలని అధికారులను ఆదేశించారు.