ఆంధ్రప్రదేశ్ రాష్ట్రంలో గ్రామీణ మౌలిక వసతుల కల్పన, పల్లెల పురోగతి లక్ష్యంగా కూటమి ప్రభుత్వం పల్లె పండుగ 3.0 కార్యక్రమాన్ని అత్యంత వైభవంగా ప్రారంభించింది. నెల్లూరు జిల్లా ఉదయగిరి నియోజకవర్గం వరికుంటపాడు మండలం రామాపురంలో ఏర్పాటు చేసిన బహిరంగ సభలో ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కల్యాణ్ రూ. 11,085 కోట్ల విలువైన అభివృద్ధి పనులకు శంకుస్థాపనలు చేశారు.
కేంద్రం అండదండలతో రాష్ట్రంలో డబుల్ ఇంజిన్ ప్రభుత్వం జెట్ స్పీడ్తో అభివృద్ధి పథంలో దూసుకెళ్తోందని ఈ సందర్భంగా ముఖ్యమంత్రి చంద్రబాబు వ్యాఖ్యానించారు. బహిరంగ సభలో మాట్లాడిన ముఖ్యమంత్రి చంద్రబాబు నాయుడు.. 'రూ. 11,085 కోట్ల నిధులతో చేపట్టే పల్లె పండుగ 3.0 కార్యక్రమం ద్వారా మన పల్లెల్లో కొత్త వెలుగులు రాబోతున్నాయి. గ్రామీణాభివృద్ధి, పంచాయతీరాజ్ శాఖల మంత్రిగా ఉప ముఖ్యమంత్రి పవన్ కల్యాణ్ ప్రతిక్షణం పరితపిస్తూ అనేక మార్పులు తీసుకువచ్చారు. ప్రణాళికాబద్ధంగా కార్యక్రమాలను నిర్వహిస్తూ నిత్యం పర్యవేక్షిస్తున్నారు.' అని చంద్రబాబు అన్నారు.
రాష్ట్రంలోని ప్రతీ గ్రామంలో తాగునీటి సరఫరా, సీసీ, బీటీ రోడ్ల నిర్మాణం, డ్రైనేజీలు, వీధిలైట్ల ఏర్పాటు ప్రాధాన్యతగా సాగుతోందన్నారు చంద్రబాబు. దుర్భర వర్షాభావ పరిస్థితులు ఎదుర్కొంటున్న ఉదయగిరి ప్రాంతాన్ని పండ్లతోటల హబ్గా తీర్చిదిద్దుతామని, ఇక్కడి నుంచే గ్రామీణ నవోదయానికి నాంది పలికామని చంద్రబాబు పేర్కొన్నారు.
ఎన్ని ఆర్థిక కష్టాలు ఉన్నప్పటికీ సూపర్ సిక్స్ హామీలతోపాటు తల్లికి వందనం, స్త్రీశక్తి ఉచిత బస్సు ప్రయాణ పథకాల ద్వారా మహిళలకు అండగా నిలిచామని చంద్రబాబు గుర్తుచేశారు. గ్రామాల్లో స్థానిక అవసరాలకు అనుగుణంగా మౌలిక సదుపాయాలు మెరుగుపరచడం, పాడి రైతులు, వ్యవసాయదారులకు మద్దతుగా నిలవడమే ఈ కార్యక్రమం ముఖ్య ఉద్దేశం అన్నారు.
పల్లెపండుగలో భాగంగా గ్రామీణ ప్రాంతాల్లో రవాణా సౌకర్యాల మెరుగుదలకు ప్రభుత్వం కృషి చేస్తోంది. ఈ కార్యక్రమంలో భాగంగా కొత్త పంచాయతీ భవనాలు, గ్రామ బస్ షెల్టర్ల నిర్మాణం చేపడతారు. పాడి రైతుల ప్రయోజనార్థం మినీ గోకులాలు (పశువుల పాకలు), పశువుల తాగునీటి తొట్టెలు, పొలాల్లో పంట కుంటలు, మ్యాజిక్ డ్రెయిన్లు నిర్మించనున్నారు. వేలాది ఎకరాల్లో ఉద్యానవన పంటల సాగుకు ప్రోత్సాహం అందిస్తారు.
{{/usCountry}}పల్లెపండుగలో భాగంగా గ్రామీణ ప్రాంతాల్లో రవాణా సౌకర్యాల మెరుగుదలకు ప్రభుత్వం కృషి చేస్తోంది. ఈ కార్యక్రమంలో భాగంగా కొత్త పంచాయతీ భవనాలు, గ్రామ బస్ షెల్టర్ల నిర్మాణం చేపడతారు. పాడి రైతుల ప్రయోజనార్థం మినీ గోకులాలు (పశువుల పాకలు), పశువుల తాగునీటి తొట్టెలు, పొలాల్లో పంట కుంటలు, మ్యాజిక్ డ్రెయిన్లు నిర్మించనున్నారు. వేలాది ఎకరాల్లో ఉద్యానవన పంటల సాగుకు ప్రోత్సాహం అందిస్తారు.
{{/usCountry}}ఈ కార్యక్రమం గ్రామీణ మౌలిక సదుపాయాలను బలోపేతం చేయడం, రైతులకు, పాడి ఉత్పత్తిదారులకు మద్దతు ఇవ్వడం, గ్రామాల్లో ప్రాథమిక సౌకర్యాలను మెరుగుపరచడంపై దృష్టి సారిస్తుంది. పల్లె పండుగ 1.0 కింద పంచాయతీ రాజ్, గ్రామీణాభివృద్ధి శాఖ 4,000 కిలోమీటర్ల సీసీ రోడ్లను నిర్మించింది. 22,514 పశువుల షెడ్లు, 21,000 వ్యవసాయ చెరువులను నిర్మించింది. 64,000 ఎకరాల్లో ఉద్యానవన మొక్కలను నాటింది.
పల్లె పండుగ 2.0 కింద, 2,500 కిలోమీటర్ల సీసీ రోడ్లు, 8,300 కిలోమీటర్ల బీటీ రోడ్లు, 15,750 పశువుల షెడ్లు, 15,500 పశువుల నీటి తొట్టెలు, 86,000 వ్యవసాయ చెరువులు, 82,000 వ్యక్తిగత ఇంకుడు గుంతలు, 32 కిలోమీటర్ల మ్యాజిక్ డ్రెయిన్ల పనులు చేపట్టారు.