బంగాళాఖాతంలో ఏర్పడిన తీవ్ర అల్పపీడనం మురాసు(Murasu) తుపానుగా బలపడింది. భారత వాతావరణ శాఖ (IMD) తాజా బులెటిన్‌లో బంగాళాఖాతంలో మురసు తుపాను ఏర్పడిందని, ఇది నవంబర్ 3న ఆంధ్రప్రదేశ్ తీరాన్ని తాకే అవకాశం ఉందని పేర్కొంది.
భారతదేశం నామకరణం చేసిన ఈ మురసు తుపాను మరింత బలపడి అత్యంత తీవ్ర తుపానుగా మారనుంది. ఇది నవంబర్ 3 ఉదయానికి నెల్లూరు-నరసాపురం మధ్య ఆంధ్రప్రదేశ్ తీరాన్ని దాటే అవకాశం ఉంది. అప్పుడు గాలి వేగం గంటకు 100-110 కిలోమీటర్లుగా, గరిష్టంగా 120 కిలోమీటర్ల వేగంతో వీచే అవకాశం ఉందని వాతావరణ శాఖ తెలిపింది.
అక్టోబర్ 28న అర్నబ్ తుపాను తీరాన్ని తాకి, ఇళ్లకు నష్టం కలిగించి, చెట్లను కూల్చివేసి, పలు ప్రాంతాల్లో విద్యుత్ సరఫరాకు అంతరాయం కలిగించిన వారం లోపే ఆంధ్రప్రదేశ్ మరో తుపాను ముప్పును ఎదుర్కొంటోంది. బంగాళాఖాతంలో ఏర్పడిన కొత్త తుపాను నవంబర్ 3, మంగళవారం నాడు ఆంధ్రప్రదేశ్ తీరాన్ని సమీపించేలోపు తీవ్రమైన తుపానుగా మారే అవకాశం ఉంది.
తీరప్రాంత జిల్లాల వ్యాప్తంగా బలమైన గాలులు, భారీ నుంచి అతి భారీ వర్షాలు కురుస్తాయని భారత వాతావరణ శాఖ హెచ్చరించడంతో, అధికారులు సన్నాహాలను ముమ్మరం చేశారు. మురసు అంటే తమిళంలో డ్రమ్ అని అర్థం. వాతావరణ శాఖ అంచనా ప్రకారం నవంబర్ 2న పశ్చిమ-మధ్య బంగాళాఖాతంలో తీవ్ర తుఫానుగా మారే అవకాశం ఉంది. ఈ తుపాను దక్షిణ ఆంధ్రప్రదేశ్ తీరం వైపు కదులుతూ మంగళవారం ఉదయం నెల్లూరు, నరసాపురం మధ్య తీరం దాటుతుందని ఐఎండీ అంచనా వేసింది.
తుపాను కారణంగా రాబోయే మూడు రోజుల్లో కోస్తా ఆంధ్రప్రదేశ్, రాయలసీమ ప్రాంతాల్లో విస్తారంగా వర్షాలు కురిసే అవకాశం ఉంది. ఆంధ్రప్రదేశ్ రాష్ట్ర విపత్తు నిర్వహణ అథారిటీ ప్రకారం, సోమవారం, మంగళవారం పలు జిల్లాల్లో భారీ నుంచి అతి భారీ వర్షాలు కురిసే అవకాశం ఉంది.
ఆదివారం కృష్ణా, గుంటూరు, బాపట్ల, ప్రకాశం, మార్కాపురం, నెల్లూరులో ఓ మోస్తరు నుంచి భారీ వర్షాలు కురుస్తాయని పేర్కొంది. ఏలూరు, పశ్చిమగోదావరి, ఎన్టీఆర్, కృష్ణా, గుంటూరు, బాపట్ల, పల్నాడు, ప్రకాశం, మార్కాపురం, నెల్లూరు, తిరుపతి జిల్లాల్లో సోమవారం నుంచి వర్షాలు మరింత పెరిగే అవకాశం ఉంది. విశాఖపట్నం, అనకాపల్లి, విజయనగరం, కర్నూలు, నంద్యాల, కడప, అన్నమయ్య, నెల్లూరు, చిత్తూరు, తిరుపతి తదితర ప్రాంతాల్లో మంగళవారం అతి భారీ వర్షాలు కురిసే అవకాశం ఉంది.
{{/usCountry}}ఆదివారం కృష్ణా, గుంటూరు, బాపట్ల, ప్రకాశం, మార్కాపురం, నెల్లూరులో ఓ మోస్తరు నుంచి భారీ వర్షాలు కురుస్తాయని పేర్కొంది. ఏలూరు, పశ్చిమగోదావరి, ఎన్టీఆర్, కృష్ణా, గుంటూరు, బాపట్ల, పల్నాడు, ప్రకాశం, మార్కాపురం, నెల్లూరు, తిరుపతి జిల్లాల్లో సోమవారం నుంచి వర్షాలు మరింత పెరిగే అవకాశం ఉంది. విశాఖపట్నం, అనకాపల్లి, విజయనగరం, కర్నూలు, నంద్యాల, కడప, అన్నమయ్య, నెల్లూరు, చిత్తూరు, తిరుపతి తదితర ప్రాంతాల్లో మంగళవారం అతి భారీ వర్షాలు కురిసే అవకాశం ఉంది.
{{/usCountry}}సముద్రపు పరిస్థితులు చాలా కఠినంగా మారే అవకాశం ఉన్నందున, బుధవారం వరకు బంగాళాఖాతంలోకి వెళ్లవద్దని అధికారులు మత్స్యకారులకు సూచించారు. బలమైన గాలులు, భారీ వర్షాలు కూడా కురిసే అవకాశం ఉంది. రాష్ట్ర యంత్రాంగం తుపాను కదలికలను పర్యవేక్షిస్తోంది. తీరప్రాంతాల్లోని ప్రజలు అధికారిక హెచ్చరికలను ఫాలో కావాలని అధికారులు కోరారు.