బంగాళాఖాతంలో ఉపరితల ఆవర్తనం కారణంగా ఆంధ్రప్రదేశ్ వాతావరణంలో వేగంగా మార్పులు చోటుచేసుకుంటున్నాయి. రాష్ట్రవ్యాప్తంగా పలు ప్రాంతాల్లో వాతావరణం ఒక్కసారిగా చల్లబడి వర్షాలు ప్రారంభమవగా, రానున్న కొద్ది గంటలు అత్యంత కీలకమని వాతావరణ శాఖ హెచ్చరించింది. తీరప్రాంత జిల్లాల్లో ఉరుములు, మెరుపులతో కూడిన బలమైన ఈదురుగాలులు వీచే అవకాశం ఉండటంతో అధికారులు ముందస్తు భద్రతా చర్యలు చేపట్టారు.
కాకినాడ, డాక్టర్ బి.ఆర్. అంబేడ్కర్ కోనసీమ జిల్లాల్లో రాబోయే మూడు గంటల వ్యవధిలో ప్రతికూల వాతావరణం నెలకొనే అవకాశం ఉందని అధికారులు ప్రకటించారు. ఈ రెండు జిల్లాల పరిధిలోని ప్రజలను హెచ్చరిస్తూ వాతావరణ శాఖ ఆరెంజ్ అలర్ట్ జారీ చేసింది. ముఖ్యంగా అమలాపురం, కాట్రెనికోనతో పాటు పరిసర ప్రాంతాల్లో బలమైన ఈదురుగాలులతో కూడిన మోస్తరు నుంచి భారీ వర్షాలు కురిసే అవకాశం ఉంది.
ఆకాశం నిండా దట్టమైన మబ్బులు కమ్ముకుని, పిడుగులు పడే తీవ్రత ఎక్కువగా ఉందని అధికారులు హెచ్చరించారు. రైతులు, పశుకాపరులు తీవ్ర అప్రమత్తత పాటించాలని వెల్లడించారు. వాతావరణ అత్యవసర పరిస్థితుల నేపథ్యంలో రాష్ట్ర విపత్తుల నిర్వహణ సంస్థ మేనేజింగ్ డైరెక్టర్ ప్రఖర్ జైన్ ప్రజలకు పలు కీలక సూచనలు చేశారు. పిడుగుల ముప్పు తీవ్రంగా ఉండే అవకాశం ఉన్నందున ప్రయాణాలు చేసేవారు, పొలాల్లో పనిచేసేవారు జాగ్రత్తలు తప్పనిసరిగా పాటించాలన్నారు.
ఉరుములు, మెరుపుల నేపథ్యంలో వెంటనే వ్యవసాయ క్షేత్రాల్లో పనిచేసే రైతులు, కూలీలు, పశువుల కాపరులు తక్షణమే పనులను నిలిపివేసి సురక్షిత ప్రాంతాల్లోకి వెళ్లాలి. వర్షం పడే సమయంలో బహిరంగ ప్రదేశాలు, పెద్ద చెట్లు, పాత గోడలు, విద్యుత్ స్తంభాలు, హోర్డింగ్‌లు, నివాసయోగ్యం కాని పాత భవనాల కింద నిలబడకూడదు.
ఉరుముల సమయాల్లో మొబైల్ ఫోన్లు, ఎలక్ట్రానిక్ వస్తువులను బహిరంగ ప్రదేశాల్లో ఉపయోగించడం ప్రమాదకరం. ఇప్పటికే కోస్తాంధ్ర, రాయలసీమల్లోని అనేక ప్రాంతాల్లో తేలికపాటి నుంచి మోస్తరు వర్షాలు నమోదువుతున్నాయి. కొన్ని ప్రాంతాల్లో గంటకు 30 నుంచి 40 కిలోమీటర్ల వేగంతో ఈదురుగాలులు వీస్తుండటంతో చెట్ల కొమ్మలు, విద్యుత్ వైర్లు తెగిపడే ప్రమాదం పొంచి ఉంది. వాతావరణంలో సంభవిస్తున్న ఈ అకస్మాత్తు మార్పుల దృష్ట్యా మత్స్యకారులు కూడా సముద్రంలో వేటకు వెళ్లేముందు అధికారుల ముందస్తు సమాచారాన్ని పరిశీలించుకోవాలని విపత్తుల నిర్వహణ సంస్థ విజ్ఞప్తి చేసింది. అత్యవసర సహాయం లేదా సమాచారం కోసం స్థానిక మండల పరిషత్ లేదా కలెక్టరేట్ కంట్రోల్ రూమ్లను సంప్రదించాలని సూచించారు.
{{/usCountry}}ఉరుముల సమయాల్లో మొబైల్ ఫోన్లు, ఎలక్ట్రానిక్ వస్తువులను బహిరంగ ప్రదేశాల్లో ఉపయోగించడం ప్రమాదకరం. ఇప్పటికే కోస్తాంధ్ర, రాయలసీమల్లోని అనేక ప్రాంతాల్లో తేలికపాటి నుంచి మోస్తరు వర్షాలు నమోదువుతున్నాయి. కొన్ని ప్రాంతాల్లో గంటకు 30 నుంచి 40 కిలోమీటర్ల వేగంతో ఈదురుగాలులు వీస్తుండటంతో చెట్ల కొమ్మలు, విద్యుత్ వైర్లు తెగిపడే ప్రమాదం పొంచి ఉంది. వాతావరణంలో సంభవిస్తున్న ఈ అకస్మాత్తు మార్పుల దృష్ట్యా మత్స్యకారులు కూడా సముద్రంలో వేటకు వెళ్లేముందు అధికారుల ముందస్తు సమాచారాన్ని పరిశీలించుకోవాలని విపత్తుల నిర్వహణ సంస్థ విజ్ఞప్తి చేసింది. అత్యవసర సహాయం లేదా సమాచారం కోసం స్థానిక మండల పరిషత్ లేదా కలెక్టరేట్ కంట్రోల్ రూమ్లను సంప్రదించాలని సూచించారు.
{{/usCountry}}