గెలుపు తలుపు తట్టిన వేళ ఆ ఇంట్లో సంతోషం ఉప్పొంగాలి. పార్టీ శ్రేణుల్లో పండగ వాతావరణం కనిపించాలి. కానీ ఆ ఊరిలో మాత్రం నిశ్శబ్దం ఆవరించింది. ప్రజలకు సేవ చేయాలనే తపనతో స్థానిక సంస్థల ఎన్నికల బరిలో నిలిచిన ఒక యువ మహిళా నాయకురాలు ఫలితాలు వెలువడే సమయానికి అనంత లోకాలకు తరలిపోయారు. ప్రజామోదం లభించి మెజారిటీ సాధించినా….. ఆ విజయాన్ని కళ్లారా చూసుకోలేక ఆమె కన్నుమూయడం తూర్పుగోదావరి జిల్లాలో తీవ్ర శోకసంద్రం నింపింది.
తూర్పుగోదావరి జిల్లా దేవరపల్లి మండలం ధుమంతునిగూడెం గ్రామానికి చెందిన గారపాటి దివ్య (28) స్థానిక సంస్థల ఎన్నికల్లో జనసేన పార్టీ తరఫున ఎంపీటీసీ అభ్యర్థిగా పోటీ చేశారు. ప్రచారంలో చురుగ్గా పాల్గొంటూ, గ్రామాభివృద్ధికి శ్రమిస్తానని ఇంటింటికీ తిరిగి ఓట్లను అభ్యర్థించారు. ఆమె ఉత్సాహాన్ని, సేవా గుణాన్ని గుర్తించిన గ్రామస్థులు పెద్ద సంఖ్యలో మద్దతు తెలిపారు.
అయితే విధి ఆడిన వింత నాటకంలో ఆమె ప్రాణాలు కోల్పోయింది. ఎన్నికల పోలింగ్ ముగిసి కౌంటింగ్ ప్రారంభం కావడానికి కొద్దిసేపటి ముందే దివ్య హఠాత్తుగా గుండెపోటుకు గురై మరణించారు. అప్పటివరకు తమ మధ్య చిరునవ్వుతో మెలిగిన యువ నేత హఠాన్మరణంతో కుటుంబ సభ్యులు, జనసేన శ్రేణులు తీవ్ర దిగ్భ్రాంతికి గురయ్యారు.
మరణంలోనూ విజయం..
ఇవాళ ఉదయం నుంచి జరగుతున్న ఎన్నికల కౌంటింగ్ ఫలితాల్లో దివ్య ఘన విజయం సాధించినట్లు వెల్లడైంది. ప్రత్యర్థి అయిన అధికార వైసీపీ అభ్యర్థిపై ఏకంగా 352 ఓట్ల భారీ మెజారిటీతో ఆమె గెలుపొందారు. అధికారులు ఆమె విజయాన్ని అధికారికంగా ప్రకటించారు.
అయితే ఈ విజయం గ్రామంలో సంతోషాన్ని తీసుకురావడానికి బదులు మరింత శోకాన్ని మిగిల్చింది. గెలుపు వార్త తెలిసిన తర్వాత ధుమంతునిగూడెంలో ఆనందోత్సాహాల కంటే తీవ్ర విషాదమే నిండిపోయింది. ఎన్నికల ప్రచారంలో రాత్రింబవళ్లు తమ వెంట నడిచిన అభ్యర్థి, ఇప్పుడు తమ మధ్య లేరనే నిజాలాన్ని స్థానికులు జీర్ణించుకోలేకపోతున్నారు.
దివ్యది ప్రేమ వివాహం. ఆమెకు ఐదేళ్లు, మూడు నెలల వయసున్న ఇద్దరు చిన్నారి కుమారులు ఉన్నారు. తల్లి ప్రేమకు నోచుకోవాల్సిన అంత చిన్న వయసులోనే ఆ పసిపాపలు అమ్మను కోల్పోవడం ప్రతి ఒక్కరినీ కంటతడి పెట్టిస్తోంది. 28 ఏళ్ల చిన్న వయసులోనే దివ్య మృతి చెందడం…. పసికందులను విడిచి వెళ్లడం కుటుంబ సభ్యులను తేరుకోలేని దెబ్బ తీసింది.
{{/usCountry}}దివ్యది ప్రేమ వివాహం. ఆమెకు ఐదేళ్లు, మూడు నెలల వయసున్న ఇద్దరు చిన్నారి కుమారులు ఉన్నారు. తల్లి ప్రేమకు నోచుకోవాల్సిన అంత చిన్న వయసులోనే ఆ పసిపాపలు అమ్మను కోల్పోవడం ప్రతి ఒక్కరినీ కంటతడి పెట్టిస్తోంది. 28 ఏళ్ల చిన్న వయసులోనే దివ్య మృతి చెందడం…. పసికందులను విడిచి వెళ్లడం కుటుంబ సభ్యులను తేరుకోలేని దెబ్బ తీసింది.
{{/usCountry}}ఎన్నికల్లో ప్రజాదరణ పొంది విజయం సాధించినా, ఆ గెలుపు సంబరాన్ని పంచుకోవడానికి దివ్య భౌతికంగా లేకపోవడం ధుమంతునిగూడెం వాసులను కన్నీటి పర్యంతం చేస్తోంది. ఒక మంచి నాయకురాలిని కోల్పోయామని గ్రామానికి చెందిన స్థానికులు తీవ్ర ఆవేదన వ్యక్తం చేస్తున్నారు. పలు పార్టీల నేతల సంతాపాన్ని వ్యక్తం చేశారు.