ఆంధ్రప్రదేశ్లోని పాఠశాల విద్యార్థుల ఆరోగ్య భద్రత, ప్రత్యేక అవసరాల గుర్తింపు దిశగా ప్రభుత్వం ఒక కీలక నిర్ణయం తీసుకుంది. రాష్ట్రంలోని ప్రభుత్వ, స్థానిక సంస్థల, ఎయిడెడ్, ప్రైవేట్ పాఠశాలల్లో చదువుతున్న విద్యార్థులందరికీ ‘ప్రశస్త్ 2.0’ (Prashast 2.0) మొబైల్ యాప్ ద్వారా తప్పనిసరిగా స్క్రీనింగ్ పరీక్షలు నిర్వహించనున్నట్లు సమగ్ర శిక్షా రాష్ట్ర ప్రాజెక్ట్ డైరెక్టర్ (SPD) బి. శ్రీనివాసరావు ప్రకటించారు. పిల్లల్లో ఉండే 21 రకాల దివ్యాంగత్వాలను(Disabilities) ప్రాథమిక దశలోనే గుర్తించేందుకు ఈ అప్గ్రేడెడ్ యాప్ను ఉపయోగించనున్నారు.
కేంద్ర విద్యా మంత్రిత్వ శాఖ ఆదేశాల మేరకు 2026-27 విద్యాసంవత్సరానికి గానూ ఈ కార్యక్రమాన్ని అమలు చేస్తున్నట్లు శ్రీనివాసరావు తెలిపారు. దీనిద్వారా ప్రత్యేక అవసరాలు కలిగిన పిల్లలను ముందస్తుగానే గుర్తించి, వారికి తగిన విద్యాపరమైన మద్దతు, వైద్య సహాయం అందించడానికి వీలవుతుందని ఆయన పేర్కొన్నారు.
‘ప్రశస్త్ 2.0’ యాప్ను యుడైస్ ప్లస్ (UDISE+) తో అనుసంధానించడం వల్ల స్క్రీనింగ్, పర్యవేక్షణ, గుర్తింపు ప్రక్రియ మరింత పారదర్శకంగా, క్రమబద్ధంగా మారుతుందని ఎస్పీడీ వివరించారు. తమ పాఠశాలల్లో నమోదైన ఏ ఒక్క విద్యార్థి కూడా మిస్ అవ్వకుండా, 100 శాతం స్క్రీనింగ్ పూర్తి చేసేలా ప్రధానోపాధ్యాయులు వ్యక్తిగతంగా పర్యవేక్షించాలని ఆదేశించారు.
కీలక మార్గదర్శకాలు
అన్ని రకాల పాఠశాల యాజమాన్యాల పరిధిలోని ప్రధానోపాధ్యాయులు, ఉపాధ్యాయులు, స్పెషల్ ఎడ్యుకేషన్ స్కూల్ అసిస్టెంట్లు, భవిత కేంద్రాల్లో పనిచేస్తున్న ఐఈఆర్పీలు వెంటనే ప్రశస్త్ యాప్లో రిజిస్ట్రేషన్, యాక్టివేషన్ పూర్తి చేయాలి.
క్లాస్ టీచర్లు అందరూ తమ తరగతిలోని ప్రతి విద్యార్థికి 'పార్ట్-1' స్క్రీనింగ్ను పూర్తి చేయాలి. ఈ ఫలితాల ఆధారంగా, అవసరమైన చోట స్పెషల్ ఎడ్యుకేటర్లు, భవిత కేంద్రాల సిబ్బంది యాప్ నిబంధనల ప్రకారం 'పార్ట్-2' స్క్రీనింగ్ను నిర్వహిస్తారు.
యాప్ను సమర్థవంతంగా ఉపయోగించడంపై ఉపాధ్యాయులు, ప్రత్యేక ఉపాధ్యాయులు, ఇతర భాగస్వాములకు జిల్లా స్థాయిలో అవగాహన, శిక్షణా కార్యక్రమాలను నిర్వహించాలని జిల్లా విద్యాశాఖాధికారులు, అదనపు ప్రాజెక్ట్ కోఆర్డినేటర్లను ఆదేశించారు.
టైమ్లైన్
{{/usCountry}}యాప్ను సమర్థవంతంగా ఉపయోగించడంపై ఉపాధ్యాయులు, ప్రత్యేక ఉపాధ్యాయులు, ఇతర భాగస్వాములకు జిల్లా స్థాయిలో అవగాహన, శిక్షణా కార్యక్రమాలను నిర్వహించాలని జిల్లా విద్యాశాఖాధికారులు, అదనపు ప్రాజెక్ట్ కోఆర్డినేటర్లను ఆదేశించారు.
టైమ్లైన్
{{/usCountry}}ఈ స్క్రీనింగ్ ప్రక్రియను నిర్ణీత గడువులోగా పూర్తి చేయడానికి ఎస్పీడీ శ్రీనివాసరావు ఒక నిర్దిష్టమైన టైమ్లైన్ను ప్రకటించారు. జూన్ - జూలైలోపు హెచ్ఎంలు, ప్రిన్సిపాల్స్ ద్వారా ఇన్స్టిట్యూషనల్/అడ్మిన్ లాగిన్ల సృష్టి, యాక్టివేషన్ చేయాలి. ఆగస్టు వరకు క్లాస్ టీచర్లు, స్పెషల్ ఎడ్యుకేటర్ల ద్వారా మ్యాపింగ్, అసైన్మెంట్ ప్రక్రియ పూర్తి చేయాలి. సెప్టెంబరు వరకు సాధారణ ఉపాధ్యాయుల ద్వారా విద్యార్థులందరికీ 'పార్ట్-1' స్క్రీనింగ్ పూర్తి చేయించాలి. అక్టోబరు వరకు అవసరమైన విద్యార్థులకు స్పెషల్ ఎడ్యుకేటర్ల ద్వారా 'పార్ట్-2' స్క్రీనింగ్ కంప్లీట్ చేయాల్సి ఉంటుంది.
ఈ వినూత్న కార్యక్రమం ద్వారా అంగవైకల్యం లేదా ప్రత్యేక అవసరాలు ఉన్న పిల్లలను సకాలంలో గుర్తించి, వారి ఉజ్వల భవిష్యత్తుకు అవసరమైన పునాది వేయవచ్చని విద్యాశాఖ భావిస్తోంది.