ఆంధ్రప్రదేశ్ ప్రభుత్వ మహిళాభివృద్ధి శిశు సంక్షేమ మరియు సాధికారత విభాగం శ్రీ సత్యసాయి జిల్లా పరిధిలోని అంగన్వాడీ కేంద్రాలలో ఖాళీగా ఉన్న అంగన్వాడీ హెల్పర్ పోస్టుల భర్తీకి నోటిఫికేషన్ విడుదల చేసింది. జిల్లాలోని పుట్టపర్తి, ఓబులదేవ చెరువ, నల్లచెరువు ఐసీడీఎస్ ప్రాజెక్టుల పరిధిలో మొత్తం 129 పోస్టులను భర్తీ చేయనున్నారు.
- ఓబులదేవ చెరువు ప్రాజెక్ట్: 95 పోస్టులు
- పుట్టపర్తి ప్రాజెక్ట్: 33 పోస్టులు
- నల్లచెరువు ప్రాజెక్ట్: 1 పోస్టు
ఈ పోస్టులకు దరఖాస్తు చేసుకునే మహిళా అభ్యర్థులు కనీసం 10వ తరగతి ఉత్తీర్ణులై ఉండాలి. అభ్యర్థులు ఆంధ్రప్రదేశ్ ఓపెన్ స్కూల్ సొసైటీ ద్వారా పాస్ అయి ఉంటే టీసీ లేదా స్టడీ సర్టిఫికెట్ జతపరచడం తప్పనిసరి. 01-07-2026 నాటికి అభ్యర్థుల వయస్సు 21 సంవత్సరాల నుండి 35 సంవత్సరాల లోపు ఉండాలి. అభ్యర్థులు తప్పనిసరిగా వివాహితులై ఉండాలి. సదరు అంగన్వాడీ కేంద్రం ఉన్న గ్రామ పంచాయతీ పరిధిలో స్థానిక నివాసి అయి ఉండాలి. ఎంపిక ప్రక్రియలో సిడిపిఓ నిర్వహించే తెలుగు డిక్టేషన్ పరీక్షలో అభ్యర్థులు తప్పనిసరిగా పాస్ కావాల్సి ఉంటుంది.
ఎంపికైన అంగన్వాడీ కార్యకర్తలకు నెలకు రూ. 11,500, అంగన్వాడీ సహాయకులకు నెలకు రూ. 7,000 చొప్పున గౌరవ వేతనం చెల్లిస్తారు. కేంద్రాల వారీగా రూల్ ఆఫ్ రిజర్వేషన్ వివరాలను ఆయా ఐసీడీఎస్ ప్రాజెక్టు కార్యాలయాల నోటీసు బోర్డులలో అందుబాటులో ఉంచారు. పిల్లల శ్రేయస్సు దృష్ట్యా అంగన్వాడీ వర్కర్, హెల్పర్ పోస్టులలో అంధత్వం, వినికిడి లోపం, ఆటిజం, మేధో వైకల్యం ఉన్నవారికి కొన్ని రోస్టర్ పాయింట్ల ప్రకారం రిజర్వేషన్ల మినహాయింపులు ఉంటాయి.
అర్హులైన మహిళా అభ్యర్థులు నిర్ణీత ప్రొఫార్మా దరఖాస్తులను ఓబులదేవ చెరువు, పుట్టపర్తి, నల్లచెరువు ప్రాజెక్టు కార్యాలయాల నుండి పొందవచ్చు. పూర్తి చేసిన దరఖాస్తులను తిరిగి సంబంధిత ఐసీడీఎస్ ప్రాజెక్టు కార్యాలయంలోనే 17-07-2026 సాయంత్రం 5:00 గంటల లోపు సమర్పించి రశీదు పొందాలి.
{{/usCountry}}అర్హులైన మహిళా అభ్యర్థులు నిర్ణీత ప్రొఫార్మా దరఖాస్తులను ఓబులదేవ చెరువు, పుట్టపర్తి, నల్లచెరువు ప్రాజెక్టు కార్యాలయాల నుండి పొందవచ్చు. పూర్తి చేసిన దరఖాస్తులను తిరిగి సంబంధిత ఐసీడీఎస్ ప్రాజెక్టు కార్యాలయంలోనే 17-07-2026 సాయంత్రం 5:00 గంటల లోపు సమర్పించి రశీదు పొందాలి.
{{/usCountry}}దరఖాస్తుతో పాటు తహశీల్దార్ జారీ చేసిన కుల, నివాస ధృవీకరణ పత్రాలు, 10వ తరగతి మార్కుల మెమో, ఆధార్ కార్డ్, వికలాంగత్వ పత్రం (వర్తిస్తే), ఇటీవల తీసిన ఫోటోపై సంతకం చేసి గెజిటెడ్ అధికారితో ధృవీకరించి (అటెస్టెడ్) జతపరచాలి. మరింత సమాచారం కోసం అధికారిక వెబ్సైట్ https://srisathyasai.ap.gov.in/ ను సంప్రదించవచ్చు.