RGUKT Admissions 2026 : ఏపీలోని ట్రిపుల్ ఐటీల్లో పీయూసీ, బీటెక్ అడ్మిషన్లు.. నోటిఫికేషన్ విడుదల

RGUKT Admissions 2026 : రాజీవ్‌గాంధీ విజ్ఞాన, సాంకేతిక విశ్వవిద్యాలయం (RGUKT) పరిధిలోని నాలుగు ట్రిపుల్‌ఐటీ(IIIT) క్యాంపస్‌లలో 2026-27 విద్యా సంవత్సరానికి సంబంధించి ఆరేళ్ల సమీకృత బీటెక్ ప్రవేశాల నోటిఫికేషన్ విడుదలైంది. విద్యార్థులు ముఖ్యమైన తేదీలు చూసుకుని ఫాలో అవ్వాలి.

టెన్త్ పూర్తి కాగానే అత్యుత్తమ ప్రమాణాలతో ఇంజినీరింగ్ వైపు చదివేందుకు గోల్డెన్ ఛాన్స్ మీకోసం ఎదురుచూస్తోంది. ఏపీలోని నూజివీడు, ఆర్.కె వ్యాలీ, ఒంగోలు, శ్రీకాకుళం క్యాంపస్‌లలో 2026-27 విద్యా సంవత్సరానికి ప్రవేశ ప్రక్రియ షెడ్యూల్ ఖరారైంది.

ట్రిపుల్‌ ఐటీల్లో అడ్మిషన్లు (wikipedia)

సీట్ల వివరాలు

• మొత్తం సీట్లు: 4,400 (ఒక్కో క్యాంపస్‌లో 1,100 సీట్లు).
• ఈడబ్ల్యూఎస్‌ (EWS) కోటా కింద మరో 10 శాతం సీట్ల భర్తీ ఉంటుంది.

ప్రభుత్వ పాఠశాలల్లో చదివిన విద్యార్థులకు 4 శాతం 'డిప్రివేషన్ స్కోర్' అదనంగా కలిపి ప్రాధాన్యతనిస్తారు. అంటే పదో తరగతిలో విద్యార్థులు సాధించిన మార్కులకు అదనంగా 4 శాతం మార్కులు కలుపుతారు.

మొదటి రెండేళ్లు పీయూసీ (PUC) (M.P.C / M.Bi.P.C), ఆ తర్వాత నాలుగేళ్లు బీటెక్ ఉంటుంది. విద్యార్థులు కావాలనుకుంటే పీయూసీ తర్వాత బయటకు వెళ్లవచ్చు.

కోర్సుల వివరాలు

• కంప్యూటర్ సైన్స్ (CSE), సివిల్, మెకానికల్, ఎలక్ట్రికల్ (EEE), ఎలక్ట్రానిక్స్ (ECE).
• కొత్తగా 'ఏఐ అండ్ ఎంఎల్' (AI & ML) తో కూడిన కంప్యూటర్ సైన్స్ కోర్సు కూడా అందుబాటులో ఉంది.
• కెమికల్ అండ్ మెటలర్జికల్ కేవలం నూజివీడు, ఆర్.కె వ్యాలీ క్యాంపస్‌లలో మాత్రమే ఉన్నాయి.

ముఖ్యమైన తేదీలు

• దరఖాస్తు ప్రారంభం: మే 01, 2026
• దరఖాస్తుకు చివరి తేదీ: మే 30, 2026 (సాయంత్రం 5 గంటల వరకు)
• ఫలితాల ప్రకటన: జూన్ 12, 2026 (తాత్కాలిక మెరిట్ జాబితా)
• ధ్రువపత్రాల పరిశీలన: జూన్ 19 నుండి జూన్ 23 వరకు (క్యాంపస్‌ల వారీగా ఉంటుంది)
• నూజివీడు : 19-06-2026, 20-06-2026 వరకు.
• ఆర్కే వ్యాలీ(ఇడుపులపాయ): జూన్‌ 19, 20 తేదీలు.
• ఒంగోలు : జూన్‌ 22, 23.
• శ్రీకాకుళం : జూన్‌ 22, 23.

దరఖాస్తు ఫీజు

• ఎస్సీ (SC), ఎస్టీ (ST) విద్యార్థులకు: రూ. 250/-
• మిగిలిన వారికి: రూ. 400/-

ఎంపిక విధానం

పదో తరగతిలో సాధించిన మార్కుల (GPA) ఆధారంగానే సీట్ల కేటాయింపు ఉంటుంది. వయస్సు: 2026లో పదో తరగతి పూర్తి చేసిన వారై ఉండాలి. పోటీ ఏర్పడితే వయసులో పెద్దవారికి ప్రాధాన్యతనిస్తారు. అభ్యర్థులు తమకు ఇష్టమైన క్యాంపస్‌ను ముందే ఎంచుకోవాలి. ఒకసారి సీటు కేటాయిస్తే క్యాంపస్ మారడానికి వీలుండదు. రెండేళ్ల పీయూసీ పూర్తయ్యాక, బయటకు వెళ్లాలనుకునే విద్యార్థులకు ఆ వెసులుబాటు కూడా ఉంది.

సర్టిఫికేట్ వెరిఫికేషన్ కోసం స్పెషల్ కేటగిరీ విద్యార్థులు (NCC, Sports, CAP, Scouts) జూన్ 5 నుండి 8 వరకు నూజివీడు క్యాంపస్‌కు హాజరుకావాల్సి ఉంటుంది.