Hyderabad-Mangalore : హైదరాబాద్-మంగళూరు స్పెషల్ రైళ్ల సర్వీసులు పొడిగింపు

Hyderabad-Mangalore Trains :ప్రయాణికులకు దక్షిణ మధ్య రైల్వే కీలక అప్డేట్ ఇచ్చింది. హైదరాబాద్ మంగళూరు సెంట్రల్ మధ్య నడిచే ప్రత్యేక రైళ్ల సర్వీసులను పొడిగిస్తున్నట్టుగా ప్రకటించింది.

పండగల సీజన్‌లో ప్రయాణికుల రద్దీని దృష్టిలో ఉంచుకుని దక్షిణ మధ్య రైల్వే ప్రయాణికులకు బిగ్ రిలీఫ్ ఇచ్చింది. హైదరాబాద్ - మంగళూరు సెంట్రల్ మధ్య నడుస్తున్న ప్రత్యేక రైళ్ల సర్వీసులను మరో 12 వారాల పాటు పొడిగిస్తున్నట్లు ప్రకటించింది. సెప్టెంబర్ నుంచి నవంబర్ వరకు ఈ సర్వీసులు అందుబాటులో ఉండనున్నాయి.

హైదరాబాద్-మంగళూరు ట్రైన్స్

07097 హైదరాబాద్ – మంగళూరు సర్వీస్ ప్రతి బుధవారం 09.09.2026 నుండి 25.11.2026 మధ్య నడుస్తుంది. మెుత్తం 12 సర్వీసులు ఉంటాయి.

07098మంగళూరు – హైదరాబాద్ నడుమ ప్రతీ గురువారం 10.09.2026 నుండి 26.11.2026 తేదీ దాకా 12 సర్వీసులు ఉంటాయి.

ముఖ్యమైన రైల్వే స్టేషన్లలో స్టాపేజీలు ఉంటాయి. ఈ ప్రత్యేక రైళ్లు రెండు వైపులా తెలుగు రాష్ట్రాలు, కర్ణాటక, తమిళనాడు, కేరళ రాష్ట్రాల్లోని పలు కీలక స్టేషన్లలో ఆగుతాయి. బేగంపేట్, లింగంపల్లి, వికారాబాద్, సేడం, యాద్గిర్, కృష్ణ, రాయచూర్, మంత్రాలయం రోడ్, గుంతకల్, అనంతపురం, ధర్మవరం, హిందూపూర్. యలహంక, కృష్ణరాజపురం, బంగారుపేట, కుప్పం, సేలం, ఈరోడ్, తిరుప్పూర్, పొదనూర్, పాలక్కాడ్, షోరనూర్, తిరూర్, కోజికోడ్, వటకర, తలస్సేరి, కణ్ణూర్, పయ్యన్నూర్, కాన్హంగాడ్, కాసరగోడ్‌లో ఆగుతుంది.

మంగళూరు – హైదరాబాద్ రైలు(07098) సమయాల్లో కొన్ని సవరణలు చేశారు. మారిన రైలు వేళలు ఈ క్రింది విధంగా ఉన్నాయి.

గుంతకల్: రాక సాయంత్రం 6:25 / బయలుదేరు సమయం సాయంత్రం 6:35

మంత్రాలయం రోడ్: రాత్రి 7:58 / బయలుదేరు సమయం 8:00

రాయచూర్: రాక రాత్రి 8:53 / బయలుదేరు సమయం 8:55

కృష్ణ: రాక రాత్రి 9:40 / బయలుదేరు సమయం 9:50

యాద్గిర్: రాక రాత్రి 10:28 / బయలుదేరు సమయం 10:30

సేడం: రాక రాత్రి 11:28 / బయలుదేరే సమయం 11:30

వికారాబాద్: రాక అర్ధరాత్రి 12:50 / బయలుదేరు సమయం 12:52

లింగంపల్లి: రాక తెల్లవారుజామున 01:33 / బయలుదేరు సమయం 01:35

బేగంపేట్: రాక 02:00 / బయలుదేరు సమయం 02:02

హైదరాబాద్ (నాంపల్లి): చేరే సమయం ఉదయం 04:00 గంటలకు.

ఈ ట్రైన్ మంగళూరు, అనంతపురం స్టేషన్ల మధ్య పాత టైమింగ్స్ ప్రకారమే నడుస్తుందని, ఎలాంటి మార్పు లేదని రైల్వే అధికారులు స్పష్టం చేశారు. ఐఆర్‌సీటిసీ వెబ్‌సైట్ లేదా యాప్ ద్వారా ప్రయాణికులు తమ టికెట్లను బుక్ చేసుకోవచ్చు.