Tirumala Srivari Brahmotsavam 2026 : కలియుగ ప్రత్యక్ష దైవం, ఏడుకొండలవాడైన తిరుమల శ్రీ వేంకటేశ్వరస్వామివారి సాలకట్ల బ్రహ్మోత్సవాలు బుధవారం అత్యంత భక్తిశ్రద్ధల నడుమ, వైభవంగా ముగిశాయి. గత తొమ్మిది రోజులుగా తిరుగిరులను ఆధ్యాత్మిక శోభతో ముంచెత్తిన ఈ ఉత్సవాలకు ముగింపు ఘట్టంగా చివరి రోజు ఉదయం శ్రీవారి పుష్కరిణిలో చక్రస్నానం (అవభృథం) మహోత్సవాన్ని కన్నులపండువగా నిర్వహించారు. ఈ పవిత్ర వేడుకను కళ్లారా వీక్షించి, పుష్కరిణి జలాల్లో పుణ్యస్నానాలు ఆచరించేందుకు దేశం నలుమూలల నుంచి విశేష సంఖ్యలో భక్తజనం తిరుమలకు పోటెత్తారు.
శాస్త్రోక్తంగా స్నపన తిరుమంజనం
చక్రస్నానానికి ముందుగా తెల్లవారుజామున 3 గంటల నుంచి 6 గంటల వరకు స్వామివారికి సర్వభూపాలకమైన పల్లకీ ఉత్సవాన్ని అత్యంత వైభవంగా నిర్వహించారు. అనంతరం ఉదయం 6 నుంచి 9 గంటల మధ్య శ్రీ భూవరాహస్వామివారి ఆలయ ముఖమండపం ప్రాంగణంలో శ్రీదేవి, భూదేవి సమేత శ్రీ మలయప్పస్వామివారితో పాటు శ్రీ సుదర్శన చక్రత్తాళ్వార్లకు స్నపన తిరుమంజన ఘట్టాన్ని వైఖానస ఆగమోక్తంగా పూర్తి చేశారు.
ఈ వేడుకలో భాగంగా అర్చకులు విష్వక్సేనారాధన, పుణ్యాహవచనం, ముఖప్రక్షాళన, ధూపదీప నైవేద్యం, ఛత్రచామరాది రాజోపచారాలను శాస్త్రోక్తంగా సమర్పించారు. అనంతరం పాలు, తేనె, కొబ్బరినీళ్లు, పసుపు, గంధం తదితర సుగంధ ద్రవ్యాలతో శంఖనిధి, పద్మనిధి, సహస్రధార, కుంభధారణల ద్వారా స్వామి అమ్మవార్లకు, సుదర్శన చక్రత్తాళ్వార్లకు మంత్రపూర్వకంగా దివ్యాభిషేకం చేశారు.
వేద మంత్ర ఘోషతో ఆధ్యాత్మిక పరిమళం…..
స్నపన తిరుమంజనం జరుగుతున్న సమయమంతా తిరుమల గిరులు వేద మంత్రోచ్చారణలతో ప్రతిధ్వనించాయి. టీటీడీ వేదపారాయణదారులు అత్యంత భక్తిశ్రద్ధలతో ఉపనిషత్తు, దశశాంతి, పురుషసూక్తం, శ్రీసూక్తం, భూసూక్తం, నీలాసూక్తం, విష్ణుసూక్తం తదితర పంచసూక్తాలను లయబద్ధంగా పారాయణం చేశారు. అభిషేకం పూర్తయిన తర్వాత శ్రీశ్రీశ్రీ పెద్దజీయర్ స్వామి, శ్రీశ్రీశ్రీ చిన్నజీయర్ స్వామి సమక్షంలో దివ్య ప్రబంధ పాశురాల పఠనం సాగింది.
తొమ్మిది రోజుల పాటు సాగిన బ్రహ్మోత్సవాల మహాక్రతువులో నిర్వహించిన సమస్త వాహన సేవలు, కైంకర్యాలు సఫలమై, లోకక్షేమం, భక్తుల సుఖశాంతులు కలగాలని చక్రస్నానం నిర్వహించడం అనవాయితీగా వస్తోంది. ఆగమ శాస్త్రం ప్రకారం బ్రహ్మోత్సవాలు ఒక మహా యజ్ఞస్వరూపం. ఈ యజ్ఞం ముగింపులో నిర్వహించే అవభృథస్నానం ద్వారా ఉత్సవ నిర్వహణలో ఏవైనా తెలిసీ తెలియక జరిగిన లోపాలు, దోషాలు ఉంటే అవి తొలగిపోయి, క్రతువుకు సంపూర్ణ ఫలం చేకూరుతుందని పండితులు వివరించారు.
{{/usCountry}}తొమ్మిది రోజుల పాటు సాగిన బ్రహ్మోత్సవాల మహాక్రతువులో నిర్వహించిన సమస్త వాహన సేవలు, కైంకర్యాలు సఫలమై, లోకక్షేమం, భక్తుల సుఖశాంతులు కలగాలని చక్రస్నానం నిర్వహించడం అనవాయితీగా వస్తోంది. ఆగమ శాస్త్రం ప్రకారం బ్రహ్మోత్సవాలు ఒక మహా యజ్ఞస్వరూపం. ఈ యజ్ఞం ముగింపులో నిర్వహించే అవభృథస్నానం ద్వారా ఉత్సవ నిర్వహణలో ఏవైనా తెలిసీ తెలియక జరిగిన లోపాలు, దోషాలు ఉంటే అవి తొలగిపోయి, క్రతువుకు సంపూర్ణ ఫలం చేకూరుతుందని పండితులు వివరించారు.
{{/usCountry}}స్నపన తిరుమంజన కార్యక్రమం ముగిసిన వెంటనే శ్రీ సుదర్శన చక్రత్తాళ్వార్లను అర్చకులు వేదమంత్రాల నడుమ ఊరేగింపుగా శ్రీవారి పుష్కరిణికి తీసుకువచ్చి పవిత్ర జలాల్లో మునక వేయించారు. సుదర్శన చక్రత్తాళ్వార్ల దివ్య స్పర్శతో పుష్కరిణి జలాలు అత్యంత పావనమయ్యాయని విశ్వసిస్తూ, సరిగ్గా అదే శుభముహూర్తంలో తీరంలో వేచి ఉన్న వేలాది మంది భక్తులు "గోవిందా.. గోవిందా.." అంటూ స్మరిస్తూ భక్తిపారవశ్యంతో పుణ్యస్నానాలు ఆచరించారు.
ఈ చక్రస్నాన మహోత్సవాన్ని దర్శించిన, నిర్వహించిన మరియు ఉత్సవాల విజయవంతానికి సహకరించిన భక్తులందరికీ ఆ శ్రీ వేంకటేశ్వరస్వామివారి సంపూర్ణ బ్రహ్మోత్సవ యజ్ఞఫలం లభించాలని వైఖానస పండితులు ప్రార్థించారు.