Rayanapadu Railway Station Development : విజయవాడ పరిసర ప్రాంతాల రైల్వే ప్రయాణికులకు శుభవార్త వచ్చేసింది. కేంద్ర ప్రభుత్వం ప్రతిష్టాత్మకంగా చేపట్టిన 'అమృత్ భారత్ స్టేషన్ పథకం' కింద సర్వాంగ సుందరంగా ముస్తాబైన రాయనపాడు రైల్వే స్టేషన్ ప్రారంభోత్సవానికి సర్వం సిద్ధమైంది. రూ.35 కోట్లకు పైగా భారీ వ్యయంతో పునర్నిర్మించిన ఈ అత్యాధునిక రైల్వే స్టేషన్ను జూలై 17వ తేదీన ప్రారంభించనున్నారు.
రైల్వే మంత్రిత్వ శాఖ సమన్వయంతో, పక్కా ప్రణాళికతో ఈ స్టేషన్ను ఆధునీకరించారు. విజయవాడ ప్రధాన రైల్వే జంక్షన్పై ప్రయాణికుల రద్దీ ఒత్తిడిని తగ్గించడానికి రాయనపాడు ఒక అద్భుతమైన శాటిలైట్ టెర్మినల్గా మారనుంది. ఇక్కడి నుంచి ప్రతిరోజూ కొన్ని ఎక్స్ప్రెస్ సర్వీసులతో పాటు సుమారు 12 రైళ్లు నడుస్తాయని అధికారులు అంచనా వేస్తున్నారు.
సరికొత్తగా రాయనపాడు…
అమృత్ భారత్ పథకంలో భాగంగా ప్రయాణికులకు అత్యున్నత స్థాయి సదుపాయాలు కల్పించేలా రాయనపాడు స్టేషన్ను తీర్చిదిద్దారు. అప్గ్రేడ్ చేసిన ప్లాట్ఫారమ్లు, అత్యాధునిక ప్యాసింజర్ వెయిటింగ్ హాళ్లు, డిజిటల్ టికెట్ కౌంటర్లు, స్వచ్ఛమైన తాగునీటి వసతులు, ప్లాట్ఫారమ్ షెల్టర్లు, కంటికి విందుగొలిపేలా ల్యాండ్స్కేప్ గార్డెన్లు ఈ స్టేషన్ ప్రత్యేకతలు. ముఖ్యంగా వృద్ధులు, దివ్యాంగులు సులభంగా రాకపోకలు సాగించేలా ప్రత్యేక సౌకర్యాలు ఏర్పాటు చేశారు.
ప్రధానంగా చేపట్టిన ఆధునీకరణ పనులు ఇవే:
- ఎయిర్ కండిషన్డ్ (AC) ప్రిపెయిడ్ వెయిటింగ్ హాల్, దివ్యాంగులకు అనుకూలంగా ఉండేలా మోడ్యులర్ టాయిలెట్ కాంప్లెక్స్ నిర్మించారు.
- ఒకటో నంబర్ ప్లాట్ఫారమ్ను 670 మీటర్ల పొడవునా సర్వాంగ సుందరంగా పునర్నిర్మించారు. అలాగే 340 మీటర్ల మేర అధునాతన ప్లాట్ఫారమ్ షెల్టర్ను ఏర్పాటు చేశారు.
- అంధులైన ప్రయాణికులు సురక్షితంగా నడవడానికి వీలుగా ప్రత్యేక టాక్టైల్ పాత్వేలు (స్పర్శ మార్గాలు) నిర్మించారు.
- వృద్ధులు, దివ్యాంగుల సౌకర్యార్థం ఫుట్ ఓవర్బ్రిడ్జిపై రెండు సరికొత్త లిఫ్ట్ సౌకర్యాలను అందుబాటులోకి తెచ్చారు.
కేవలం మౌలిక వసతులు మాత్రమే కాకుండా, ఈ ప్రాంత సంస్కృతిని ప్రతిబింబించేలా స్టేషన్ ప్రధాన భవనాన్ని ముస్తాబు చేశారు. ఆధునిక లైటింగ్, ర్యాంపులు, టాక్టైల్ టైల్స్తో పాటు ప్రసిద్ధ కొండపల్లి కొయ్యబొమ్మల సాంప్రదాయాన్ని చాటిచెప్పేలా అద్భుతమైన కళాఖండాలను ఇక్కడ ప్రదర్శించారు.
{{/usCountry}}కేవలం మౌలిక వసతులు మాత్రమే కాకుండా, ఈ ప్రాంత సంస్కృతిని ప్రతిబింబించేలా స్టేషన్ ప్రధాన భవనాన్ని ముస్తాబు చేశారు. ఆధునిక లైటింగ్, ర్యాంపులు, టాక్టైల్ టైల్స్తో పాటు ప్రసిద్ధ కొండపల్లి కొయ్యబొమ్మల సాంప్రదాయాన్ని చాటిచెప్పేలా అద్భుతమైన కళాఖండాలను ఇక్కడ ప్రదర్శించారు.
{{/usCountry}}స్టేషన్ వెలుపల విశాలమైన ఎంట్రీ, ఎగ్జిట్ గేట్లు, సురక్షితమైన కాంపౌండ్ వాల్, పాదచారుల కోసం అందమైన ల్యాండ్స్కేప్ నడకదారులు, విశాలమైన పార్కింగ్ సదుపాయం, రోడ్డు లేన్ మార్కింగ్స్ మరియు అధునాతన వీధి దీపాలను ఏర్పాటు చేశారు. ఈ ఆధునీకరణ పనుల వల్ల విజయవాడ ప్రాంతంలో రాయనపాడు స్టేషన్ అత్యంత కీలకమైన రైల్వే హబ్గా ఎదుగుతుందని, ప్రయాణికుల భద్రత, సౌకర్యాలు మరింత మెరుగవుతాయని విజయవాడ ఎంపీ కేశినేని చిన్ని అభిప్రాయపడ్డారు.