Vizag School Boy Death : విశాఖపట్నంలోని ఒక ప్రైవేట్ పాఠశాలలో అత్యంత విషాదకర ఘటన చోటుచేసుకుంది. తరగతి గదిలో ఆరేళ్ల యుకేజీ విద్యార్థి అక్కడికక్కడే స్పృహతప్పి పడిపోయి మరణించాడు. గురువారం సోషల్ మీడియాలో వైరల్గా మారిన వీడియో ప్రకారం…. ఆ చిన్నారి తన హోమ్వర్క్ స్లేట్ పట్టుకుని టీచర్ టేబుల్ వద్ద వరుసలో నిలబడి ఉన్నాడు. హోమ్వర్క్ తనిఖీ చేస్తున్న సమయంలో బాధితుడు తీవ్ర భయాందోళనకు గురై ఏడుస్తూ కనిపిస్తున్నాడు. టీచర్ అతని యూనిఫామ్ పట్టుకుని సరిచేస్తుండగా ఆ బాలుడు చేతులు ఊపుతూ కనిపించాడు.
టీచర్ ముందు భయంగా వణికిపోయినట్లు ఉన్న బాలుడు…. క్షణకాలం నిశ్చేష్టంగా నిలబడినట్లు కనిపించగా…. ఒక్కసారిగా స్పృహతప్పి టీచర్ కాళ్లపై పడిపోయాడు. ఆ తర్వాత టీచర్ బాలుడిని తేరుకునేలా చేయడానికి ప్రయత్నించ. ఘటన గమనించిన పాఠశాల సిబ్బంది, ఇతరులు వెంటనే తరగతి గదికి చేరుకుని బాలుడిని చికిత్స నిమిత్తం ఆసుపత్రికి తరలించారు. అయితే ఆసుపత్రికి చేరుకునే సరికి చిన్నారి అప్పటికే మృతి చెందినట్లు వైద్యులు ధృవీకరించారు.
టీచర్ కొట్టడం… దానివల్ల కలిగిన తీవ్ర భయాందోళన, ఒత్తిడి వల్లే తమ బిడ్డ గుండె ఆగిపోయి మరణించాడని బాధితుడి కుటుంబ సభ్యులు తీవ్ర ఆందోళన వ్యక్తం చేశారు. "ఉపాధ్యాయుడు దాడి చేయడంతో తరగతి గదిలోనే బాలుడు పడిపోయాడు… ఆ తర్వాత మరణించాడు," అని ఒక పోలీస్ అధికారి పిటిఐ (PTI) వార్తా సంస్థకు వెల్లడించారు. మరోవైపు ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.
మంత్రి నారా లోకేష్ తీవ్ర దిగ్భ్రాంతి
ఆరేళ్ల చిన్నారి మృతి చెందడంపై ఆంధ్రప్రదేశ్ విద్యాశాఖ మంత్రి నారా లోకేశ్ తీవ్ర విచారాన్ని… దిగ్భ్రాంతిని వ్యక్తం చేశారు. ఈ ఘటనకు బాధ్యులైన వారిపై అలాగే సంబంధిత పాఠశాల యాజమాన్యంపై చట్టపరమైన కఠిన చర్యలు తీసుకుంటున్నామని ఆయన స్పష్టం చేశారు. మృతి చెందిన బాలుడి తల్లిదండ్రులకు తన సానుభూతిని తెలిపిన లోకేష్… వారు ధైర్యంగా ఉండాలని కోరారు. సంభవించిన లోటును ఎవరూ భర్తీ చేయలేరని, ప్రభుత్వం అన్ని విధాలా అండగా ఉంటుందని ఎక్స్ (X) వేదికగా హామీ ఇచ్చారు.
త్రిసభ్య కమిటీ విచారణ
{{/usCountry}}ఆరేళ్ల చిన్నారి మృతి చెందడంపై ఆంధ్రప్రదేశ్ విద్యాశాఖ మంత్రి నారా లోకేశ్ తీవ్ర విచారాన్ని… దిగ్భ్రాంతిని వ్యక్తం చేశారు. ఈ ఘటనకు బాధ్యులైన వారిపై అలాగే సంబంధిత పాఠశాల యాజమాన్యంపై చట్టపరమైన కఠిన చర్యలు తీసుకుంటున్నామని ఆయన స్పష్టం చేశారు. మృతి చెందిన బాలుడి తల్లిదండ్రులకు తన సానుభూతిని తెలిపిన లోకేష్… వారు ధైర్యంగా ఉండాలని కోరారు. సంభవించిన లోటును ఎవరూ భర్తీ చేయలేరని, ప్రభుత్వం అన్ని విధాలా అండగా ఉంటుందని ఎక్స్ (X) వేదికగా హామీ ఇచ్చారు.
త్రిసభ్య కమిటీ విచారణ
{{/usCountry}}ఈ ఘటనపై పాఠశాల విద్యాశాఖ స్పందిస్తూ.. ఇది అత్యంత దురదృష్టకరమని, ప్రభుత్వం దీనిని తీవ్రంగా పరిగణిస్తోందని తెలిపింది. ఘటన జరిగిన వెంటనే విద్యాశాఖ అధికారులు విచారణ జరిపి ప్రాథమిక నివేదికను అందజేశారు. ప్రాథమిక నివేదిక ఆధారంగా వాస్తవాలను సమగ్రంగా పరిశీలించడానికి త్రిసభ్య కమిటీని ఏర్పాటు చేసినట్లు గురువారం రాత్రి విడుదల చేసిన ప్రకటనలో పేర్కొంది. విశాఖపట్నం రీజినల్ జాయింట్ డైరెక్టర్ (RJD), జిల్లా విద్యాశాఖాధికారి (DEO), రెవెన్యూ డివిజనల్ ఆఫీసర్ (RDO) ఈ కమిటీలో సభ్యులుగా ఉన్నారు.
ఉపాధ్యాయులు విద్యార్థులతో సున్నితంగా, బాధ్యతాయుతంగా, మానవీయ కోణంలో ప్రవర్తించేలా అవగాహన కార్యక్రమాలు నిర్వహించేందుకు కూడా చర్యలు తీసుకుంటున్నట్లు విద్యాశాఖ తెలిపింది. ఈ ఘటనపై పోలీసులు బిఎన్ఎస్ఎస్ (BNSS) సెక్షన్ 194 కింద అనుమానాస్పద మృతిగా కేసు నమోదు చేసి దర్యాప్తు చేస్తున్నారు.