పెళ్లంటే నూరేళ్ల పంట.. ఇరు కుటుంబాల మధ్య బంధాన్ని ముడివేసే వేడుక. అలాంటి పెళ్లి వేడుకలో డీజే పాటలు, బంధుమిత్రుల డ్యాన్సులు ఈ రోజుల్లో సర్వసాధారణం అయిపోయాయి. కానీ అదే డ్యాన్స్ ఒక పెళ్లి బంధాన్ని ముక్కలు చేసింది. వధువు ఉత్సాహంగా డ్యాన్స్ చేయాలనుకోవడాన్ని వరుడు తప్పుబట్టడం, అది కాస్తా వివాదంగా మారి చివరకు పెళ్లే రద్దయ్యేలా చేసింది. ఈ సంఘటన మార్కాపురం జిల్లాలో వెలుగుచూసింది.
అసలేం జరిగిందంటే?
మార్కాపురం జిల్లా రాచర్ల మండలం చినగానిపల్లి గ్రామానికి చెందిన ఒక యువకుడికి, తురిమెళ్ల గ్రామానికి చెందిన ఒక యువతికి పెద్దలు వివాహం నిశ్చయించారు. ఆదివారం ఉదయం వివాహ వేడుక జరగాల్సి ఉంది. పెళ్లికి ముందు వధువరులను ఊరేగింపు ప్లాన్ చేశారు. శనివారం రాత్రిపూట వధువుతోపాటుగా ఆమె కుటుంబ సభ్యులు చిన్నగానిపల్లికి వెళ్లారు. వధూవరులను వాహనం ఎక్కించి.. బంధువులు ఊరేగింపు నిర్వహించారు. రెండు కుటుంబాల బంధువులు, స్నేహితులు డ్యాన్స్ చేస్తూ వధూవరులను కూడా పిలిచారు. కానీ డ్యాన్స్ చేయడానికి వరుడి సిద్ధంగా లేడు. వధువు మాత్రం ఆసక్తి చూపించింది. దీంతో వరుడు ఆమెను మందలించాడు.
అయినప్పటికీ పెళ్లి వేడుకలో ఉన్న కొందరు అతిథులు, బంధువులు వధువును తమతో కలిసి స్టెప్పులు వేయాలని కోరారు. జీవితంలో ఒకేసారి వచ్చే క్షణాలని, అందరితో కలిసి ఆనందాన్ని పంచుకోవడానికి వధువు కూడా డ్యాన్స్ చేయడానికి సిద్ధపడింది.
అయితే వధువు అందరి ముందు డ్యాన్స్ చేయడం వరుడికి అస్సలు నచ్చలేదు. ఆమెను డ్యాన్స్ చేయవద్దంటూ వరుడు తీవ్రంగా అభ్యంతరం వ్యక్తం చేశాడు. ఈ విషయంలో ఇద్దరి మధ్య మాట మాట పెరిగింది. వధువు ఉత్సాహాన్ని వరుడు అలా అందరి ముందూ అణచివేయడం, కోప్పడటం చూసి వధువు కుటుంబ సభ్యులు షాక్కు గురయ్యారు. పెళ్లి కాకముందే ఇంతలా ఆంక్షలు విధిస్తూ, అందరి ముందు అవమానించేలా మాట్లాడటం ఇరు కుటుంబాల మధ్య తీవ్రమైన వాగ్వాదానికి దారితీసింది. బారాత్ కాస్తా ఇరు వర్గాల మధ్య గొడవతో అట్టుడికిపోయింది.
ట్విస్ట్ ఇచ్చిన వధువు తండ్రి
వరుడి ప్రవర్తన చూసిన వధువు తండ్రి తీవ్ర మనస్తాపానికి గురయ్యాడు. పెళ్లికి ముందే కూతురి ఇష్టాయిష్టాలను గౌరవించకుండా, అంతలా గొడవకు దిగిన వ్యక్తితో పెళ్లి జరిగితే భవిష్యత్తులో తన కూతురు సంతోషంగా ఉండలేదని ఆయన భావించారు. ఆవేశంలో ఉన్న వరుడి కుటుంబానికి గట్టి బుద్ధి చెప్పాలనుకున్నారు. అంతే.. అందరూ చూస్తుండగానే పెళ్లిని రద్దు చేస్తున్నట్లు చెప్పారు. వరుడి ప్రవర్తన నచ్చకే ఈ వివాహాన్ని రద్దు చేసుకుంటున్నట్లు స్పష్టం చేశారు. దీంతో పెళ్లి పీటలు ఎక్కాల్సిన వధూవరులు, ఊహించని వివాదంతో ఎవరి ఇంటికి వారు తిరిగి వెళ్లిపోయారు. పెద్దలు వివాదాన్ని సద్దుమణిగేలా చేసి.. మళ్లీ వివాహం గురించి చర్చ చేసినా ఫలితం లేదు. ఈ ఘటన స్థానికంగా తీవ్ర చర్చనీయాంశంగా మారింది.
{{/usCountry}}వరుడి ప్రవర్తన చూసిన వధువు తండ్రి తీవ్ర మనస్తాపానికి గురయ్యాడు. పెళ్లికి ముందే కూతురి ఇష్టాయిష్టాలను గౌరవించకుండా, అంతలా గొడవకు దిగిన వ్యక్తితో పెళ్లి జరిగితే భవిష్యత్తులో తన కూతురు సంతోషంగా ఉండలేదని ఆయన భావించారు. ఆవేశంలో ఉన్న వరుడి కుటుంబానికి గట్టి బుద్ధి చెప్పాలనుకున్నారు. అంతే.. అందరూ చూస్తుండగానే పెళ్లిని రద్దు చేస్తున్నట్లు చెప్పారు. వరుడి ప్రవర్తన నచ్చకే ఈ వివాహాన్ని రద్దు చేసుకుంటున్నట్లు స్పష్టం చేశారు. దీంతో పెళ్లి పీటలు ఎక్కాల్సిన వధూవరులు, ఊహించని వివాదంతో ఎవరి ఇంటికి వారు తిరిగి వెళ్లిపోయారు. పెద్దలు వివాదాన్ని సద్దుమణిగేలా చేసి.. మళ్లీ వివాహం గురించి చర్చ చేసినా ఫలితం లేదు. ఈ ఘటన స్థానికంగా తీవ్ర చర్చనీయాంశంగా మారింది.
{{/usCountry}}