ఈ సినిమాతో రష్మికకు నేషనల్ అవార్డు గ్యారెంటీ.. తక్కువ రేటింగ్ ఇవ్వలేరు.. ఆమె ఉంటే డ్యాన్స్ చేసేవాడిని: అల్లు అరవింద్

అల్లు అరవింద్ ఇంట్రెస్టింగ్ కామెంట్స్ చేశాడు. తన గీతా ఆర్ట్స్ బ్యానర్ పై నిర్మించిన ది గర్ల్‌ఫ్రెండ్ మూవీ ప్రెస్ మీట్ లో భాగంగా అరవింద్ మాట్లాడుతూ.. ఈ సినిమాకు రష్మిక మందన్నాకు నేషనల్ అవార్డు వస్తుందని చెప్పడం విశేషం.

రష్మిక మందన్నా లీడ్ రోల్లో నటించిన ది గర్ల్‌ఫ్రెండ్ మూవీ శుక్రవారం (నవంబర్ 7) థియేటర్లలో రిలీజ్ కానుంది. ఈ నేపథ్యంలో బుధవారం (నవంబర్ 5) మూవీ టీమ్ మీడియాతో మాట్లాడింది. ప్రొడ్యూసర్ అల్లు అరవింద్ కూడా వచ్చాడు. ఈ సందర్భంగా ఈ మూవీ, రష్మిక, ఇతర అంశాలపైనా అతడు ఇంట్రెస్టింగ్ కామెంట్స్ చేశాడు.

ఈ సినిమాతో రష్మికకు నేషనల్ అవార్డు గ్యారెంటీ.. తక్కువ రేటింగ్ ఇవ్వలేరు.. ఆమె ఉంటే డ్యాన్స్ చేసేవాడిని: అల్లు అరవింద్

రష్మికకు నేషనల్ అవార్డు గ్యారెంటీ

ది గర్ల్‌ఫ్రెండ్ మూవీని గీతా ఆర్ట్స్ బ్యానర్ పై అల్లు అరవింద్ నిర్మించిన విషయం తెలిసిందే. ఈ సినిమాలో రష్మిక నటనకు నేషనల్ అవార్డు గ్యారెంటీ అని అల్లు అరవింద్ అనడం విశేషం. తమ బ్యానర్ తో రష్మికకు మంచి అనుబంధం ఉందని చెప్పిన అరవింద్.. ఈ సినిమాకు ఆమె నేషనల్ అవార్డు అందుకుంటుందని, ఆ సెర్మనీకి తాను కూడా వెళ్తానని చెప్పాడు.

తక్కువ రేటింగ్ ఇవ్వలేరు

ఇక ఈ ది గర్ల్‌ఫ్రెండ్ మూవీని అతడు ఆకాశానికెత్తాడు. ఈ సినిమాకు క్రిటిక్స్ తక్కువ రేటింగ్ ఇవ్వడానికి ఇబ్బంది పడతారని అన్నాడు. సాధారణంగా మీడియా వాళ్లు 1.5 నుంచి 3.5 రేటింగ్ ఇస్తారని, కానీ ఈ సినిమాకు మాత్రం తక్కువ రేటింగ్ ఇవ్వడానికి ఇబ్బంది పడతారని అరవింద్ స్పష్టం చేశాడు.

కోట్లు సంపాదించాను.. తృప్తి మిగిలింది

ఇక ఎన్నో ఏళ్లుగా గీతా ఆర్ట్స్ కింద సినిమాలు నిర్మించి ఎన్నో కోట్లు సంపాదించానని, అయితే ఈ ది గర్ల్‌ఫ్రెండ్ సినిమాతో మాత్రం డబ్బు కంటే తృప్తి తనకు మిగులుందని అతడు చెప్పాడు. “చాలా సినిమాలు తీశాను, తీస్తున్నాను. చాాలా సినిమాల్లో చాలా డబ్బులు వస్తుంటాయి.

మీకూ తెలుసు నేను సినిమాలు తీసి కోట్లు కోట్లు సంపాదించానని. ఇందులో దాపరికం ఏమీ లేదు. కానీ ఈ సినిమా తీసినందుకు నాకు డబ్బు కంటే ఎక్కువగా తృప్తి లభించింది” అని అల్లు అరవింద్ అన్నాడు. ఇక బండ్ల గణేష్ తనపై చేసిన విమర్శల గురించి ప్రశ్నించినప్పుడు తనకు ఓ స్థాయి ఉందని, దీనికి సమాధానం చెప్పనని అతడు అన్నాడు.

రష్మిక ఉంటే డ్యాన్స్ చేసేవాడిని..

ఇక ఇదే ప్రెస్ మీట్ లో అరవింద్ మరో ఇంట్రెస్టింగ్ కామెంట్ కూడా చేశాడు. మీరు ప్రమోషన్లలో ఉన్నారంటే దానిని ఏదో రకంగా వైరల్ చేస్తారు.. కానీ ఈ ప్రమోషన్లలో మాత్రం మీ డ్యాన్స్ మేము మిస్ అవుతున్నాము అని ఓ రిపోర్టర్ అడిగారు. దీనికి అల్లు అరవింద్ స్పందిస్తూ.. రష్మిక ఉంటే చేసేవాడిని అని నవ్వుతూ సమాధానమిచ్చాడు.

ఇక అల్లు అర్జున్ సరైనోడు 2 వస్తుందన్న పుకార్లు వస్తున్నాయి.. మరి ఆ సినిమాను మీ బ్యానర్లోనే తీస్తారా అని అడిగినప్పుడు.. సరైనోడు 2 వస్తే మాత్రం అది కచ్చితంగా గీతా ఆర్ట్స్ బ్యానర్లోనే వస్తుంది అని అరవింద్ స్పష్టం చేశాడు.