పోలీస్ కంప్లైంట్ ఇమ్మన్న గేదె దెయ్యం, చిన్న పిల్లాడి పుర్రె.. సరికొత్త కాన్సెప్ట్‌తో నెపోలియన్ రిటర్న్స్ గ్లింప్స్

అల్ట్రా న్యూ కాన్సెప్ట్‌తో తెరకెక్కిన తెలుగు హారర్ కామెడీ చిత్రం నెపోలియన్ రిటర్న్స్. డైరెక్టర్ ఆనంద్ రవి దర్శకత్వం వహంచిన నెపోలియన్ రిటర్న్స్ గ్లింప్స్‌ను తాజాగా ఇవాళ రిలీజ్ చేశారు. గేదె దెయ్యం పోలీస్ కంప్లైంట్ ఇవ్వమన్నదని చెప్పడం, ఇంట్లో చిన్న పిల్లాడి పుర్రె కనిపించడం సీన్స్‌తో అదిరిపోయింది.

ఆచార్య క్రియేషన్స్ బ్యానర్‌పై ప్రముఖ రైటర్, డైరెక్టర్ ఆనంద్ రవి దర్శకత్వంలో సరికొత్త కాన్సెప్ట్‌తో ఓ సినిమా తెరకెక్కింది. భోగేంద్ర గుప్త నిర్మించిన ప్రొడక్షన్ నెంబర్ 4 చిత్రానికి సంబంధించిన టైటిల్, గ్లింప్స్‌ను ఆదివారం నాడు అంటే ఇవాళ (అక్టోబర్ 26) లాంఛ్ చేశారు.

పోలీస్ కంప్లైంట్ ఇమ్మన్న గేదె దెయ్యం, చిన్న పిల్లాడి పుర్రె.. సరికొత్త కాన్సెప్ట్‌తో నెపోలియన్ రిటర్న్స్ గ్లింప్స్

నెపోలియన్ రిటర్న్స్ టైటిల్

ఆనంద్ రవి, బిగ్ బాస్ దివి వాద్యా ప్రధాన పాత్రలో నటించిన ఈ చిత్రానికి ‘నెపోలియన్ రిటర్న్స్’ అనే టైటిల్‌ను ఖరారు చేశారు. ఆనంద్ ర‌వి రూపొందించిన నెపోలియ‌న్, ప్ర‌తినిధి, కొరమీను చిత్రాలు ఎంత పాపుల‌ర్ అయ్యాయో ప్ర‌త్యేకంగా చెప్ప‌న‌క్క‌ర్లేదు.

తనదైన స్టైల్‌లో

ఇప్పుడు ఈ యాక్ట‌ర్- డైరెక్ట‌ర్ ఆనంద్ ర‌వి మ‌రోసారి యూనిక్‌ అండ్ ఫ్రెష్ కాన్సెప్ట్‌తో నెపొలియన్ రిట‌ర్న్స్‌గా మ‌న ముందుకు రాబోతున్నారు. ‘నెపోలియన్ రిటర్న్స్’ విష‌యానికి వ‌స్తే ఆనంద్ ర‌వి త‌న‌దైన స్టైల్‌లో డిఫరెంట్ ప్ర‌మోష‌న‌ల్ వీడియోను తాజాగా విడుద‌ల చేశారు. దీంతో ఈ సినిమాపై క్యూరియాసిటీ క్రియేట్ అయింది.

సమస్యగా మారిన గేదె ఆత్మ

ఈ మూవీ ఎంటైర్ టీమ్‌ నెపోలియన్ రిటర్న్స్ టైటిల్ గ్లింప్స్‌ను ఇవాళ హైద‌రాబాద్‌లో రిలీజ్ చేశారు. ‘నెపోలియన్’ రిటర్న్స్’ టైటిల్ గ్లింప్స్ విష‌యానికి వ‌స్తే.. ఆనంద్ ర‌వి ఇద్ద‌రితో క‌లిసి పోలీస్ స్టేష‌న్‌కు కంప్లైంట్ ఇవ్వ‌టానికి వెళ‌తాడు. ఓ గేదె ఆత్మ స‌మ‌స్య‌గా మారింద‌ని పోలీసుతో చెబుతాడు.

గేదె దెయ్యం కంప్లైంట్ ఇవ్వమందంటూ

ఆనంద్ ర‌వి ఏం కంప్లైంట్ చేయాల‌నుకుంటున్నాడో దానికి సంబంధించిన విజువ‌ల్స్‌ను చాలా వేగంగా చూపించారు. దెయ్యం సమస్యగా మారిందని, అది గేదె దెయ్యం అని, ఆ గేదె దెయ్యం తమతో పోలీస్ కంప్లైంట్ ఇవ్వమని చెప్పిందని ఆనంద్ రవి చెప్పడం చాలా ఇంట్రెస్టింగ్‌గా, కామెడీగా ఆకట్టుకుంది.

చిన్న పిల్లాడి పుర్రె కనిపించడంతో

పోలీస్ ర‌ఘుబాబు స‌హా అంద‌రూ ఆ గేదె ఆత్మ గురించి మ‌రింత స‌మాచారం తెలుసుకోవాల‌నుకుంటారు. మరోవైపు ఇంట్లో క‌నిపించే పుర్రె ఓ చిన్నారిద‌ని చెప్ప‌టంతో ఇదే సరికొత్త హార‌ర్ సస్పెన్స్ మూవీ అనే భావన క‌లుగుతుంది. ఇక గ్లింప్స్ చివ‌ర‌లో ఓ పోలీస్ ఆఫీస‌ర్ ఆనంద్ ర‌వితో ఇంత‌కు ముందే నువ్వే క‌దా నీడ పోయింద‌ని కంప్లైంట్ ఇచ్చావ్ అని అడ‌గ‌టంతో నెపోలియ‌న్ సినిమా రెఫ‌రెన్స్‌ను అక్క‌డ చూపించారు.

నెపోలియన్ రిటర్న్స్ నటీనటుల

ఇది హైలెట్‌గా నిలిచింది. నెపోలియన్ రిటర్న్స్ గ్లింప్స్‌లో విజువ‌ల్స్ చాలా రిచ్‌గా క‌నిపిస్తున్నాయి. బ్యాగ్రౌండ్ స్కోర్ స‌న్నివేశాల‌కు మ‌రింత బ‌లాన్ని చేకూరుస్తున్నాయి. ఆనంద్ ర‌వి, దివి వాద్యా, ఆటో రామ్ ప్ర‌సాద్‌, ర‌ఘుబాబు, సూర్య పింగ్ పాంగ్, శ్ర‌వ‌ణ్ రాఘ‌వేంద్ర‌, యాంక‌ర్ ర‌వి, ర‌వి వ‌ర్మ‌, మీసాల ల‌క్ష్మ‌ణ్ త‌దిత‌రులు ఇందులో న‌టించారు.

రచన, దర్శకత్వం హీరో ఆనంద్ రవి

భోగేంద్ర గుప్తా నిర్మించిన ఈ సినిమాకు కార్తీక్ కొప్పెర సినిమాటోగ్ర‌ఫీ, సిద్ధార్థ్ స‌దాశివుని సంగీతాన్ని అందిస్తున్నారు. ఈ సినిమాకు ర‌చ‌న‌-ద‌ర్శ‌క‌త్వం ఆనంద్ ర‌వి. మ‌రిన్ని వివ‌రాల‌ను త్వ‌ర‌లోనే తెలియ‌జేస్తామ‌ని మేక‌ర్స్ తెలియ‌జేశారు.