E-Paper
Brahmamudi Promo: బ్రహ్మముడి.. ఇందుని లాక్కెళ్లిపోయిన రేఖ.. రాజు మనసు ముక్కలు.. లక్కీ చేతుల్లో కోటి రూపాయలు
Brahmamudi Promo: బ్రహ్మముడి సీరియల్ ఈరోజు ఎపిసోడ్ ప్రోమో ఎంతో ఆసక్తి రేపుతోంది. ఇందును రాజు నుంచి రేఖ లాక్కెళ్లిపోవడం, అది చూసి అతని మనసు ముక్కలవడం చూడొచ్చు. అటు లక్కీ చేతికి రూ.కోటి అందుతాయి.
Brahmamudi Promo: బ్రహ్మముడి సీరియల్ ఏప్రిల్ 29వ ఎపిసోడ్ కు సంబంధించిన ప్రోమోను స్టార్ మా రిలీజ్ చేసింది. ఇందుని కిడ్నాప్ చేసి, మెల్లగా ఆమె ప్రేమలో పడిపోతున్న రాజుకు ఊహించని షాక్ తగులుతుంది. ఇందుని రేఖ దూరంగా తీసుకెళ్లిపోతుంటే అతడు ఏమీ చేయలేక అలా చూస్తుండిపోతాడు.
విడిపోయిన రాజు, ఇందు
బ్రహ్మముడి సీరియల్ ఈరోజు ఎపిసోడ్ కు సంబంధించిన ప్రోమోలో ఇందుని రేఖ లాక్కెళ్తుండటం చూడొచ్చు. ఆమె కళ్లలో పడకుండా దూరంగా రాజు.. ఇందుని బాధతో చూస్తుంటాడు. అటు ఇందు కూడా రాజుని వదిలి వెళ్తూ కంటతడి పెడుతుంది. సాహు ఇచ్చిన డెడ్ లైన్ లోపు డబ్బు వసూలు చేయాల్సిందే అని అనుకున్న రాజు.. రేఖపై ఒత్తిడి తెచ్చి డబ్బు ఇచ్చేలా చేస్తాడు.
ఇందుపై రాజు ప్రేమ
అదే సమయంలో ఇందు దూరం కాబోతుందన్న బాధ అతన్ని తీవ్రంగా కలచివేస్తుంది. కొన్ని రోజుల్లోనే వాళ్ల మధ్య ఉన్న శతృత్వం ప్రేమగా మారుతుంది. కిడ్నాప్ చేసిన అమ్మాయిని ఏకంగా తన ఇంటికే తీసుకొచ్చి, తన తల్లిదండ్రుల పెళ్లి రోజును ఘనంగా జరిపించిన రాజు.. క్రమంగా ఇందుకు దగ్గరవుతుంటాడు.
ఇంతలో సాహు మళ్లీ ఇంటికి వచ్చి బెదిరించడం, తప్పనిసరి పరిస్థితుల్లో ఇందు కోసం రేఖ నుంచి డబ్బు వసూలు చేయడం, ఆమెను రేఖకు అప్పగించడంతో రాజు కుంగిపోతాడు. ఈ ప్రోమోలో ఇందు, రాజులకు ఒకరిపై మరొకరికి ఉన్న ప్రేమను చూడొచ్చు.
లక్కీ చేతుల్లో రూ.కోటి
అంతేకాదు ప్రోమో చివర్లో లక్కీ వచ్చి డబ్బు అందిందని రాజుకు చెబుతాడు. ఆ డబ్బుతో తన కష్టాలన్నీ గట్టెక్కే అవకాశం ఉన్నా రాజు మాత్రం తన సర్వస్వం కోల్పోయిన వ్యక్తిలాగా కనిపిస్తాడు. అది చూసి ఇందుని ప్రేమించావా అని రాజుని లక్కీ అడుగుతాడు. అక్కడితో బ్రహ్మముడి సీరియల్ ప్రోమో ముగుస్తుంది.
అయితే ఇందుని రేఖ తీసుకెళ్లిపోవడంతో ఇక ఆస్తి పత్రాలపై సంతకం చేయలేని పరిస్థితుల్లో ఆమె పడిపోయినట్లు కనిపిస్తోంది. ఆ ప్రమాదం నుంచి తప్పించుకోవడానికి ఇందు మరో ఎత్తు ఏదైనా వేస్తుందా? ఇందుని రాజు కాపాడతాడా? నందు ఆమెకు అండగా నిలుస్తుందా అన్నది ఆసక్తిగా మారింది. బ్రహ్మముడి రాబోయే ఎపిసోడ్లు చాలా ఆసక్తిగా సాగబోతున్నట్లు ఈ ప్రోమో చూస్తే స్పష్టమవుతోంది.
