Brahmamudi May 9th Episode: బ్రహ్మముడి.. శోభనం కూడా అయిపోయిందన్న రాజు.. విడాకులు ఇవ్వడానికి రేఖ ప్లాన్.. ఇందు షాక్

Brahmamudi May 9th Episode: బ్రహ్మముడి సీరియల్ మే 9 ఎపిసోడ్ లో రాజు తన కథను రక్తి కట్టిస్తాడు. ఇందుతో శోభనం కూడా అయిపోయిందని చెబుతాడు. అయితే రేఖ మాత్రం వాళ్లకు విడాకుల ప్లాన్ చేస్తుంది. ఆ తర్వాత ఏం జరిగిందో చూడండి.

Brahmamudi May 9th Episode: బ్రహ్మముడి సీరియల్ ఈరోజు ఎపిసోడ్ లో ఇందును నకిలీ పెళ్లి చేసుకొని దుగ్గిరాల ఇంట్లో అడుగుపెడతాడు రాజు. రేఖ ఆమె మెడలో తాళి తీసేయడానికి వెళ్తే రాజు అడ్డుకుంటాడు. ఆమెకు వార్నింగ్ ఇస్తాడు. చేసేది లేక ఇంట్లోకి రమ్మన్న రేఖ.. తర్వాత విడాకుల ప్లాన్ చేస్తుంది.

Brahmamudi May 9th Episode: బ్రహ్మముడి.. శోభనం కూడా అయిపోయిందన్న రాజు.. విడాకులు ఇవ్వడానికి రేఖ, ఇందు ప్లాన్

ఇందు కిడ్నాప్ కథ చెప్పిన రాజు

బ్రహ్మముడి సీరియల్ శనివారం (మే 9) ఎపిసోడ్ దుగ్గిరాల ఇంట్లో అడుగుపెట్టిన రాజు.. ఇందును కిడ్నాప్ చేసిన కథ చెబుతాడు. ఆ కిడ్నాపర్ ను తనే అని, ఆ సమయంలోనే చక్రాల్లాంటి ఇందు కళ్లు చూసి ఆమె ప్రేమలో పడిపోయానని అంటాడు. అయితే డబ్బు కోసం ఆ ప్రేమను వదులుకున్నానని, కానీ అప్పటి నుంచీ ఆమె ఆలోచనలతోనే గడిపానని చెబుతాడు. మీరు చేసుకున్నది ఉత్తిత్తి పెళ్లి కావచ్చు కదా అని రేఖ అంటుంది.

ఆ రాత్రి శోభనం జరిగిపోయిందంటూ..

అప్పుడు తమ పెళ్లి రిజిస్టర్ చేయించానని, ఫొటోలు కూడా తీయించానని సాక్ష్యాలతో సహా చూయించిన రాజు.. తర్వాత మరో షాకింగ్ అబద్ధం చెబుతాడు. అది విని ఇందు కూడా షాక్ తింటుంది. కిడ్నాప్ చేసిన సమయంలో ఓ రోజు రాత్రి ఇందుని తినమని బతిమాలుతుంటే తినలేదని, అప్పుడే ఓ ఉరుము, మెరుపు రావడంతో ఆమె భయంతో తనను వాటేసుకుందని చెబుతాడు. ఆ తర్వాత తనలో ఏవేవో ఫీలింగ్స్ కలిగి మొత్తం జరిగిపోయిందని అంటాడు. అది విని రేఖ షాక్ తింటుంది. ఇందు అతన్ని మింగేసేలా చూస్తుంది.

తాళి తీసేస్తానన్న రేఖ.. అడ్డుకున్న రాజు

ఇంత చెప్పినా రేఖ మాత్రం కన్విన్స్ కాదు. మీరు చేసుకున్న పెళ్లిపై నమ్మకం లేదని, తాను తాళి తీసేస్తానని రేఖ అంటుంది. ఇందు మెడలో తాళి తీయడానికి ప్రయత్నించగా రాజు ఆమె చేయి పట్టుకొని అడ్డుకుంటాడు. అది చూసి అపర్ణ, సుభాష్ సంతోషిస్తారు. ఇన్నాళ్లకు రేఖకు సరైనోడు వచ్చాడని సంబరపడతారు.

ఇప్పుడు మీరు తాళి తీసేసి రచ్చ చేస్తే తాను మీడియా దగ్గరికి వెళ్తానని రాజు బెదిరిస్తాడు. తన దగ్గర ఉన్న సాక్ష్యాలన్నీ చూపించి దుగ్గిరాల కుటుంబం అల్లుడిని ఇంట్లో నుంచి గెంటేసిందని చెబుతానని అంటాడు. ఇలాగే బెదిరించి తన మెడలో తాళి కట్టాడని, కుటుంబం పరువు పోతుందని తాను ఏమీ అనలేదని ఇందు చెబుతుంది.

హారతిచ్చి స్వాగతం పలికిన భ్రమరాంబ

ఆ తర్వాత ఇందుని తీసుకొని రాజు బయటకు వెళ్తాడు. చివరిసారిగా అడుగుతున్నా.. లోనికి రావాలా లేక మీడియా గడప తొక్కాలా అని వార్నింగ్ ఇస్తాడు. లోనికి రమ్మను అని భ్రమరాంబకు చెప్పి రేఖ వెళ్లిపోతుంది. దీంతో భ్రమరాంబ వాళ్లిద్దరినీ హారతి ఇచ్చి మరీ లోనికి ఆహ్వానిస్తుంది. చూశావా మీ ఆంటీని ఎలా బోల్తా కొట్టించానో అని ఇందుతో అంటాడు రాజు.

రాజుని చూసి ఎమోషనల్ అయిన అపర్ణ, సుభాష్

ఇంట్లోకి వచ్చిన తర్వాత రాజును చూసి అపర్ణ, సుభాష్ ఎమోషనల్ అవుతారు. నువ్వు అచ్చూ మా కొడుకులాగే ఉన్నావని అంటారు. నీ పేరేంటని అడిగితే రాజు అని అంటాడు.. దీంతో వాళ్లు మరింత మురిసిపోతూ తమ కొడుకు పేరు కూడా రాజ్ అని, నీతో ఏదో రక్తం సంబంధం ఉన్నట్లు అనిపిస్తోందని సుభాష్ చెబుతాడు. రాజు తల్లిదండ్రుల పేర్లు అడుగుతారు. అతడు అబద్ధం చెప్పడానికి వెళ్లగా ఇందు నిజం చెప్పేస్తుంది.

రేఖ విడాకుల ప్లాన్

ఇంట్లోకి వచ్చిన తర్వాత కూడా ఇందుని రేఖ నానా మాటలు అంటుంది. కానీ ఇందు మాత్రం డ్రామా రక్తి కట్టిస్తుంది. ఇప్పటికీ మీరు ఏం చెబితే అది చేయడానికి తాను రెడీగా ఉన్నానని అంటుంది. అయితే అతనికి విడాకులు ఇస్తావా అని రేఖ అడుగుతుంది. దీంతో ఇందు, రాజు షాక్ తింటారు. ఇందు ఏం చెబుతుందా అని రాజు ఎదురు చూస్తుంటాడు. అక్కడితో బ్రహ్మముడి సీరియల్ ఈరోజు ఎపిసోడ్ ముగుస్తుంది.