బ్రహ్మముడి ప్రోమో: డాక్టర్‌తో నాటకం ఆడించిన కావ్య- నిజం బయటపెట్టిన రాజ్- కావ్య ఎగ్జిట్ ప్లాన్- ప్రాణాలతో చెలగాటం!

బ్రహ్మముడి లేటెస్ట్ ఎపిసోడ్ ప్రోమోలో రిపోర్ట్స్ చూసిన డాక్టర్ కావ్యకు ఏం కాదని, బేబీని క్యారీ చేయొచ్చని చెబుతుంది. దాంతో ఇంటిల్లిపాది సంతోషంగా ఉంటారు. రాజ్ మాత్రం డల్‌గా ఉంటే కావ్య అడుగుతుంది. డాక్టర్‌తో అబద్ధం ఎందుకు చెప్పించావని రాజ్ నిలదీస్తాడు. కావ్య షాక్ అవుతుంది. ఎగ్జిట్ ప్లాన్ ఉందంటుంది.

బ్రహ్మముడి సీరియల్‌ లేటెస్ట్ ఎపిసోడ్‌‌ ప్రోమోలో కావ్య కళ్లు తిరిగి పడిపోవడంతో హాస్పిటల్‌కు తీసుకెళ్తారు. అక్కడ డాక్టర్ కొన్ని టెస్టులు చేస్తానంటుంది. కావ్యకు స్పృహ వచ్చేలోపే అబార్షన్ చేయించాయలని ఇందిరాదేవి ఐడియా ఇస్తుంది. కానీ, దానికి రుద్రాణి అడ్డు పడుతుంది.

బ్రహ్మముడి సీరియల్ లేటెస్ట్ ఎపిసోడ్ ప్రోమో

తల్లికి తెలియకుండానా

రుద్రాణిని పట్టించుకోకుండా డాక్టర్‌తో కావ్య అబార్షన్ గురించి మాట్లాడుతాడు రాజ్. కానీ, డాక్టర్ ఒప్పుకోదు. తల్లికి తెలియకుండా అబార్షన్ చేయడం క్రైమ్ అంటూ వాదిస్తుంది డాక్టర్. ఇంతలో రిపోర్ట్స్ వచ్చాయని నర్స్ వచ్చి చెబుతుంది. దాంతో కావ్య బెడ్ దగ్గరికి వెళ్లి రిపోర్ట్స్ చూస్తుంది డాక్టర్. రిపోర్ట్స్ చూసిన డాక్టర్ బయటకు వచ్చి అందరికి గుడ్ న్యూస్ అని సంతోషంగా చెబుతుంది.

మీరు కావ్య గారి ప్రాణాలు పోతాయని భయపడేగా అబార్షన్ చేయిద్దామనుకుంటున్నారు. ఇక ఆ అవసరం లేదు. కావ్య గారి గర్భసంచి చిన్నది కావడంతో ఐదు నెలలు నిండితే బేబీని క్యారీ చేయలేదు. కానీ, ఇప్పుడు గర్భసంచిలో ఇంప్రూవ్‌మెంట్ కనిపిస్తుంది. కాబట్టి బిడ్డను కంటే కావ్యకు ఏం కాదు అని డాక్టర్ చెబుతుంది. దాంతో ఇంటిల్లిపాది సంతోషిస్తారు.

డాక్టర్ మాటలు నమ్మని రాజ్

రుద్రాణి ఫీల్ అవుతుంది. కానీ, రాజ్ నమ్మడు. మీరు చెప్పేది నిజమా అని అడుగుతాడు రాజ్. పేషంట్ ప్రాణాల మీదకు వచ్చే పని డాక్టర్స్ చేయరు. అబద్ధం చెప్పరు అని ఆ లేడి డాక్టర్ అంటుంది. దాంతో సంతోషంగా అంత ఇంటికి వెళ్లిపోతారు. అప్పటివరకు ఇంట్లో చోటు చేసుకున్న విషయాల గురించి మాట్లాడుకుంటారు. ఇకనుంచి అదంతా పక్కన పెట్టమని కావ్య అంటుంది.

ఇన్నాళ్లు ఏడుపులు, పెడబొబ్బలు చూసి విసిగిపోయాను. ఇకనుంచి అవన్నీ మర్చిపోయి సంతోషంగా ఉందామని కావ్య అంటుంది. దానికి ఇకపై ఆనందానికి చిరునామా మన ఇల్లే అవుతుందమ్మా అని సీతారామయ్య అంటాడు. అంతా సంతోషంగా నవ్వుతూ ఉంటారు. రుద్రాణి మాత్రం తాను అనుకుంది జరగలేదని ఫీల్ అవుతుంది. రాజ్ కూడా డల్‌గా కూర్చుని ఉంటాడు.

ఎందుకు అబద్ధం చెప్పించావ్

అంతా సంతోషంగా ఉంటే డల్‌గా ఉన్నావేంట్రా అని రాజ్‌ను అడుగుతారు. రాజ్ ఏం చెప్పడు. ఏం లేదని వెళ్లిపోతాడు. రాజ్ వెనుకే కావ్య వెళ్తుంది. మీరు అనుకున్నట్లుగానే ఇంటికి వారసుడు పుట్టబోతున్నాడు. నా ప్రాణాలకు ఏం కాదని డాక్టర్ చెప్పిందిగా. అంతా మంచే జరిగిందిగా ఎందుకు అలా డల్‌గా ఉన్నారు అని కావ్య రాజ్‌ను అంటుంది.

మీరు కోరుకున్నట్లు నేను, బిడ్డ ఇద్దరం క్షేమంగా ఉంటామని తెలిసిందిగా. ఇకా ఏదో పోగొట్టుకున్నవాడిలా అలానే చూస్తున్నారు అని కావ్య అంటుంది. అబద్ధం ఎందుకు చెప్పించావ్ కళావతి. డాక్టర్‌తో అలా ఎందుకు చెప్పించావ్ అని రాజ్ అడుగుతాడు. దానికి ఒక్కసారిగా కావ్య అదిరిపడుతుంది. షాక్ అయిపోతుంది. నేను అబద్ధం చెప్పించడం ఏంటండి అని తడబడుతూ అడుగుతుంది కావ్య.

కావ్య ఎగ్జిట్ ప్లాన్

నువ్వు డాక్టర్‌తో మాట్లాడుతున్నప్పుడు నేను విన్నాను అని రాజ్ చెబుతాడు. దాంతో షాక్‌లో నుంచి తేరుకున్న కావ్య అవునండి డాక్టర్‌తో అబద్ధం చెప్పించి నాటకం ఆడించాను. అదంత మన ఇంట్లోవాళ్ల కోసం. నేను ఎక్కడ చనిపోతానో అని అంతా బాధపడుతున్నారు. నేను చనిపోతానన్న నిజం చెప్పి ఇంట్లో అందరిని ఏడిపించాలా అని కావ్య అంటుంది.

మరి నీ గురించి ఏం ఆలోచించావ్ అని రాజ్ ఏడుస్తూ అడుగుతాడు. నేను ఎగ్జిట్ ప్లాన్ ఆలోచించాను అని కావ్య అంటుంది. ఎగ్జిట్ ప్లానా అని రాజ్ అయోమయంగా అడుగుతాడు. ఎగ్జిట్ ప్లాన్ అంటే కావ్య చనిపోవడం గురించి చెబుతుందని తెలుస్తోంది. బిడ్డ కోసం తన ప్రాణాలతో కావ్య చెలగాట ఆడుతుందని రాజ్ అనుకుంటాడు. అక్కడితో నేటి బ్రహ్మముడి సీరియల్ లేటెస్ట్ ఎపిసోడ్ ప్రోమో ముగుస్తుంది.