E-Paper
బ్రహ్మముడి అక్టోబర్ 29 ఎపిసోడ్: రాజ్, కావ్యలకు కొత్త సమస్య.. నిగ్గు తేల్చే పనిలో రాజ్.. దుగ్గిరాల ఇంట్లో కొత్త పంచాయితీ
బ్రహ్మముడి సీరియల్ బుధవారం (అక్టోబర్ 29) ఎపిసోడ్ ఆసక్తికరంగా సాగింది. రాజ్, కావ్యలు కొత్త సవాలుకు సిద్ధమవడం ఇందులో చూడొచ్చు. అటు స్వప్న ముందే తెగించేసిన రాహుల్.. తాను కోయిలీనే పెళ్లి చేసుకుంటానని స్పష్టం చేస్తాడు.
బ్రహ్మముడి సీరియల్ ఈరోజు అంటే 864వ ఎపిసోడ్ మొత్తం రాజ్, కావ్య.. రాహుల్, స్వప్న చుట్టే తిరిగింది. తమ భార్యలను రాజ్, కల్యాణ్ ప్రేమగా చూసుకోవడం చూసి స్వప్న బాధపడుతుంది. విడాకుల వరకూ రాహుల్ వెళ్లడంతో ఆ సమస్యను ఇంట్లో వాళ్ల ముందు పెట్టి న్యాయం కోరుతుంది.
రాజ్తో ఫస్ట్ నైట్ అంటూ ఆడుకున్న కావ్య
బ్రహ్మముడి సీరియల్ బుధవారం (అక్టోబర్ 29) ఎపిసోడ్ ఫస్ట్ నైట్ అంటూ రాజ్ తో కావ్య ఆడుకునే సీన్ తో మొదలవుతుంది. పాల గ్లాసు, పట్టు చీరలో కావ్యను చూసి రాజ్ షాక్ తింటాడు. ఇలా చేస్తే ఇంట్లో వాళ్లు ఏమనుకుంటారు అని రాజ్ అంటాడు.
ఫస్ట్ నైట్ కు ముహూర్తం కావాలి కానీ ఆ తర్వాత ఎప్పుడు కావాలంటే అప్పుడు ఇలా రెడీ అయిపోవచ్చు.. కడుపుతో ఉంటే కాపురం చేయొద్దన్నారా.. నేను ఉన్నన్నాళ్లూ మీతో ఇలా సంతోషంగా ఉండాలనుకుంటున్నాను అని కావ్య అంటుంది. ఆ మాటలు విని రాజ్ లబోదిబోమంటాడు. మధ్యలో కాసేపు ఇద్దరూ భావోద్వేగానికి గురైనా కావ్య మళ్లీ ఆ మూడ్ లోకి వచ్చేస్తుంది. రాజ్ ను మంచంపైకి తోసేసి పైకి దూకుతుంది.
రాహుల్కు లవర్ ఫోన్.. స్వప్న ముందే తెగించేసి..
అటు రాహుల్ కు అతని లవర్ కోయిలీ ఫోన్ చేస్తుంది. ఇద్దరూ ఫోన్లోనే సరసాలాడతారు. విడాకుల సంగతేమైంది.. నీ ఆస్తి నీ చేతికి వచ్చేస్తే ఇద్దరం పెళ్లి చేసుకుందాం అని ఆమె అంటుంది. అదే పనిలో ఉన్నాను డియర్, బేబీ అంటూ రాహుల్ మాట్లాడుతుండగా స్వప్న వస్తుంది.
ఆమె వచ్చింది కూడా గమనించకుండా రాహుల్ ఆమెతో మాట్లాడుతూనే ఉంటాడు. దీంతో స్వప్న అతన్ని నిలదీస్తుంది. ఓ బజారుదానితో నువ్వు తిరగడం నేను చూశాను.. నా నెక్లెస్ కూడా ఆమెకు ఇచ్చావా అని ప్రశ్నిస్తుంది. రాహుల్ కూడా తడబడకుండా నీతో ఉండటం ఇక కుదరదు.. ఆమె దగ్గర వందల కోట్ల ఆస్తి ఉంది.. నిన్ను వదిలేసి ఆమెనే పెళ్లి చేసుకుంటానని తెగేసి చెప్పి వెళ్లిపోతాడు.
ప్యాంటు, షర్టులో కావ్య.. ఆటపట్టించిన అపర్ణ, ఇందిర
మరోవైపు కావ్య కోసం రాజ్ ప్యాంటు, షర్ట్ తీసుకొస్తాడు. చీరలో యోగా చేస్తే బాగుండదు.. ఇది వేసుకో అని చెప్పగానే కావ్య షాక్ తింటుంది. మొదట వద్దని వారించినా.. రాజ్ బలవంతంగా ఆమెకు ఆ డ్రెస్సు ఇచ్చి వేసుకోమంటాడు. వాటిని వేసుకొని ఆమె సిగ్గుపడుతూ హాల్లోకి వస్తుంది. ఆమెను చూడగానే అపర్ణ, ఇందిర ఆట పట్టిస్తారు.
ఈ డ్రెస్సే బాగుందని, ఇలాగే కంటిన్యూ చేయమని అపర్ణ అనడంతో ఇంకేం మా అమ్మ నుంచి కూడా గ్రీన్ సిగ్నల్ వచ్చింది.. ఇలాగే ఉండమని రాజ్ అంటాడు. ఆ తర్వాత అప్పు, కావ్య కలిసి యోగా చేయడానికి వెళ్తారు. వాళ్లకు రాజ్, కల్యాణ్ జ్యూస్ తీసుకొని వెళ్లి బలవంతంగా తాగిస్తారు. వాళ్లు అన్యోన్యంగా ఉండటం చూసి స్వప్న బాధపడుతుంది.
రాహుల్ గురించి కావ్యకు చెప్పిన స్వప్న
స్వప్న బాధపడుతూ బయట నిలబడుతుంది. అది చూసి కావ్య ఆమె దగ్గరికి వెళ్లి ఏం జరిగింది అని అడుగుతుంది. రాహుల్ తెగించేశాడని, ఇంతుకుముందు తాను బెదిరిస్తే దారికి వచ్చేవాడని, కానీ ఇప్పుడు నువ్వు అవసరం లేదు.. ఆమెనే పెళ్లి చేసుకుంటానని తెగేసి చెబుతున్నాడని చెప్పి స్వప్న బాధపడుతుంది.
తాను గతంలో చేసిన తప్పులకు ఇప్పుడు ఆ దేవుడు తనకు శిక్ష వేస్తున్నాడని స్వప్న ఆవేదన వ్యక్తం చేస్తుంది. దీంతో రాహుల్ తో తాను మాట్లాడతానని కావ్య అంటుంది. ఇప్పుడిప్పుడే నువ్వు కోలుకుంటున్నావు.. దీని గురించి నువ్వు ఆలోచించకు.. నేను రాహుల్ తో మరోసారి మాట్లాడతానని స్వప్న వెళ్లిపోతుంది.
రాహుల్, స్వప్న గురించి రాజ్కు చెప్పిన కావ్య
ఆ తర్వాత గదిలోకి కావ్య కోసం రాజ్ టిఫిన్ తీసుకొస్తాడు. కావ్య బాధగా ఉండటం చూసి ఏమైందని అడిగితే.. రాహుల్, స్వప్న గురించి ఆమె చెబుతుంది. అతడు మారలేదని, ఎవరితోనో తిరుగుతున్నాడని అంటుంది.
అటు స్వప్నకు విడాకుల కాగితాలు ఇచ్చి సంతకాలు పెట్టమని రాహుల్ బలవంతం చేస్తాడు. దీంతో ఆమె ఆ కాగితాలను ఇంట్లో వాళ్లందరి ముందూ పెట్టి న్యాయం చేయమని అడుగుతుంది. దీంతో వాళ్లందరూ షాక్ తింటారు. అటు పెళ్లయి, ఓ పాప ఉన్న రాహుల్ ను బుట్టలో వేసుకున్న ఆ అమ్మాయి ఎవరు? ఆమె పుట్టుపూర్వోత్తరాలన్నీ బయటకు తీయాలని రాజ్, కావ్య ప్లాన్ చేస్తారు. అక్కడితో బ్రహ్మముడి ఈరోజు ఎపిసోడ్ ముగుస్తుంది.
