OTT Horror: పోస్టరే ఇలా ఉంటే.. సినిమా ఎంతలా భయపెడుతుందో? ఒంటరిగా చూడొద్దు.. తెలుగులో ఓటీటీలోకి మిస్టరీ హారర్ థ్రిల్లర్

OTT Horror: ఎలాంటి ఎడిటింగ్ కట్స్ లేకుండా ఒకే టేక్‌లో తెరకెక్కిన సైకలాజికల్ హారర్ థ్రిల్లర్ సినిమా ఒకటి ఓటీటీలోకి వచ్చేసింది. వెన్నులో వణుకు పుట్టించే సీన్లతో ఉన్న ఈ మూవీ ప్రస్తుతం డిజిటల్ స్ట్రీమింగ్ అవుతోంది. ఈ మూవీ ఏంటీ? ఏ ఓటీటీలో చూడాలి? అనేదానిపై ఓ లుక్కేయండి.

OTT Horror: హర్రర్, మైండ్-బెండింగ్ సస్పెన్స్ థ్రిల్లర్ సినిమాలను ఇష్టపడే ఓటీటీ లవర్స్ కోసం ఒక డిఫరెంట్ మూవీ వచ్చేసింది. ఎక్కడా ఎడిటింగ్ కట్స్ లేకుండా, ఒకే కంటిన్యూయస్ టేక్ (వన్-షాట్)తో రూపొందిన సైకాలాజికల్ హారర్ థ్రిల్లర్ ‘బరీ ది డెవిల్’ ఓటీటీలో అడుగుపెట్టింది.

పోస్టరే ఇలా ఉంటే.. సినిమా ఎంతలా భయపెడుతుందో? ఒంటరిగా చూడొద్దు.. తెలుగులో ఓటీటీలోకి మిస్టరీ హారర్ థ్రిల్లర్

వణికించే స్టోరీ

ఈ బరీ ది డెవిల్ మూవీ డైరెక్ట్ ఓటీటీలో రిలీజైంది. ఈ మూవీ కథ జూలియా అనే ఒక హాస్పిస్ నర్స్ (తీవ్ర అనారోగ్యంతో బాధపడేవారిని చూసుకునే నర్స్) చుట్టూ తిరుగుతుంది. తీవ్రమైన డిమెన్షియా (మతిమరుపు) వ్యాధితో బాధపడుతున్న ఈవ్లిన్ అనే వృద్ధురాలికి సేవలు అందించడానికి జూలియా ఆమె నివాసానికి వెళుతుంది.

ఆ ఇల్లు నగరానికి దూరంగా, చీకటిగా, ఒంటరిగా ఉంటుంది. రాత్రి సమయం గడిచేకొద్దీ ఈవ్లిన్ ప్రవర్తనలో విపరీతమైన, భయంకరమైన మార్పులు మొదలవుతాయి. మొదట్లో అది వయోభారం, డిమెన్షియా వల్ల వచ్చిన మానసిక మార్పు అని జూలియా భావిస్తుంది. కానీ క్రమంగా ఆ వృద్ధురాలు చేసే పనులు అత్యంత భయంకరంగా మారతాయి.

నరకం చూపించే క్లైమాక్స్

ఓటీటీలో స్ట్రీమింగ్ అవుతున్న హారర్ థ్రిల్లర్ బరీ ది డెవిల్ మూవీ కథలో సమయం గడిచేకొద్దీ పరిస్థితి చేయిదాటిపోతుంది. ఈవ్లిన్ శరీరంలోకి ఒక దెయ్యం ప్రవేశించిందని జూలియా గ్రహిస్తుంది. ఆ భయంకరమైన రాక్షస శక్తి నుంచి రక్షించుకోవడానికి, ఆ ఇంట్లో నుంచి బయటపడటానికి జూలియా తీవ్రంగా పోరాడాల్సి వస్తుంది.

బయటకు వెళ్లే మార్గం లేకపోవడం, చుట్టూ చీకటి, మరోవైపు విరుచుకుపడే దుష్టశక్తి.. ఈ భయానక పరిస్థితుల నడుమ జూలియా ఆ రాత్రిని ఎలా గడిపింది? ఆ దెయ్యం బారి నుంచి ప్రాణాలతో బయటపడిందా లేదా అనేది ఈ బరీ ది డెవిల్ సినిమాలో అత్యంత ఉత్కంఠభరితంగా చూపించారు.

నటన కూడా అదుర్స్

ఈ సినిమాలో నర్స్ జూలియా పాత్రలో డాన్ ఫోర్డ్ అద్భుత నటనను కనబరిచారు. ఆపదలో చిక్కుకున్న వ్యక్తిగా ఆమె పడే వేదన, భయం ప్రేక్షకులను నేరుగా కథలోకి తీసుకెళ్తాయి. దెయ్యం పట్టిన వృద్ధురాలు ఈవ్లిన్ పాత్రలో ఎమ్మాన్యుయెల్ లుస్సియర్ మార్టినెజ్ భయానక అభినయంతో ఆకట్టుకున్నారు. అలాగే డాక్టర్ ఫిలిప్స్ పాత్రలో బిల్ రోవాట్ మెప్పించారు.

ఓటీటీ విడుదల వివరాలు

ఈ బరీ ది డెవిల్ చిత్రం గ్లోబల్‌గా అమెజాన్ ప్రైమ్ వీడియో (Amazon Prime Video), ఆపిల్ టీవీ (Apple TV), గూగుల్ ప్లే మూవీస్ (Google Play Movies) వేదికలపై అందుబాటులో ఉంది. ఇండియాలోని సినీ లవర్స్ ఈ సినిమాను బుక్‌మైషో స్ట్రీమ్ (BookMyShow Stream) వేదికగా పే-పర్-వ్యూ పద్ధతిలో కూడా చూసే అవకాశం ఉంది. తెలుగులోనూ స్ట్రీమింగ్ అవుతోంది.