Chiranjeevi: కనిపించే దైవం కూడా కని పెంచిన మాతృమూర్తి తర్వాతే.. మదర్స్ డే సందర్భంగా అరుదైన ఫొటోలు పంచుకున్న చిరంజీవి

Chiranjeevi: మదర్స్ డే 2026 సందర్భంగా చిరంజీవి పెట్టిన పోస్ట్ వైరల్ గా మారింది. తన తల్లితో ఉన్న అరుదైన ఫొటోలను చిరంజీవి ఈ సందర్భంగా సోషల్ మీడియాలో షేర్ చేశారు.

Chiranjeevi: సందర్భంగా ఏదైనా మెగాస్టార్ చిరంజీవి తన సోషల్ మీడియా అకౌంట్ల ద్వారా రియాక్టవుతుంటారు. ఇవాళ మదర్స్ డే సందర్భంగానూ చిరు ఓ ట్వీట్ చేశారు. తన తల్లితో, తోబుట్టువులతో, సోదరులతో ఉన్న అరుదైన చిత్రాలను కూడా పంచుకున్నారు. ఈ ట్వీట్ వైరల్ గా మారింది.

చిరంజీవి ట్వీట్

తల్లితో చిరంజీవి (x/KChiruTweets)

మాతృదినోత్సవం సందర్భంగా శుభాకాంక్షలు చెప్తూ చిరంజీవి పెట్టిన పోస్టు నెట్టింట్లో తెగ చక్కర్లు కొడుతోంది. అమ్మ గొప్పతనాన్ని చాటేలా మెగాస్టార్ పోస్టు ఉంది. తన బ్రదర్స్ పవన్ కల్యాణ్, నాగబాబుతో పాలు తల్లిదండ్రులు, సిస్టర్స్ తో ఉన్న రేర్ ఫొటోలనూ చిరంజీవి పంచుకున్నారు.

మొదటి గురువు

‘‘అమ్మ… మన మొదటి గురువు, మన మొదటి ధైర్యం. కనిపించే దైవం కూడా “కని పెంచిన” మాతృమూర్తి తర్వాతే…! మన విజయాల వెనక త్యాగం… మన ప్రతి అడుగులోనూ నిశ్శబ్దంగా నిలిచే ఆశీర్వాదం అమ్మది. మనకంటే మనల్ని ఎక్కువగా ప్రేమించే ప్రతి మాతృమూర్తికి హృదయపూర్వక మాతృదినోత్సవ శుభాకాంక్షలు’’ అని చిరంజీవి ఎక్స్ లో పోస్టు చేశారు.

అంజనమ్మపై ప్రేమ

2026ను చిరంజీవి బ్లాక్ బస్టర్ తో స్టార్ట్ చేశారు. సంక్రాంతికి వచ్చిన మన శంకర వర ప్రసాద్ గారు మూవీ సూపర్ డూపర్ హిట్ గా నిలిచింది. అనిల్ రావిపూడి డైరెక్షన్ తో వచ్చిన ఈ మూవీ ప్రపంచవ్యాప్తంగా రూ.400 కోట్లకు పైగా కలెక్షన్లు రాబట్టింది.

విశ్వంభర

చిరంజీవి ఈ ఏడాది మరో మూవీతో ఆడియన్స్ ను ఎంటర్ టైన్ చేసేందుకు రెడీ అవుతున్నారు. చిరు నటించిన సోషియా ఫాంటసీ థ్రిల్లర్ ‘విశ్వంభర’ రిలీజ్ కు రెడీ అవుతోంది.

మెగాస్టార్ ప్రస్తుతం బాబీ కొల్లి డైరెక్షన్ లో ఓ మాస్ మూవీ చేస్తున్నారు. దీనికి సంబంధించిన పూర్తి వివరాలు త్వరలోనే రానున్నాయి.

పవన్ ఇలా

మరోవైపు పవర్ స్టార్ పవన్ కల్యాన్ రీసెంట్ గా ఉస్తాద్ భగత్ సింగ్ తో థియేటర్లో సందడి చేశారు. కానీ ఈ మూవీ అనుకున్న ఫలితాన్ని ఇవ్వలేదు. బాక్సాఫీస్ దగ్గర ఫ్లాప్ గా నిలిచింది. పవన్ నెక్ట్స్ మూవీపై ఇంకా క్లారిటీ లేదు. మరోవైపు డైరెక్టర్ సుజీత్ ఏమో ఓజీ 2 పనులు మొదలెట్టాడనే వార్తలు వస్తున్నాయి.