Comedian Ali: పూరి జగన్నాథ్ దగ్గర పని చేసిన మార్క్ కనిపిస్తోంది.. కమెడియన్ అలీ కామెంట్స్

Comedian Speech At Harudu Trailer Launch Event: టాలీవుడ్ హీరో వెంకట్ వెండితెరపై కమ్‌బ్యాక్ ఇస్తోన్న లేటెస్ట్ మూవీ హరుడు. ఇటీవల హరుడు ట్రైలర్ రిలీజ్ చేశారు. ఈ సందర్భంగా నిర్వహించిన హరుడు ట్రైలర్ లాంచ్ ఈవెంట్‌లో కమెడియన్ అలీ ఇంట్రెస్టింగ్ కామెంట్స్ చేశారు.

Comedian Ali Comments On Raj Thalluri: టాలీవుడ్‌లోకి మళ్లీ కమ్‌బ్యాక్ ఇస్తున్న హీరో వెంకట్. శ్రీ సీతా రాముల కల్యాణం చూతము రారండి, అన్నయ్య, ప్రేమ కోసం, శివ రామరాజు వంటి సూపర్ హిట్ సినిమాలతో ఆకట్టుకున్న హీరో వెంకట్ మరోసారి వెండితెరపై అలరించేందుకు రెడీ అయ్యాడు.

పూరి జగన్నాథ్ దగ్గర పని చేసిన మార్క్ కనిపిస్తోంది.. కమెడియన్ అలీ కామెంట్స్

హరుడు నటీనటులు

విఆర్ ఎంటర్టైన్మెంట్స్ బ్యానర్‌లో వెంకట్ హీరోగా తెరకెక్కుతున్న సినిమా హరుడు. మాస్ కమర్శియల్ ఎంటర్‌టైనర్‌గా వస్తోన్న హరుడు సినిమాకు పూరి జగన్నాథ్ శిష్యుడు రాజ్ తాళ్లూరి దర్శకత్వం వహిస్తున్నారు. ఈ సినిమాలో వెంకట్‌తోపాటు, శ్రీహరి పైలా,హెబ్బపటేల్, సలోని, నటాషా, అలీ, సుమన్, రవి వర్మ, సుభాశ్రీ , వేద్విక, చాందిని రావు, రవి, షాని, ఆదిత్య, సమేట గాంధీ, దిల్ రమేష్, దొరబాబు కీలక పాత్రలు పోషించారు.

అయితే, ఇప్పటికే విడుదలైన హరుడు గ్లింప్స్‌కి అద్భుతమైన రెస్పాన్స్ వచ్చింది. హరుడు సినిమా మే 8న విడుదల కానుంది. ఈ నేపథ్యంలో హరుడు ట్రైలర్‌ను మేకర్స్ రిలీజ్ చేశారు. ఈ సందర్భంగా నిర్వహించిన హరుడు ట్రైలర్ లాంచ్ ఈవెంట్‌లో కమెడియన్ అలీ ఇంట్రెస్టింగ్ కామెంట్స్ చేశాడు.

అప్పటి నుంచే మా జర్నీ

అలీ మాట్లాడుతూ.. "అందరికీ నమస్కారం. వెంకట్‌తో ‘సీతారామ కళ్యాణం’ సినిమా నుంచి పరిచయం ఉంది. ఆ సినిమా పెద్ద హిట్ అయింది. అప్పటి నుంచి మా జర్నీ కొనసాగుతోంది. ఆయన నిర్మించిన ఒక సినిమాలో కూడా నేను నటించాను" అని అన్నారు.

"అన్ని భాషల్లో సినిమాలు చేసిన వెంకట్ ఇప్పుడు ‘హరుడు’తో వస్తున్నారు. ఆయన యాక్షన్ చాలా బాగుంటుంది. రాజ్ తాళ్లూరి గారు పూరి జగన్నాథ్ గారి దగ్గర పని చేశారు. ఆ మార్క్ కనిపిస్తోంది. మే 8న ఈ సినిమా వస్తోంది.టీమ్ అందరికీ ఆల్ ది బెస్ట్" అని కమెడియన్ అలీ చెప్పుకొచ్చాడు.

లవర్ బాయ్‌గా చూశాం

ఇదే ఈవెంట్‌లో నటుడు ప్రవీణ్ మాట్లాడుతూ.. "హరుడు ట్రైలర్ చాలా అద్భుతంగా ఉంది. వెంకట్ గారిని లవర్ బాయ్‌గా చూశాం. కానీ ఇందులో చాలా డైనమిక్‌గా కనిపిస్తున్నారు. ఈ సినిమా మంచి సక్సెస్ అవ్వాలని కోరుకుంటున్నాను" అని తెలిపారు.

చంద్ర మహేష్ మాట్లాడుతూ.. "ట్రైలర్ చాలా అద్భుతంగా ఉంది. రాజ్ గారు పూరి జగన్నాథ్ గారి దగ్గర పని చేసిన మార్క్ కనిపిస్తోంది. వెంకట్ గారు అప్పటికీ ఇప్పటికీ అదే ఎనర్జీతో ఉన్నారు. సాంగ్స్, బ్యాక్‌గ్రౌండ్ స్కోర్ చాలా బాగున్నాయి. మే 8న విడుదల అవుతోంది. అందరూ తప్పకుండా థియేటర్లలో చూడాలి" అని ఆకాంక్షించారు.

అద్భుతమైన విజన్‌తో

మ్యూజిక్ డైరెక్టర్ మణి జిన్న మాట్లాడుతూ.. "రాజ్ గారు అద్భుతమైన విజన్‌తో ఈ సినిమా తీశారు. మంచి పాటలు రూపొందించాం. వెంకట్ గారు చాలా సపోర్ట్ చేశారు. మా మ్యూజిక్ టీమ్ అందరికీ ధన్యవాదాలు. ఈ సినిమా మీ అందరినీ అలరిస్తుంది" అని పేర్కొన్నారు.

డీఓపీ ఆనంద్ మాట్లాడుతూ.. "అందరికీ నమస్కారం. సినిమా అద్భుతంగా వచ్చింది. రాజు గారు విజువల్‌గా చాలా బాగా తీశారు. సాంగ్స్, యాక్షన్ రెండూ అద్భుతంగా ఉంటాయి. వెంకట్ గారు చాలా డిఫరెంట్‌గా కనిపించబోతున్నారు" అని వెల్లడించారు.