Con City OTT: ఈరోజు ఓటీటీలోకి తెలుగులోనూ వచ్చిన ఈ తమిళ క్రైమ్ కామెడీ థ్రిల్లర్ మిస్ కావద్దు.. ఆ ఫ్యామిలీ సీక్రెట్ ఏంటి?

Con City Review in Telugu: నెట్‌ఫ్లిక్స్ ఓటీటీలోకి ఈరోజు అంటే శుక్రవారం (జులై 24) వచ్చిన తమిళ హైస్ట్ కామెడీ థ్రిల్లర్ మూవీ తెలుగులోనూ స్ట్రీమింగ్ అవుతోంది. థియేటర్లలో బాగా నవ్వించిన ఈ సినిమా ఇప్పుడు ఓటీటీలో ఎందుకు చూడాలో తెలుసుకోండి.

Con City OTT Review in Telugu: థియేటర్లలో ప్రేక్షకులను కడుపుబ్బా నవ్విస్తూ, సస్పెన్స్‌తో కట్టిపడేసిన అర్జున్ దాస్ (Arjun Das), అన్నా బెన్ క్రైమ్ కామెడీ థ్రిల్లర్ 'కాన్ సిటీ' డిజిటల్ స్ట్రీమింగ్‌కు వచ్చేసింది. జూన్ 26న గ్రాండ్‌గా థియేటర్లలో రిలీజైన ఈ వైవిధ్యమైన సినిమా.. ఇప్పుడు నెట్‌ఫ్లిక్స్ (Netflix) వేదికగా ఓటీటీలో సందడి చేస్తోంది.

Con City OTT: ఈరోజు ఓటీటీలోకి తెలుగులోనూ వచ్చిన ఈ తమిళ క్రైమ్ కామెడీ థ్రిల్లర్ మిస్ కావద్దు.. ఆ ఫ్యామిలీ సీక్రెట్ ఏంటి?

తమిళంతోపాటు తెలుగులోనూ స్ట్రీమింగ్ అవుతోంది. థియేటర్లలో ఈ సినిమాను మిస్ అయిన మూవీ లవర్స్ ఇప్పుడు ఇంట్లోనే కూర్చుని ఈ ఫుల్ ఎంటర్‌టైనర్‌ను ఫ్యామిలీతో కలిసి ఎంజాయ్ చేసేయొచ్చు.

ఆ ఫ్యామిలీ వెనుక ఉన్న సీక్రెట్ ఏంటి?

డెబ్యూ డైరెక్టర్ హరీష్ దురైరాజ్ అత్యంత ప్రతిష్టాత్మకంగా తెరకెక్కించిన ఈ క్రైమ్ కామెడీ డ్రామాలో కామెడీ, క్రైమ్, ఫ్యామిలీ ఎమోషన్స్ అన్నీ పర్ఫెక్ట్ డోస్‌లో మిక్స్ అయ్యాయి.

మంగళూరు నేపథ్యంలో సాగే ఒక సాధారణ కుటుంబం చుట్టూ కాన్ సిటీ మూవీ కథ నడుస్తుంది. పైకి మామూలుగా కనిపించే ఆ ఫ్యామిలీ వెనుక ఉన్న అసలు రహస్యం ఏంటి? వారు ప్లాన్ చేసే హైస్ట్ కామెడీ సీన్స్ ఎలా ఉంటాయి? అనే ఆసక్తికరమైన మలుపులతో ఈ సినిమా ఫుల్ ఎంటర్‌టైనింగ్‌గా సాగుతుంది.

అర్జున్ దాస్, అన్నా బెన్ అదిరిపోయే యాక్టింగ్

తమిళంతో పాటు తెలుగు, హిందీ, కన్నడ, మలయాళ భాషల్లో నెట్‌ఫ్లిక్స్‌లో ఈ మూవీ గ్రాండ్‌గా స్ట్రీమింగ్ అవుతోంది. తనదైన యూనిక్ బేస్‌ వాయిస్‌తో అలరించే అర్జున్ దాస్ ఇందులో కూల్ గ్యాంగ్‌స్టర్‌లా డిఫరెంట్ షేడ్స్‌లో కనిపించి కట్టుపడేశారు. ఇక మలయాళ టాలెంటెడ్ బ్యూటీ అన్నా బెన్ తన క్యూట్ ఎక్స్‌ప్రెషన్స్‌తో కాన్ ఆర్టిస్ట్‌గా లీడ్ రోల్‌లో అదరగొట్టింది.

థియేటర్లలో పాజిటివ్ టాక్ తెచ్చుకున్న ఈ సినిమా ఇప్పుడు డిజిటల్ ఆడియన్స్‌ను అలరించేందుకు సిద్ధమైంది. ఈ సినిమాకు ఐఎండీబీలో ఏకంగా 8.8 రేటింగ్ ఉందంటే.. ఈ మూవీ ప్రేక్షకులకు ఎంతలా నచ్చిందో అర్థం చేసుకోవచ్చు.

ఈ వీకెండ్‌లో ఫ్యామిలీతో కలిసి సరదాగా నవ్వుకోవడానికి ఒక మంచి క్రైమ్ కామెడీ సినిమా కోసం చూస్తున్నట్లయితే 'కాన్ సిటీ' కచ్చితంగా మంచి ఆప్షన్ అవుతుంది. నెట్‌ఫ్లిక్స్‌లో ట్రెండ్ అవుతున్న ఈ మూవీని వీక్షించి మీ వీకెండ్‌ను ఎంజాయ్ చేయండి.