ఓటీటీలో క్రైమ్ థ్రిల్లర్ మూవీ దూకుడు.. అమ్మాయిల మిస్సింగ్ కేసు ఛేదించే పోలీస్.. తన కేసు తానే వాదించుకునే క్రిమినల్

ఓటీటీలోకి నేరుగా స్ట్రీమింగ్ కు వచ్చిన ఓ క్రైమ్ థ్రిల్లర్ వెబ్ సిరీస్ దూసుకెళ్తోంది. స్ట్రీమింగ్ మొదలై మూడు వారాలైనా.. రికార్డుల మీద రికార్డులు తిరగరాస్తూనే ఉంది. తాజాగా మరో స్ట్రీమింగ్ రికార్డును క్రియేట్ చేసింది.

క్రైమ్ థ్రిల్లర్ సినిమాలు, వెబ్ సిరీస్ కు ఓటీటీలో ఎంతటి ఫాలోయింగ్ ఉంటుందో తాజాగా జీ5 ఓటీటీలోకి వచ్చిన మూవీ నిరూపిస్తోంది. జీ5 ఓటీటీలో హిందీలో స్ట్రీమింగ్ అవుతున్న ఈ సినిమా పేరు భాగవత్ ఛాప్టర్ 1 రాక్షస్. ప్రముఖ బాలీవుడ్ నటుడు అర్షద్ వార్సీ లీడ్ రోల్లో నటించిన సినిమా ఇది.

ఓటీటీలో క్రైమ్ థ్రిల్లర్ మూవీ దూకుడు.. అమ్మాయిల మిస్సింగ్ కేసు ఛేదించే పోలీస్.. తన కేసు తానే వాదించుకునే క్రిమినల్

భాగవత్ మూవీ స్ట్రీమింగ్ రికార్డు

అర్షద్ వార్సీ లీడ్ రోల్లో నటించిన భాగవత్ ఛాప్టర్ 1 రాక్షస్ మూవీ 250 మిలియన్ల స్ట్రీమింగ్ మినట్స్ రికార్డును అందుకున్నట్లు జీ5 ఓటీటీ వెల్లడించింది. గురువారం (నవంబర్ 6) తన ఎక్స్ అకౌంట్ ద్వారా ఆ ఓటీటీ ట్వీట్ చేసింది. “చేజ్ కొనసాగుతోంది.. అలాగే వ్యూస్ కూడా.. భాగవత్ జీ5లో స్ట్రీమింగ్ అవుతోంది” అనే క్యాప్షన్ తో ఆ ఓటీటీ ట్వీట్ చేసింది. మూడు వారాలైనా ఇంకా దూసుకెళ్తూనే ఉందంటూ లేటెస్ట్ పోస్టర్ పై క్యాప్షన్ ఉంచింది. 25 కోట్ల స్ట్రీమింగ్ మినట్స్ రికార్డు అంటే చాలా అరుదుగా సాధించే ఘనతే.

భాగవత్ మూవీ గురించి..

అర్షద్ వార్సీ, జితేంద్ర కుమార్ నటించిన క్రైమ్ థ్రిల్లర్ మూవీ భాగవత్ ఛాప్టర్ 1 రాక్షస్. ఈ సినిమా నేరుగా జీ5 ఓటీటీలోకే స్ట్రీమింగ్ కు వచ్చింది. అక్టోబర్ 17న ప్రీమియర్ అయింది. వచ్చిన తొలి రోజు నుంచే ఈ సినిమాకు ప్రేక్షకుల నుంచి మంచి ఆదరణ లభిస్తోంది. అమ్మాయిల మిస్సింగ్ కేసు చుట్టూ సాగే మూవీ ఇది. కొత్తగా వచ్చిన డీసీపీ భాగవత్ ఈ కేసును ఎలా పరిష్కరించాడన్నది మూవీలో చూడొచ్చు.

ఇప్పటి వరకూ చాలా సాఫ్ట్ హీరో పాత్రల్లో కనిపించిన జితేంద్ర కుమార్ తొలిసారి ఈ మూవీలో నెగటివ్ రోల్లో నటించడం విశేషం. పోలీసుల ముందు తానే తప్పు చేసినట్లు అంగీకరించినా.. కోర్టులో తన కేసు తానే వాదించుకుంటూ తన తెలివి తేటలతో ఇందులో నుంచి బయటపడేందుకు ప్రయత్నించే విలన్ పాత్ర అతనిది. ఈ సినిమాకు ఓ మోస్తరు రివ్యూలు వచ్చాయి. ప్రస్తుతం జీ5 ఓటీటీలో హిందీ ఆడియోతో ఈ సినిమా స్ట్రీమింగ్ అవుతోంది. ఇప్పటి వరకూ చూసి ఉండకపోతే వెంటనే చూసేయండి.