Chiranjeevi 158: అన్నీ ఫ్లాప్‌లే.. ఇప్పుడు మెగాస్టార్ సినిమాలో విల‌న్‌గా హీరోయిన్‌.. చిరు మూవీతో బ్యూటీ ల‌క్ మారుతుందా?

Chiranjeevi 158: మెగాస్టార్ చిరంజీవి జోరు మీదున్నారు. ఈ ఏడాది మన శంకర వర ప్రసాద్ గారుతో బ్లాక్ బస్టర్ అందుకున్న చిరు.. ఇప్పుడు బాబీ కొల్లి డైరెక్షన్ లో ఓ మూవీ చేస్తున్నారు. ఇందులో ఓ హాట్ బ్యూటీ విలన్ క్యారెక్టర్ ప్లే చేయబోతుందనే బజ్ ఇప్పుడు వైరల్ గా మారింది.

Chiranjeevi 158: మెగాస్టార్ వరుస సినిమాలతో దూసుకెళ్తున్నారు. 2026 సంక్రాంతికి మన శంకర వర ప్రసాద్ గారు మూవీతో తన కెరీర్ లోనే బిగ్గెస్ట్ బ్లాక్ బస్టర్ ను చిరంజీవి అందుకున్నారు. ఈ మూవీ సక్సెస్ జోష్ తో ఇప్పుడు వరుసగా క్రేజీ ప్రాజెక్టులను లైన్ లో పెట్టారు. ఇందులో ఒకటి బాబీ కొల్లి డైరెక్షన్ లో చేస్తున్నారు.

మెగాస్టార్ సినిమాలో విలన్ గా హీరోయిన్ (x/Chiranjeevi 158:)

విలన్ గా డింపుల్ హయాతి

చిరంజీవి- బాబీ కొల్లి డైరెక్షన్ లో తెరకెక్కుతున్న సినిమాలో టాలీవుడ్ హాట్ బ్యూటీ డింపుల్ హయాతి విలన్ రోల్ చేయబోతుందనే క్రేజీ బజ్ వైరల్ గా మారింది. ఇన్ని రోజులూ గ్లామరస్ పాత్రలు చేసుకుంటూ వచ్చిన డింపుల్.. ఇప్పుడు నెగెటివ్ షేడ్స్ ఉన్న క్యారెక్టర్ లోకి షిఫ్ట్ అవుతుందనే విషయం హాట్ టాపిక్ గా మారింది.

చిరుతో ఢీ

చిరంజీవి కొత్త సినిమాలో డింపుల్ హయాతి లేడీ విలన్ గా పవర్ ఫుల్ క్యారెక్టర్ చేయబోతుందనేది ఫిల్మ్ నగర్ వర్గాల టాక్. గ్యాంగ్ స్టర్ బ్యాక్ డ్రాప్ లో సాగే ఈ పీరియాడిక్ యాక్షన్ థ్రిల్లర్ లో హీరో చిరంజీవిని డింపుల్ ఢీ కొడుతుందని అంటున్నారు. ఈ మూవీలో డింపుల్ తన రోల్ తో కచ్చితంగా సర్ ప్రైజ్ చేస్తుందనే టాక్ వినిపిస్తోంది.

లక్ మారేనా?

తెలుగమ్మాయి డింపుల్ హయాతికి వరుసగా అన్నీ ఎదురు దెబ్బలే తగులుతున్నాయి. 2017లో ‘గల్ఫ్’ మూవీతో డెబ్యూ చేసిన ఈ బ్యూటీకి ఇప్పటివరకూ ఒక్క సాలిడ్ హిట్ కూడా దక్కలేదు. ‘ఖిలాడీ’, ‘రామబాణం’, ‘భర్త మహాశయులకు విజ్ఞ‌ప్తి లాంటి మూవీస్ చేసినా లక్ కలిసి రాలేదు. మరి ఇప్పుడు చిరు మూవీతోనైనా ఆమె లక్ మారుతుందేమో చూడాలి.

2026 సంక్రాంతికి రిలీజైన భర్త మహాశయులకు విజ్ఞ‌ప్తి సినిమాలో రవితేజ వైఫ్ గా డింపుల్ హయాతి నటించింది. ఈ మూవీ అంతంతమాత్రంగానే ఆడింది. మరోవైపు యంగ్ హీరో శర్వానంద్ తో ‘భోగి’ అనే మూవీలో డింపుల్ నటిస్తోంది. దీనికి సంపత్ నంది డైరెక్టర్.

మెగా 158

బాబీ కొల్లి దర్శకత్వంతో మెగాస్టార్ చిరంజీవి మూవీ ఇప్పటికే పట్టాలెక్కింది. చిరు కెరీర్ లో ఇది 158వ సినిమా. ఏప్రిల్ 11నే లాంఛ్ అయిన ఈ మూవీపై భారీ అంచనాలే నెలకొన్నాయి. చిరంజీవి- బాబీ కొల్లి కాంబినేషన్లో వచ్చిన ‘వాల్తేరు వీరయ్య’ సూపర్ హిట్ కావడంతో మరోసారి ఈ కాంబోపై హైప్ నెలకొంది. ఈ చిత్రంలో ప్రియమణి హీరోయిన్. దీనికి ‘కాకాజీ’ అనే టైటిల్ పరిశీలిస్తున్నట్లు ప్రచారం సాగుతోంది.